Nsumuinu 3:2 - MUKANDA WA MYIDI MUKULU

² Wewe muyilame, neusombe bimpe panu; neulalepu matuku mavule; newikale ne diakalenga.

Mukanda wa Nzambi Dihungila Dikulukulu ne Dihungila Dihia-dihia 2003

² Bua neyikutentekashile dileha dia matuku ne bidimu bia muoyo ne ditalala.

Nsumuinu 3:2 Referans Kwoze

Nsumuinu 4:10

Muananyi, uteleje bimpe bindi nkuambila. Wewe mubiangate ne mushinga, neulale matuku mavule pa buloba.

Nsumuinu 9:11

Meme, Meji, nemvudije matuku ebe. Neulale panu matuku mulongulongu.

Misambu 91:16

Nemmupeshe disanka, neashale ne muoyi bidimu bia bungi, nemmuleje ne: ndi musungidi wende.”

Rome 15:13

Bu munudi nuitaba Mvidi Mukulu, udi utupa ditekemena, anuwuje kabidi ne disanka, kabidi ne bupole tshishiki, bua ditekemena dienu diye amu kumpala ku bukole bua Mueyelu wa Tshijila.

Misambu 128:6

Neumone kabidi ndelanganyi yebe! Izrayele asombe talalaa!

Misambu 119:165

Bantu badi bananga mikenji yebe, badi ne disanka dia bungi, kabena mua kutetuka.

Nsumuinu 10:27

Badi batshina Maweja-Nangila badi balala matuku mavule pa buloba, kadi benji ba malu mabi badi badianza kufua lukasa.

1 Timote 4:8

Manaya a kuibidija mubidi adi mimpe, alengelela bantu, kadi amu kakese. Kadi kutumikila Mvidi Mukulu kudi kubambuluisha mu bionsu, bualu kudi kutulaya muoyi bua mpindiewu, ne bua matuku atshidi kumpala.

Rome 5:1

Nanku tuetu bamane kubinga ku mesu kua Mvidi Mukulu amu bua ditaba, mpindiewu pankatshi petu nende tudi ne bupole mu dina dia Mfumu wetu Yezu Kristu.

Misambu 21:4

Udi mumuele lupemba, mumuase nsala wa lumu.

Rome 14:17

Bualu Bukalenga bua Mvidi Mukulu kabuena ku biakudia nansha ku biakunua. Kadi budi ku malu mimpe, ku bupole, ne ku disanka didi Mueyelu wa Tshijila utupesha.

Yeshaya 32:17

Buakane nebupatule bupole. Nebufile ditalala bua kashidi, bantu kabayi ne bua kutshina kabidi to.

Yobe 5:26

Neukulakaje bikole, neufue nebakujike, amu bu mudibu bapole ntete ya kuenza bukula padiyi ipia.

Dielulula 11:21

Nuenu bakumbaje mikenji eyi, matuku onsu atshidi diulu kulu ne buloba panshi, nenushale ne muoyi, nuenu ne ndelanganyi yenu, mu ditunga divua Maweja-Nangila mulaye bankambua benu.

1 Bakalenga 3:14

Wewe muenze malu andi musue, mutumikile meyi anyi ne mikenji yanyi, bu muvua tatuebe wenza, neushale ne muoyi matuku a bungi.

Nsumuinu 16:31

Nsuki mitoke nnsala wa kalumbandi, bualu amu bantu bakane ke badi balala matuku mavule pa buloba.

Dielulula 5:32

Moshe kuambila kabidi bena Izrayele ne: Nanku nukumbaje bionsu bidi Maweja-Nangila Mvidi Mukulu wenu munuambile, anu mudibi amu.

Nsumuinu 4:4

Tatu wanyi uvua undongesha, wamba ne: “Vuluka malongesha anyi bimpe. Ukumbaje mikenji indi mukupe. Nanku neushale matuku mavule pa buloba.