Nsumuinu 4:23 - MUKANDA WA MYIDI MUKULU

²³ Kenketa nangananga meji audi wela munda muebe, bualu wowu nealudike nsombelu webe wa panu.

Mukanda wa Nzambi Dihungila Dikulukulu ne Dihungila Dihia-dihia 2003

²³ Ulame mutshima webe ne dilama dionso, bualu bua munda muau mudi muhatuka mishimi yonso ya muoyo.

Nsumuinu 4:23 Referans Kwoze

Luke 6:45

Muntu muimpe udi wenza malu mimpe, bualu muoyi wende udi muimpe. Muntu mubi udi wenza amu malu mabi, bualu munda muende mudi mubi. Bualu mukana mua muntu mudi muamba anu malu adi muwule munda muende.”

Nsumuinu 13:3

Muntu udi ukuba ludimi luende, udi ukuba muoyi wende. Kadi udi wakula kayi wela meji, udi udijimija.

Yirmeya 17:9

— Udi mua kumanya muoyi wa muntu nnganyi? Muoyi wende udi usama, kabayi mua kuondapa. Udi udinga bantu, kabayi mua kujingulula.

Matayi 15:19

Bualu mu muoyi wa muntu ke mudi mufume meji mabi, adi amusaka bua ashipe bantu, ende buendenda, enze malu a bundu, ibe, ashiminyinangane malu, anyangilangane lumu.

Nsumuinu 23:19

Unteleje bimpe, wewe muananyi. Nanku newikale muntu wa meji. Newende buludi mu njila webe.

Nsumuinu 28:26

Muntu udi uditekemena amu yeye nkayende, mmubule lungenyi. Kadi udi wenda ukeba meji neasombe ne ditalala.

Marke 14:38

Shalayi batabale nutendelele, bua kanulenduki. Muoyi wa muntu udi mulongolole mua kuenza bionsu, kadi mubidi wende udi ne butekete.

Dielulula 4:9

Nanku nuenu bena Izrayele, dimukayi. Nudi bamanye bionsu bidi Maweja-Nangila muenze. Kanuena mua kubipua muoyi musangu nansha umue to. Nubivuluke, nubilondele bana benu ne bikulu benu.

Ebrewu 12:15

Dimukayi bua muntu kabengi dinanga didi Mvidi Mukulu ununanga nadi. Muntu nansha umue kadienji bu mutshi wa bululu udi utoloka, ulewula bantu ba bungi ne lulengu luawu.

Nsumuinu 4:7

Bua kupeta meji, udibambe bikole bua kulonga mudiwu. Ufile bionsu biudi mupete bua ushale muena meji.

Nsumuinu 3:21

Muananyi, tekemena lungenyi ne meji. Nebikuludike kashidi. Kubilekedi.

Nsumuinu 22:5

Meba ne mateyi bidi mu njila wa bena buenzayi. Udi musue kulala panu udi ubiepuka.

Nsumuinu 11:16

Mukaji mulenga udi upeta lumu. Muntu wa bukitu udi upeta bubanji.

Muambi 5:13

Udi ujimija lupetu elu mu bualu bubi. Muana udiye ulela kena mua kupiana tshintu.

Matayi 15:18

Kadi malu adi mukana muamba, adi afuma mu muoyi. Ke adi apisha muntu mikiya.

2 Bakalenga 10:31

Kadi, Yehu kavua mukumbaje mikenji ya Maweja-Nangila Mvidi Mukulu wa bena Izrayele, ne muoyi mujima to. Uvua anu wenza buenzayi buvua Yerobowame muenze, mufikishe bena Izrayele ku dienza bibi.

Nsumuinu 16:17

Bantu bakane badi bepuka bubi, bualu muntu udi wakaja nsombelu wende udi ulama muoyi wende.