Nsumuinu 8:15 - MUKANDA WA MYIDI MUKULU

¹⁵ Meme ndi ngambuluisha bakalenga bua bikale mu bumfumu, ne balombodi ba ditunga bua bele mikenji mimpe.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Bakelenge badi bakokesha bua bualu buanyi, ne bakokeshi badi balumbulula ne kulumbulula kuakane.

Nsumuinu 8:15 Referans Kwoze

Rome 13:1

Muntu yonsu udi ne bua kutumikila bamfumu badi balombola ditunga. Bualu kakuena bumfumu budi kabuyi bufuma kudi Mvidi Mukulu. Yeye ke udi muteke bamfumu bonsu muaba wabu.

Danyele 2:21

Udi ukudimuna bikondu ne malu mudiye musue. Udi umusha bakalenga mu nkuasa, nansha ubatekamu. Yeye ke udi ufila meji kudi bena meji, upesha bajinguludi ba malu lungenyi.

Matayi 28:18

Ke Yezu kusemena pabuipi nabu, ubambila ne: — Mvidi Mukulu mmumpeshe bumfumu buonsu mu diulu ne pa buloba.

Didimanyisha 19:16

Bavua bafunde pa muntumpu wende ne pa tshibelu tshiende dina diende ne: “Mukalenga mupite bakalenga bonsu, Mfumu mupite bamfumu bonsu.”

Danyele 4:32

Bantu bonsu ba pa buloba, nansha bobu bungi munyi, kabena ne mushinga ku mesu kuende. Udi wenza mudiye musue ne ba mu diulu, mudiye wenza ne ba pa buloba. Kakuena udi mua kumutuila nkanana, nansha kumutandisha.

Didimanyisha 19:11

Pashishe meme kumona diulu diunzuluka, kabalu katoke kamuenekamu. Udi mubandepu badi bamuinyika: Wa diyi dimue, Wa malu malelela; udi ukosa nsambu pa yoyi, uluangana mvita amu pa bualu.

Danyele 4:25

Malu onsu, avuabu bamane kuambila mukalenga Nebukadnesare, kukumbanawu.

Yirmeya 33:15

Pakumbana tshikondu, nembikile muntu wa ku ndelanganyi ya Davide menemene. Neakose nsambu ya bantu ba mu ditunga amu pa yoyi. Neenze tshindi meme musue.

Yeshaya 1:26

Nenkupingajile bandumbulula bimpe, amu muvua bebe ba ku tshibangidilu. Bafidi bebe ba ngenyi nebafile ngenyi mimpe, amu muvuabu benza ku kale. Nenku nebakuinyike ne: ‘Tshimenga tshia buakane,’ ‘Musoku udi bantu ne muoyi umue.’ ”

Misambu 99:4

Batumbishe bukole buebe, wewe mukalenga udi munange buakane. Wewe ke udi muelele bantu mikenji ya nsombelu muimpe, wewe ke udi mujadike buakane, ne bulongolodi mu Izrayele.

1 Kulondolola 28:5

Mpindiewu udi usungula muana wa balume mu bana banyi bavule bavuaye mumpeshe bua ampingane, adie bukalenga bua Izrayele mu dina dia Maweja-Nangila.

1 Bakalenga 10:9

Maweja-Nangila Mvidi Mukulu webe atumbe. Uvua mukusungule bua wikale mukalenga wa bena Izrayele! Bualu Maweja-Nangila mmunange bena Izrayele kashidi. Ke padiye mukuteke mukalenga wabu bua kubaludika mu njila wa malu mimpe.

1 Bakalenga 5:7

Bamfumu dikumi ne babidi, balombodi ba maloba, bavua mukalenga Shelomu musungule, bavua bafile biakudia bikumbane bua mukalenga Shelomu ne bantu bonsu ba-vuaye ubikila. Mfumu yonsu wa kudibu, uvua ufila biakudia ngondu mujima ku tshidimu tshionsu. Uvua utangila bikole bua biakudia bionsu bikaleku.

1 Bakalenga 3:28

Bena Izrayele bonsu kumvua muvua mukalenga Shelomu mukose nsambu ayi. Kunemekabu mukalenga Shelomu bikole. Bualu bavua bamanye ne: Mvidi Mukulu nkayende ke udi mumupe meji a kulumbuluisha nawu bantu.

1 Bakalenga 3:9

Nanku, Maweja-Nangila, anyisha umpeshe lungenyi lukumbane bua meme kulombola bantu bebe, ne bua kumanya malu mimpe andi mua kubenzela, ne mabi andi ne bua kulekela. Kuyi muenze nanku, kakuena muntu udi mua kulombola bantu bebe bungi nunku to.

1 Samuele 16:1

Maweja-Nangila kuambila Samuwele ne: — Neushale anu ne tshiji musangu mule bua Shawule, pandi meme mumane kumubenga, bua kashadi mukalenga wa bena Izrayele anyi? Angata mafuta, uye nawu. Ndi nkutuma kua Ishayi ku Betleyeme. Bualu ndi musungule mukalenga undi musue, munkatshi mua bana bende ba balume.

1 Samuele 9:17

Nanku anu Samuwele umona Shawule mutshikale kule, Maweja-Nangila kuambila Samuwele ne: “Tangila muntu umvua mukuambile. Yeye neikale mukalenga wa bantu banyi.”

2 Kulondolola 1:10

Umpeshe meji ne lungenyi, bua nkumbaje bimpe mudimu wanyi wa kulombola bantu aba. Wewe kuyi muenze nanku, kakuena udi mua kulombola bantu bebe bungi nenku.

Misambu 2:10

Nuenu bakalenga, lejayi munudi ne meji. Nuenu baludiki ba buloba, londayi mibelu.

Nsumuinu 8:16

Ndi ngambuluisha bamfumu bua baludike matunga, balombodi ne bandumbulula bua bakuate mudimu bimpe.

Nsumuinu 29:4

Mukalenga udi ukosa nsambu ya bantu bende biakane, udi ubatutshisha dikasa dimpe. Kadi udi ubalambuisha bitadi bipite, udi ubabutula.

2 Kulondolola 1:11

Mvidi Mukulu kuandamuna Shelomu ne: — Kuena mulombe bua wewe kuikala mubanji, nansha kuikala ne lumu. Kuena mulombe bua baluishi bebe kufuabu bonsu. Kuena mulombe bua wewe kuikala ne muoyi matuku a bungi pa buloba. Kadi udi ulomba bua kuikala ne meji ne lungenyi bua wewe kulombola bantu banyi, bandi mukupeshe bua wewe kuikala mukalenga wabu.