Nsumuinu 6:14 - MUKANDA WA MYIDI MUKULU

¹⁴ Udi amu umvua nzala ya kuenzelangana bibi. Udi ulongolola malu mabi a kuenza kayi upungila. Udi ujuula matandu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Udi ne mutshima wa tshishiku, utu wahangidisha malu mabi matuku onso, udi uvudisha matandu.

Nsumuinu 6:14 Referans Kwoze

Mika 2:1

Bantu badi bela meji butuku, badilongolola bua kuenza malu mabi, butshia baakumbaja, bualu badi ne bukole bua kuenza, mbena diakabi.

Rome 16:17

Bana hetu, ndi nnulomba ne: nudimukile bantu badi bajula ditapulukangana, bakeba kupambula bena ditaba mu njila, babenga bivuabu banulongeshe. Numuke kudi bantu ba nanku.

Osheya 8:7

Nanku, tshiudi ukuna, ke tshiudi upola. Udi ubuelakana ne mvidie ya patupu, udi udienza kabidi wa patupu. Tshikolakola katshiyi ne miepu, katshiena mua kupetesha ntete ya kuenza bukula to. Nansha yoyi mitupeshe bukula, nebabudie anu kudi bantu benyi.

Yezekiyele 11:2

Maweja-Nangila kungambila ne: — Yezekiyele, mona bantu badi bela meji a kuenza malu mabi, bapesha kabidi bantu lungenyi lubi mu Yerushalayime.

Yeshaya 57:20

Kadi bantu babi, badi bu mayi manene adi ela mavuala, kaayi ne mushindu wa kubatama. Mayi a nanku adi muwule ne binyindanyinda kabidi ne bintu bibi bionsu tente.

Yeshaya 32:7

Bantu bapale badi bamanye mua kukengesha bantu bakuabu bikole. Badi badilongolola, bua bamone mua kupisha bapele, pa kujadika malu a dishima. Ke mudi bena dikenga kabayi mua kubinga, nansha bobu kabayi ne bualu.

Nsumuinu 22:8

Udi ukuna malu mabi udi upola dikenga; dikombu didiye utuutangana nadi neditshibuke.

Nsumuinu 21:8

Bena tshibawu kabena balonda njila mululame to. Kadi bantu bakane badi benda amu buludi mu njila wa buakane.

Nsumuinu 3:29

Kuedi meji a kuenzela muena mutumba nebe malu mabi. Udi usomba amu pabuipi nebe, mukutekemene.

Nsumuinu 2:14

Badi bumvua disanka padibu benza bibi, badi basankila mu bubi.

Misambu 36:4

Bionsu bidiye wamba bidi amu bia dishima ne bia didinga. Mmupange meji, mmupange muoyi muimpe.

Misambu 140:2

Maweja-Nangila, unsungidile kudi bantu babi, umpandishe kudi bena tshikisu.

Nsumuinu 16:27

Muntu wa tshidingidingi udi wela meji a kuenzela bantu bibi. Ludimi luende ludi luosha bantu ne malu mabi.

Nsumuinu 17:20

Muntu muena dishima kena upeta diakalenga. Udi wakula malu mabi neabuele mu dikenga.

Nsumuinu 24:8

Muntu udi wela meji a kuenza bibi, udi upeta lumu bu lua muena buenzayi.

Misambu 140:3

Meji abu adi a kuenzelangana bibi, badi bakeba ndukilu dituku dionsu.

Nsumuinu 3:32

Bualu Maweja-Nangila udi udiwula bantu badi benza malu mabi, kadi udi umvuangana ne bantu bakane.

Nsumuinu 14:22

Bantu badi bela meji a kuenza bibi badi bapambuke. Kadi bantu badi bela meji mempe, bantu nebabanange ne muoyi umue.