Nsumuinu 4:5 - MUKANDA WA MYIDI MUKULU

⁵ Peta meji ne lungenyi. Kubipu muoyi to. Kulenguludi bindi nkuambila nansha.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Heta meji, uhete biebe dijingulula dia mianda; kuhu muoyo, kusesuki ku mei a mukana muanyi.

Nsumuinu 4:5 Referans Kwoze

Yakobe 1:5

Kadi padi muntu wa kunudi ubula meji, aalombe kudi Mvidi Mukulu. Neamupeshewu, bualu Mvidi Mukulu udi upesha bonsu ne kalolo kabidi ne disanka.

2 Kulondolola 34:2

Yoshiya uvua wenza malu adi Maweja-Nangila musue, anu bu muvua nkambua wende Davide muenze. Uvua ulonda bibidilu bionsu bia nkambua wende awu, kayi usesuka to.

Nsumuinu 19:8

Kumanya mua kuela meji nkudienzela wewe nkayebe bimpe. Udi ukeba kujingulula malu neapete diakalenga.

Nsumuinu 17:16

Makuta adi mua kuambuluisha muntu mutatakane ku tshinyi? Bua kusumba nawu meji anyi? Kena nansha welaku meji to!

Nsumuinu 8:5

Nuenu batshidi batshimbakane, longayi munudi mua kupeta meji. Nuenu bapote, ikalayi ne lungenyi.

Misambu 44:18

Bionsu ebi bidi bituenzekela, katuyi nansha bakupua muoyi, katuyi nansha banyanga mikenji yebe.

Nsumuinu 23:23

Ikala muntu udi wamba malu malelela, muedi wa meji, muntu mudimuke ne wa lungenyi. Wewe mumane kupeta ngikadilu eyi, kuyinyangi to.

Nsumuinu 18:1

Muntu udi udinanga, udi udilamuna kudi bakuabu. Udi ufika munda padibu bafila meji makuabu.

Nsumuinu 16:16

Bidi bitambe buimpe kupeta meji ne lungenyi, pa mutu pa kupeta mpawungi ne tshiamu tshitoke tshia mushinga mukole.

Misambu 119:157

Ndi ne bantu badi bankengesha ne bena lukuna banyi ba bungi, kadi tshiena mutupakane ku meyi ebe.

Misambu 119:51

Nansha bena kapeja banseka, tshiena musesuke ku mikenji yebe.

Yobe 23:11

Meme kulonda amu mu makasa ende. Tshivua mupambuke mu njila ivuaye undeja.

Nsumuinu 3:1

Muananyi, kupu dilongesha dianyi muoyi. Kadi uvuluke mibelu yanyi.

Nsumuinu 4:7

Bua kupeta meji, udibambe bikole bua kulonga mudiwu. Ufile bionsu biudi mupete bua ushale muena meji.