Nsumuinu 5:12 - MUKANDA WA MYIDI MUKULU

¹² Newambe ne: “Eyi, mvua mubenge bivuabu bangambila. Tshivua muanyishe muvuabu bambela.

Mukanda wa Nzambi Dihungila Dikulukulu ne Dihungila Dihia-dihia 2003

¹² ne udi wamba ne, Mona munakukina dikengesha diakadi dinyisha ne muakadi mutshima wanyi uhetula mei a kumbela nʼau!

Nsumuinu 5:12 Referans Kwoze

Nsumuinu 12:1

Muntu udi musue kulonga malu, udi unanga badi bamubela. Kadi udi ubenga mibelu udi tshibubabuba.

Nsumuinu 15:5

Muntu mupote udi upetula mibelu ya tatuende. Kadi udi uyitaba udi uleja mudiye muena meji.

Nsumuinu 1:25

Nudi nubenga mibelu yanyi yonsu. Nudi nulengulula bindi nnulongesha.

Nsumuinu 1:22

“Nuenu batshimbakane, nenushale amu batatakane too ne ku diba kaayi? Nuenu basekianganyi, nenunseke too ne ku diba kaayi? Nuenu bantu bapote, nenubenge kulonga malu too ne ku diba kaayi?

Nsumuinu 1:7

Muntu udi musue kupeta meji, atshine, kabidi anemeke Maweja-Nangila. Bantu badi bapepeja malongesha ne mibelu bia bena meji mbatshimbakane.

Yirmeya 44:4

Meme kunutumina bambi misangu ne misangu, bena mudimu banyi, bua nulekele kuenza malu mabi andi mubenge.

Nsumuinu 13:18

Muntu udi ubenga kuteleja badi bamukolesha, neashale mupele udibu bapetula. Kadi udi uteleja mubelu, neapete lumu.

Misambu 50:17

Kuena muanyishe mibelu yanyi. Udi ubenga bindi ngamba.

Misambu 73:22

tshivua kabidi ne lungenyi to. Mvua mutatakane bu nyama, tshiyi mua kukumvua.

2 Kulondolola 36:16

Kadi bena Izrayele kuseka bambi ba Mvidi Mukulu, kubalembakaja, kulengulula meyi a Mvidi Mukulu. Nanku, Maweja-Nangila kubafikila munda, kubanyoka bikole kabayi mua kupanda to.

2 Kulondolola 25:16

Kadi, mukalenga Amashiya kukabula muambi ku diyi, umukonka ne: — Ndi mukuteke mufidi wa ngenyi mu bukalenga anyi? Puwa, tshianana nebakuenzele bibi. Muambi kuanji kupuwa. Pashishe kuambaye ne: — Ndi mumanye ne: Mvidi Mukulu mmumane kujadika bua kukushipesha, bualu uvua muenze bibi, mubenge mua kuteleja diyi dianyi.

Genese 19:9

Kadi bena ditunga kukanyina Lote, bamba ne: — Umuke apa. Wewe kabidi udi anu muenyi mu ditunga dietu. Muukadi ututumina diyi mbishi? Umanye ne: netukuenzele bibi bipite bia bantu aba. Kusakilabu Lote bikole, kusemenabu pabuipi ne nzubu bua kutula tshiibi.

Nsumuinu 6:23

Bualu bidi baledi bakuambila bidi bu muendu. Mibelu yabu idi bu butoke. Malongesha abu adi atuludika mu njila wa muoyi.

Nsumuinu 5:11

Neupunge ne lufu, utua mikemu, unyana, ushale anu mifuba pa mifuba nkayayi.

Nsumuinu 8:36

Kadi muntu udi ungenzela malu mabi, udi udienzela bibi yeye nkayende. Udi unkina, mmunange lufu.”

Nsumuinu 10:17

Muntu udi uvuluka malongesha udi wenda mu njila wa muoyi. Udi ubenga mibelu udi upambuka.