Nsumuinu 8:17 - MUKANDA WA MYIDI MUKULU

¹⁷ Ndi munange badi bannanga. Badi bankebelamu nebampete.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Ndi munange badi bannanga, bonso badi bankeba ne lukunukunu nebansangane.

Nsumuinu 8:17 Referans Kwoze

Yowanane 14:23

Yezu kumuandamuna ne: — Muntu udi munnange, neakumbaje bindi ngamba. Tatu wanyi neamunange. Tatu wanyi ne meme netuye kudiye, netusombe munda muende.

Yowanane 14:21

Muntu udi ulama mikenji yanyi, uyitumikila, ke udi munnange. Muntu udi munnange, Tatu wanyi neamunange. Meme kabidi nemmunange, nendileje kudiye.

Misambu 91:14

Maweja-Nangila udi wamba ne: “Bu mudiye mundamate, nemmusokoke, nemmulame, bualu mmumanye tshindi.

Yeshaya 55:6

Nuye bonsu kudi Maweja-Nangila, bualu mpindiewu udi munuindile! Numuele lubila, bualu udi pabuipi nenu.

1 Samuele 2:30

Bu muudi wenza nanku, teleja tshindi nkuambila, meme Maweja-Nangila Mvidi Mukulu wa bena Izrayele: Mvua mulaya bena nzubu webe ne bena diku diebe, bua bikale batuangaji banyi kashidi. Kadi mpindiewu, ndi nkujadikila ne: kabitshiena nanku to. Meme ndi nnemeka amu bantu badi bannemeka meme. Kadi bantu badi bampepeja, meme nembapepeje.

1 Yone 4:19

Kadi tuetu tudi tunangangana, bualu Mvidi Mukulu uvua mudianze kutunanga.

Yeshaya 45:19

Meme tshiena muakule mu musokoku. Muaku wanyi kawena ufuma mu miidima. Tshiena mutumine ndelanganyi ya Yakobe diyi, bua inkebele muaba udi mutupu. Meme Maweja-Nangila ndi ngamba malu amu patoke. Malu onsu andi mmanyisha mmalelela. Ndi ngakumbaja.”

Matayi 6:33

Nuenu bangabanga nuditatshishe bua Bukalenga bua Mvidi Mukulu; nukumbaje tshidi Mvidi Mukulu musue. Nanku Yeye neanusakidile bikuabu bionsu abi.

Yakobe 1:5

Kadi padi muntu wa kunudi ubula meji, aalombe kudi Mvidi Mukulu. Neamupeshewu, bualu Mvidi Mukulu udi upesha bonsu ne kalolo kabidi ne disanka.

Yowanane 16:27

Bualu Tatu yeye nkayende udi mununange. Udi mununange, bualu nudi bannange, bitabe kabidi ne: ndi mufume kudi Mvidi Mukulu.

Marke 10:14

Padi Yezu umona nanku, kusodiaye, kuambila balongi bende ne: — Lekelayi kukandika bana! Balekelayi balue kundi, bualu Bukalenga bua Mvidi Mukulu mbua badi bu bana.

Nsumuinu 1:28

Dituku adi nenumbikile bua meme kunuambuluisha, kadi tshiakunuandamuna to. Nenunkebe, kadi kanuakummona to.

Muambi 12:1

Vuluka mufuki webe mu matuku a bunsonga buebe. Umuvuluke, matuku a dikenga kaayi manji kufika. Tshikondu tshikuabu newambe ne: “Bia panu bionsu bidi bintonda.”

Yowanane 7:37

Dituku dia ndekelu dia tshibilu divua dituku dinene dipite. Dituku adi, Yezu kuimana kulu kumpala kua bantu tshisumbu tshinene, wela diyi dikole ne: — Pikala muntu ne nyota, alue kundi, anue.

2 Kulondolola 34:3

Tshidimu tshia muanda mukulu tshia bukalenga bua Yoshiya, yeye mutshikale nsongalume, kukebaye mua kumanya tshidi Mvidi Mukulu wa nkambua wende Davide musue. Pashishe bidimu binayi bimane kupita, kutuadjaye kumusha miaba ya kutendelela mvidie ya bantu benyiivua mu Yerushalayime, ne mu bukalenga bua Yuda. Kumushaye kabidi makunji ne mpingu bia kutendelela mvidie bia mishindu yonsu.

Nsumuinu 2:4

Ulukebe muudi ukeba tshiamu tshitoke tshia mushinga mukole, muudi ukeba biuma bivuabu basokoke.

Nsumuinu 2:5

Enza nanku, bua ulonge muudi mua kunemeka Maweja-Nangila, kumanya bumfumu budi Mvidi Mukulu nabu.

Nsumuinu 4:6

Kulekedi meji, nanku neakuambuluishe. Wananga, nanku neakulame.

Nsumuinu 8:16

Ndi ngambuluisha bamfumu bua baludike matunga, balombodi ne bandumbulula bua bakuate mudimu bimpe.

Musambu wa Solomo 3:4

Amu ndayangana nabu, meme kupeta munanga wanyi, kumukuata bikole ku tshianza, tshiyi musue kumulekela. Meme kuya nende mu nzubu, kubuela mu tshibambalu tshia munda, muaba uvua mamu wanyi mungimite.

Yowanane 5:4

Bualu mutumibue wa Maweja-Nangila uvua upueka meba makuabu mu dijiba amu, uvundulula mayi bikole. Mubedi uvua ubuela mu mayi kumpala pavuawu avunduluka bikole, disama diende divua dijika, nansha diodi dikole bishi.]