Nsumuinu 6:26 - MUKANDA WA MYIDI MUKULU

²⁶ Mukaji muena tshiendenda, badi bamufuta amu tshiakudia tshikese. Kadi bua mukaji wa bende, muntu neajimije bionsu bidiye nabi.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Bua bualu bua mukashi wa ndumba muntu neashale anu ne tshihesa tshia nshima; ne mukashi mubaka udi wenda masandi udi ulemba muoyo wa mushinga mukole wa muntu.

Nsumuinu 6:26 Referans Kwoze

Luke 15:30

Kadi muanebe wawa upingana, yeye uvua mutule biuma biebe bionsu ku bakaji bena tshiendenda, wewe kumushipela muana wa ngombe utuvua badiundishe!”

Nsumuinu 29:3

Munangi wa meji udi usankisha tatuende. Kadi muyidi wa bakaji ba tshiendenda udi unyanga lupetu luende.

1 Samuele 2:36

Nanku, muntu wa mu nzubu muebe wikale mushale ne muoyi, neaye kutua binu kumpala kua mutuangaji bua kupeta lukanu lutoke lumue lua mushinga mukole, nansha kapesa ka diampa. Neambile mutuangaji awu ne: ‘Bu wewe musue, mpeshaku mudimu muaba udi batuangaji ewu, bua mpeteku biakudia’.”

Yezekiyele 13:18

Meme Maweja-Nangila Mvidi Mukulu, ndi ngamba ne: “Ubambile ne: diakabi nedinukuate! Bualu nudi nutela mikaba bua kusuika ku maboku onsu. Nudi nutela bitambala bidi bantu bonsu, bana ne bakulumpe, mua kusuika ku mitu bua nuikale bamfumu ba mioyi yabu. Kadi nudi mua kudia bantu banyi, nuenu kushala ne muoyi anyi?

Yezekiyele 13:8

Nanku, meme Maweja-Nangila Mvidi Mukulu, ndi nnujadikila ne: nennunyoke, bualu nudi bambile bantu malu a dishima a kubadinga nawu. Meme Maweja-Nangila Mvidi Mukulu ndi ngamba nanku.

Nsumuinu 29:8

Bantu badi kabayi banemeka bantu nabu badi bajuudija tshimvundu mu tshimenga. Kadi bantu ba lungenyi badi babatamija bantu badimu.

Nsumuinu 7:23

Mukete kumutua kumutubula mutshima. Udi bu nyunyi udiela mu nsumba, kayi umanya muaba udi lufu lumuindila.

Nsumuinu 5:10

Bantu bakuabu nebadie bintu biuvua mupete ku mudimu webe. Neasankishe amu bantu bakuabu.

Genese 39:14

kubikilaye bena mudimu bende bonsu, wela mbila, ubambila ne: — Luayi, numone muena Ebrewu, udi bayanyi muteke mu nzubu emu bua kuenza mudimu, udi musue kumpotela. Mmufike mu nzubu emu, munkuate bua ngikale mukajende. Kadi ngamueledi mbila.

Nsumuinu 5:9

Tshianana neujimije lumu luebe luuvua nalu. Bayende, bua tshiji tshikalaye natshi, neakunyenge bionsu biudi nabi.

Nsumuinu 6:27

Badi mua kuambuila dikala dia kapia mu tshibombu, tshilamba tshionsu katshiyi tshipia anyi?

Nsumuinu 23:28

Badi balaminangana mu njila bu mudi bivi benza. Bakadi bamane kupambula bantu bapite bungi.

Genese 39:7

Mukaji wa Potifare umona mushindu uvua Yozefe, kumualakanaye bua kulala nende.