Nsumuinu 4:4 - MUKANDA WA MYIDI MUKULU

⁴ Tatu wanyi uvua undongesha, wamba ne: “Vuluka malongesha anyi bimpe. Ukumbaje mikenji indi mukupe. Nanku neushale matuku mavule pa buloba.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Tatu wakadi unyisha kabidi, wakadi ungambila ne, Mutshima webe ulamate mei anyi bikole; utumikile mikenji yanyi, wikale ne muoyo.

Nsumuinu 4:4 Referans Kwoze

Nsumuinu 3:1

Muananyi, kupu dilongesha dianyi muoyi. Kadi uvuluke mibelu yanyi.

Yowanane 12:50

Ndi mumanye ne: tshidi Mvidi Mukulu ufundila muntu tshidi tshipetesha muoyi wa kashidi. Nanku tshindi ngamba, ndi ntshiamba muvua Tatu wanyi mungambile.

Nsumuinu 7:2

Enza mundi nkuambila, nanku neulale matuku mavule panu. Lama bimpe dilongesha dianyi bu muudi ulama kamonyi ka disu diebe.

1 Kulondolola 28:9

“Wewe, muananyi, Shelomu, ukebe mua kumanya bimpe Mvidi Mukulu, undi muenzele mudimu. Umutendelele ne muoyi webe mujima, kuyi wabakana, kabidi ne lungenyi luebe luonsu. Bualu Maweja-Nangila udi umona mu mioyi ya bantu, udi kabidi usunguluja meji adibu bela. Paudi umukeba, udi udileja kuudi. Kadi paudi umubenga, udi ukulekela kashidi.

2 Timote 3:15

Bualu bituadije ku buana buebe, udi mumanye Mikanda ya tshijila, idi mua kukupa meji adi mua kukufikisha ku lupandu, paudi witaba Yezu Kristu.

Efeze 6:4

Baledi, kanufikishi bana benu munda. Kadi nubakoleshe, nubakele, nubabele mushindu udi Mfumu musue.

Dielulula 6:6

Mikenji ya Mvidi Mukulu indi nnuambila lelu eyi, nushale bayilame kashidi mu mioyi yenu.

Ebrewu 5:9

Bamane kumufikisha ku bujima buende, ukadi mpokolu wa lupandu lua tshiendelele bua bantu bonsu badi bamutumikila.

Yeshaya 55:3

Ntelejayi meme. Luayi kundi. Umvuayi diyi dianyi, nenuikale ne muoyi. Maweja-Nangila udi wamba ne: “Ndi ntua nenu ndondu wa kashidi. Ndi musue kunuenzela bilenga bimvua mulaye Davide.

2 Timote 1:5

Ndi mvuluka ditaba diebe, didi kadiyi ne lubombu. Kakuebe wa bakaji Loyize, ne mamuebe Enike, bakavua nadi kumpala kuebe. Ndi mushindike ne: wewe kabidi udi nadi.

Nsumuinu 22:6

Leja muana diakamue njila muimpe udiye mua kulonda. Nanku neashale kumulama too ne pa kulakajaye.

Misambu 119:11

Ndi ndama mikenji yebe mu muoyi wanyi, bua tshikadi mua kupila ku mesu kuebe.

Dielulula 4:9

Nanku nuenu bena Izrayele, dimukayi. Nudi bamanye bionsu bidi Maweja-Nangila muenze. Kanuena mua kubipua muoyi musangu nansha umue to. Nubivuluke, nubilondele bana benu ne bikulu benu.

Genese 18:19

Ndi mumusungule bua alongeshe bana bende ne ndelanganyi yende mikenji yanyi, bua babikumbaje bikale bantu bakane. Bobu bakumbaje bionsu ebi, meme Maweja-Nangila nengenzele Abrahame bionsu bindi mumulaye.

Misambu 119:168

Eyowa, ndi nnemeka mikenji yebe ne meyi ebe; udi mumone bionsu bindi ngenza.

Nsumuinu 23:26

Muananyi, ngitaba. Sanka bua umfuane meme.

Balombodi 13:12

Manowa kumuambila kabidi ne: — Pikala malu onsu audi wamba awu makumbane, mmikenji kaayi itudi mua kulonda bua kukolesha muana awu? Netumuenzele tshinyi?

Misambu 119:144

Meyi ebe adi makane kashidi, ungumvuije, nempande.

Nsumuinu 3:2

Wewe muyilame, neusombe bimpe panu; neulalepu matuku mavule; newikale ne diakalenga.

Yirmeya 38:20

Kadi Yirmeya kumuandamuna ne: — Too, kabakukufila kudibu nansha. Teleja tshindi ngamba mu dina dia Maweja-Nangila, nanku wewe ne bena diku diebe nenupande. Bionsu nebiende amu bimpe.