Nsumuinu 3:24 - MUKANDA WA MYIDI MUKULU

²⁴ Dilolu neulale kuyi umvua bowa. Bufuku tulu tuebe netuikale amu talalaa.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Hawalala hanshi, kuena utshina; bulelela, ha wamana kulala hanshi, tulu tuebe netuikale tuimpe.

Nsumuinu 3:24 Referans Kwoze

Misambu 3:5

Pandi mbikila Maweja-Nangila bua kungambuluisha, udi ungumvuila ku mukuna wende wa tshijila, ungandamuna.

Misambu 4:8

Kadi meme, Maweja-Nangila mmumpeshe disanka, dipite dia bantu badi banowa ntete ya kuenza bukula, nansha badi bapola tumuma tua kukama maluvu.

Nsumuinu 6:22

Neakuambuluishe kuudi uya, ne kuudi ufuma. Nebikukube mu tulu. Paudi ubika ku tulu nebikuambile tshia wewe kuenza.

Yirmeya 31:26

(Ke mudibu bamba ne: “Ke meme kujuka ku tulu kudiunwua ne bukole bua mubidi.”)

Yobe 11:19

Muntu nansha umue kakunyanga dikisha diebe. Kadi bantu bonsu nebakebe mua kukulonda mu nyima.

Lewitiki 26:6

Nembueje ditalala mu ditunga dienu, nenulale tulu mu nzubu, batalaja mioyi. Nembutule nyama ya lonji idimu. Baluishi kabakunubunda kabidi to.

Misambu 127:2

Nansha nuenu kabidi bajuka patshiatshia, bapitshisha diba dia kulala, baditatshisha bua kupeta tshiakudia tshienu, bidi tshianana. Maweja-Nangila udi utshipesha bantu bende, badiye munange patshidibu balale.

Yezekiyele 34:15

Nengikale mulami wa mikoku yanyi, nenyipeshe muaba wa dikisha. Meme Maweja-Nangila Mvidi Mukulu ndi njadika nanku.

Bienzedi 12:6

Dia muladilu wa dituku divua Erode musue kumulumbuluisha ku mesu a bantu, Petro uvua mulale munkatshi mua basolayi babidi. Bavua bamusuike ne nkanu ibidi. Basolayi bakuabu bavua balama tshiibi tshia ku nzubu wa lukanu.

Misambu 112:8

Udi ne muoyi mukole, kena ne bowa, too ne padiye umona batshimuna baluishi bende.

Nsumuinu 1:33

Kadi muntu udi unteleja udi ushala mu bupole. Neasombe talalaa kayi utshina dikenga to.”

Muambi 5:12

Kudi bualu bubi bupite bundi mmona panu apa: ke mubanji udi uteka lupetu luende ku luseke, kadi ubuela amu mu dikenga.

2 Kulondolola 20:30

Nanku bukalenga bua Yosafate kushala mu ditalala, bualu Mvidi Mukulu wende uvua mumupeshe bupole nseke yonsu ya mu ditunga diende.

Misambu 3:6

Butuku ndi ndala amu bilenga, bualu udi undama too ne mundi mbika dinda.

Misambu 91:5

Kuena mua kutshina tshintu nansha tshimue, nansha njiwu idi ikuatshisha bantu bowa butuku, nansha muketa udibu bela mu munya,

Nsumuinu 19:23

Muntu udi utshina Maweja-Nangila, neapete muoyi, neasombe mu bubanji kayi umona dikenga.

Yeshaya 54:14

Kuakutenkakana kabidi to. Kuakutshina kabidi tshintu to. Kabakukukengesha kabidi. Kuakukuatshika bowa. Muntu kakukutshinyisha nansha.

Yezekiyele 34:25

“Nemfile bupole munkatshi mua mikoku yanyi. Nengipate nyama yonsu ya lonji idi mu ditunga. Nanku mikoku yanyi neyisombe talala mu mpata, ilala nansha muitu.

Yezekiyele 34:27

Mitshi neyikuame bimuma. Buloba nebumeneshe biakudia. Muntu yonsu neasombe talala mu ditunga. Nensulule nkanu idibu basuika bantu banyi. Nembapikule kudi bavua babakuate ku bupika. Nanku nebajadike ne: meme ndi Maweja-Nangila.