Nsumuinu 29:1 - MUKANDA WA MYIDI MUKULU

¹ Muntu udi uteka mutu mukole padibu bamubela, dimue neabutuke kakuyi tshidi tshikandika.

Mukanda wa Nzambi Dihungila Dikulukulu ne Dihungila Dihia-dihia 2003

¹ Muntu udi mubedibue misangu ya bungi, kadi udi wela mpala mulu, neabutudibue mu katuha ka diba, kayi ne tshia kumusangasha nʼatshi.

Nsumuinu 29:1 Referans Kwoze

Nsumuinu 6:15

Nanku neabutuke diakamue, neafue kakuyi mushindu udiye mua kupanda.

1 Samuele 2:25

Pikala muntu muenzele muntu mukuabu bibi, Mvidi Mukulu udi mua kulumbulula tshilumbu atshi. Kadi pikala muntu muenzele Maweja-Nangila bibi, udi mua kulumbulula tshilumbu nnganyi? Kadi bana ba mutuangaji Eli, kabawa bangata mibelu ya tatuabu ne mushinga to. Bualu Maweja-Nangila uvua mumane kujadika bua bafue.

Nsumuinu 28:18

Muntu udi ulonda njila mululame neasombe talalaa. Kadi muena mpala ibidi, udi dikasa mu mayi dikuabu ku mukuna, neadishinde panshi.

Yowanane 13:18

Tshiena ngamba buenu bonsu to. Ndi mumanye bandi musungule. Kadi mbimpe ikumbane miaku ivuabu bafunde mu Mukanda wa tshijila ne: “Muntu utuvua tudia nende diampa, ukadi unduisha.”

Yowanane 13:26

Yezu kuandamuna ne: — Nenzabike tshipese tshia diampa mu nsupu. Muntu ungatshipesha awu nyeye. Yezu kuangata tshipese tshia diampa, kutshizabikaye mu nsupu, kutshipesha Yudase muana wa Simone Iskariyote.

Bienzedi 1:25

Apingane Yudase mu mudimu wa bupostolu. Bualu Yudase mmuushiye, muye ku wende muaba.

1 Tesalonike 5:3

Diba diamba bantu ne: “Tudi talalaa. Bionsu bidi mu bupole,” diakamue kabutu nekabakuate, mudi makenga akuata mukaji pa lulelu. Kabakupanduka to.

Bienzedi 1:18

(Muntu awu uvua musumbe budimi ne makuta avuabu bamufute bua bualu bubi buvuaye muenze. Kuponaye mu budimi amu, mutu panshi. Mubidi wende kutayika, bia munda bionsu kuya panshi.

Nehemya 9:29

Pashishe, wewe kubabela bua bapingane kuudi. Kabavua bitabe mikenji yebe. Kadi bavua buwule ne ditambisha, babenga mikenji yebe ne meyi ebe. Badi batumikila meyi ebe ke badi bapeta muoyi. Kadi bobu kukutombokela, kubenga kukuteleja.

2 Kulondolola 36:13

Mukalenga Nebukadnesare uvua mulombe mukalenga Sedekiya bua amuitabe, aditshipe, atele dina dia Maweja-Nangila. Kadi, nansha Nebukadnesare muenze nanku, Sedekiya uvua amu mumutombokele. Uvua ne tshitunu, mubenge mushidishe, kayi musue kupingana kudi Maweja-Nangila Mvidi Mukulu wa bena Izrayele.

2 Kulondolola 33:10

Maweja-Nangila kubela mukalenga Menashe ne bantu bende bena Izrayele. Kadi, muntu nansha umue kavua mumuteleje to.

1 Bakalenga 22:28

Mika kuandamuna ne: — Wewe mupingane katakata, nanku Maweja-Nangila kena muambe bualu mukana muanyi to.

1 Bakalenga 18:18

Muambi Eliya kuandamuna ne: — Meme tshiena nkengesha bena Izrayele to, kadi anu wewe ne bena diku diebe. Bualu nudi babenga kutumikila mikenji ya Maweja-Nangila. Nudi nutendelela mvidie Baale.

