Nsumuinu 3:1 - MUKANDA WA MYIDI MUKULU

¹ Muananyi, kupu dilongesha dianyi muoyi. Kadi uvuluke mibelu yanyi.

Mukanda wa Nzambi Dihungila Dikulukulu ne Dihungila Dihia-dihia 2003

¹ Muanʼanyi, kuhu diyisha dianyi muoyo kadi mutshima webe ntumikile mikenji yanyi.

Nsumuinu 3:1 Referans Kwoze

Nsumuinu 4:5

Peta meji ne lungenyi. Kubipu muoyi to. Kulenguludi bindi nkuambila nansha.

Misambu 119:16

Ndi ne disanka dia kulonda mikenji yebe, tshiena mpua diyi diebe muoyi.

Nsumuinu 1:8

Muananyi, uteleje tshidi tatuebe ukulongesha. Kupetudi mibelu ya kudi mamuebe.

Misambu 119:93

Tshiakupua mikenji yebe muoyi kashidi, bualu yoyi ke iudi umfululula nayi.

Misambu 119:34

Ungunwuije mikenji yebe, nenyilonde, nenyilame ne muoyi wanyi mujima.

Yirmeya 31:33

Kadi Maweja-Nangila udi wamba ne: ndondu indi ntua ne bena Izrayele neikale nenku: Nemfunde mikenji yanyi mu muoyi wabu wa munda. Tshiena nyifunde kabidi pa mabue to. Nenyifunde munda muabu. Nengikale Mvidi Mukulu wabu, bobu nebikale bantu banyi.

Misambu 119:11

Ndi ndama mikenji yebe mu muoyi wanyi, bua tshikadi mua kupila ku mesu kuebe.

Dielulula 8:1

Nuenu batumikile mikenji indi nnuambila lelu eyi, neyinuambuluishe bua kusomba bimpe. Nemwulangane. Nenukuate ditunga, divua Maweja-Nangila mulaye bankambua benu.

Misambu 119:153

Mona dikenga dianyi, unsungidile, bualu tshiena mpua mikenji yebe muoyi.

Osheya 4:6

Bantu banyi nebafue, bualu kabena bammanye meme to. Wewe kabidi uvua mundengulule. Nanku, nenkubenge, nkumushe ku mudimu wanyi wa butuangaji! Bualu mikenji yanyi meme Mvidi Mukulu webe, udi muyipue muoyi. Nanku meme tshiakuvuluka kabidi bana bebe to.

Dielulula 4:9

Nanku nuenu bena Izrayele, dimukayi. Nudi bamanye bionsu bidi Maweja-Nangila muenze. Kanuena mua kubipua muoyi musangu nansha umue to. Nubivuluke, nubilondele bana benu ne bikulu benu.

Misambu 119:176

Ndi mupambuke bu mukoku mujimine; fika ungambuluishe meme muena mudimu webe, bualu tshiena mpua meyi ebe muoyi.

Dielulula 4:23

Nudimuke, kanupu ndondu muoyi, uvua Maweja-Nangila Mvidi Mukulu wenu mutue nenu. Kanusongi mpingu. Kanuenji tshimfuanyi tshia tshintu nansha tshimue tshidiye munukandike.

Nsumuinu 31:5

Bualu padibu bakuatshika, badi bapua mikenji muoyi, kabayi bakosa bimpe nsambu idi bapele nayi.

Yeshaya 51:17

Wewe Yerushalayime, kankamana. Kankamana, juka panshi. Maweja-Nangila uvua mukupeshe dikopu diuwule tente ne tshiji tshiende. Wewe kudinua kumana! Tshinyingunyingu kukuenza!

Ekesode 20:6

Kadi bantu badi bannange, batumikile mikenji yanyi, nembanange, mbenzele bimpe too ne ku ndelanganyi tshinunu.

Misambu 91:16

Nemmupeshe disanka, neashale ne muoyi bidimu bia bungi, nemmuleje ne: ndi musungidi wende.”

Misambu 119:61

Bantu babi nebankuate mu buteyi, kadi tshiena mpua mikenji yebe muoyi.

Nsumuinu 2:1

Muananyi, uvuluke bionsu bindi nulongesha, kupu muoyi bindi nkuambila bua wewe kuenza.

Nsumuinu 4:2

Ndi nnulongesha malu malelela. Kanubengi bindi nnulongesha to.

Nsumuinu 16:31

Nsuki mitoke nnsala wa kalumbandi, bualu amu bantu bakane ke badi balala matuku mavule pa buloba.

Nsumuinu 23:26

Muananyi, ngitaba. Sanka bua umfuane meme.

Dielulula 5:16

“Muntu yonsu wa kunudi anemeke tatuende ne mamuende, mundi munuambile. Nanku nenuikale bena diakalenga mu ditunga, dindi meme Maweja-Nangila Mvidi Mukulu wenu munupeshe bua nushalemu ne muoyi matuku a bungi.

Dielulula 5:33

Nuitabe bionsu bidi Maweja-Nangila wenu munuambile, bua nuikale bena diakalenga, nushale ne muoyi matuku a bungi mu ditunga didiye unupesha.

Nsumuinu 4:21

Kupu mibelu yanyi muoyi. Kadi uyilame munda mua muoyi webe.

Nsumuinu 8:1

Kanuena bumvua anyi? Meji adi ela lubila. Lungenyi ludi luela diyi dikole.

Nsumuinu 9:1

Meji uvua musonge makunji muanda mutekete bua kuasa nawu nzubu wende.