Nsumuinu 29:4 - MUKANDA WA MYIDI MUKULU

⁴ Mukalenga udi ukosa nsambu ya bantu bende biakane, udi ubatutshisha dikasa dimpe. Kadi udi ubalambuisha bitadi bipite, udi ubabutula.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Mukelenge udi ujadika buloba buandi ku kulumbulula kuakane, kadi muntu udi ulomba milambu mihite udi ububutula.

Nsumuinu 29:4 Referans Kwoze

Nsumuinu 29:14

Mukalenga wa ditunga udi ulumbuluisha bapele ne buakane, bumfumu buende budi bushindama kashidi.

Mika 7:3

Badi bamanye bimpe, mudibu mua kuenza malu mabi. Bamfumu ne bakoshi ba nsambu, badi balomba mabuejila. Bantu banene badi bamba majinga abu patoke, bashima bantu bua kuakumbaja.

Danyele 11:20

Mupinganyi wende neatume muntu bua kupawula nzubu wa lumu lunene wa mu bukalenga. Kunyima kua matuku makese nebumushe mukalenga ewu ku bumfumu, bantu kabayi bamanye, kakuyi nansha mvita.

Nsumuinu 20:8

Pikala mukalenga musombe ukosa nsambu, udi utandula musangu umue muena dishima.

Yeshaya 49:8

Maweja-Nangila udi wamba ne: “Padi tshikondu tshia lupandu tshifika, nengandamune ku dindomba diebe. Pafika dituku dia kukupandisha, nenkuambuluishe. Mvua mukuteke, mukulame, bua ukumbaje bimvua mulaye bantu banyi. Ndi nnupingaja mu ditunga dienu, bua nusombe tshiakabidi miaba yonsu mu buloba bua tshijila, buvuabu banyangakaje lelu.

Yeshaya 9:7

Maweja-Nangila uvua mulumbuluishe ndelanganyi ya Yakobe. Kupishaye bukalenga bua Izrayele.

Nsumuinu 16:12

Mukalenga ki mmunange bua bantu benze bibi, bualu nkuasa wa bukalenga udi ujalama padi buakane.

Nsumuinu 8:15

Meme ndi ngambuluisha bakalenga bua bikale mu bumfumu, ne balombodi ba ditunga bua bele mikenji mimpe.

Misambu 99:4

Batumbishe bukole buebe, wewe mukalenga udi munange buakane. Wewe ke udi muelele bantu mikenji ya nsombelu muimpe, wewe ke udi mujadike buakane, ne bulongolodi mu Izrayele.

Misambu 89:14

Wewe ke udi ne diboku didi ne bukole, dinkomu diebe didi ne bukole, tshianza tshia balume tshidi tshiolola.

2 Kulondolola 9:8

Maweja-Nangila Mvidi Mukulu webe atumbe! Uvua mukusungule bua wewe kuikala mukalenga wa bena Izrayele mu dina diende! Maweja-Nangila udi wenza nanku bualu mmunange tshisamba etshi, mmusue bua tshikaleku kashidi. Mvidi Mukulu webe mmukuteke mukalenga, bua bena tshisamba etshi banemekangane, benzelangane bimpe.

1 Bakalenga 2:12

Muanende Shelomu kumupingana mu bukalenga biangatshile tshikondu atshi, bumfumu bua Shelomu kushindama.

2 Samuele 8:15

Davide kudia bukalenga mu Izrayele mujima. Uvua ubalumbuluisha amu bimpe, kayi ne kansungansunga.

1 Samuele 13:13

Samuwele kuandamuna ne: — Udi muenze bualu bubi budibu benza kudi muntu udi kayi ne lungenyi to! Kuena munemeke bionsu bivua Maweja-Nangila Mvidi Mukulu webe mukuambile to. Bu wewe muenze bionsu bivuaye mukuambile, nanku Maweja-Nangila uvua mua kuitaba bua diku diebe dishale diku dia bukalenga bua bena Izrayele kashidi.

Yobe 11:6

Bu yeye mua kukuleja mushindu udiye ukuata mudimu ne meji mu musokoku, mudimu utudi tuetu bantu katuyi mua kujingulula, nanku diba adi uvua mua kujingulula ne: Mvidi Mukulu udi ulengulula bilema biebe bia bungi.

Nsumuinu 14:34

Kuenza malu makane nkuyisha ditunga kumpala. Kadi malu mabi adi akuatshisha ditunga bundu.

Nsumuinu 16:10

Padi mukalenga wa ditunga wakula mu dina dia Maweja-Nangila, nanku diba didiye ukosa nsambu kena utupakana.