1 Bakalenga 17:1

Muambi Eliya uvua mu musoku wa Tishebe, mu ditunga dia Ngilaade. Kuambilaye mukalenga Akabe ne: — Bu mudi Maweja-Nangila ne muoyi, Mvidi Mukulu wa bena Izrayele undi ngenzela mudimu, ndi ngamba ne: “Bidimu bidi kumpala ebi, lumuma kaluena mua kumata kabidi, mvula kena mua kuloka, amu meme mumulombe.”

1 Samuele 2:34

“Bua wewe kujadika bionsu bindi nkuambila ebi, neumone malu enzekela Ofni ne Pinhase, bana bebe ba balume babidi. Nebafue bonsu babidi dituku dimue.

Yirmeya 17:23

Bushuwa bankambua benu kabavua banteleje, kabavua bavuluke bimvua muambe. Bavua bantombokele. Bavua ne tshitunu, babenge mikenji yanyi.

Yeshaya 48:4

Kadi ndi mukumanye, muudi muena tshitunu, muudi tshisamba tshidi tshitomboka, tshisamba tshia mutu mukole bu tshiamu.

2 Kulondolola 25:16

Kadi, mukalenga Amashiya kukabula muambi ku diyi, umukonka ne: — Ndi mukuteke mufidi wa ngenyi mu bukalenga anyi? Puwa, tshianana nebakuenzele bibi. Muambi kuanji kupuwa. Pashishe kuambaye ne: — Ndi mumanye ne: Mvidi Mukulu mmumane kujadika bua kukushipesha, bualu uvua muenze bibi, mubenge mua kuteleja diyi dianyi.

1 Bakalenga 20:42

Muambi kuambila mukalenga Akabe ne: — Maweja-Nangila udi wamba ne: “Bu muudi munyemeshe muntu umvua mumane kufundila lufu, wewe neufue pa muaba wende. Kabidi bantu bebe bena Izrayele nebafue pa muaba wa bantu bende.”

Yobe 9:4

Mvidi Mukulu udi mutupite ku bukole ne ku lungenyi. Udi mua kumutonuena mesu kabayi bamunyoka, nnganyi?

Nsumuinu 28:28

Padi bantu babi babuela mu bukalenga, bantu bonsu badi basokoma. Kadi diba didibu babumusha, bantu bakane ba bungi badi badileja.

Yirmeya 36:31

Nemmunyoke yeye ne ndelanganyi yende ne balombodi bende ba bena mvita. Nembanyoke bua bilema biabu. Makenga onsu amvua muambe, nembatuminewu, bobu bantu ba mu Yerushalayime ne bantu ba mu Yuda, bualu kabavua banteleje.”

Abakuke 2:7

Bena mabanza nebanujikidile, kanuyi bamanye. Banuvua banyenge bintu, nebanunyenge bienu. Nenupampakane, nuzakala ne bowa.

Ekesode 9:7

Mukalenga wa bena Ejipitu kukonka bantu bende bua kujadika tshivua tshienzeke. Kumuambilabu ne: bimuna bia bena Izrayele kabiena bifua nansha tshimue. Kadi mukalenga wa bena Ejipitu kena mutekete bena Izrayele to. Uvua anu ne tshitunu.

Nsumuinu 28:14

Muntu udi utshina kuenza bibi udi ne diakalenga. Muntu udi upapisha muoyi wende neapete dikenga.

Yeshaya 28:22

Nenku mpindiewu, lekelayi bilele bienu bibi, bua kabayi kukolesha majita a mionji ya mu nshingu yenu. Bualu Maweja-Nangila Mvidi Mukulu muena bukole buonsu, mmungambile ne: ndi mujadike bua kubutula ditunga dijima.

Yirmeya 14:19

Maweja-Nangila udi mubenge bena Yuda anyi? Kuena mumanye kabidi bena Siyone anyi? Udi mututape mputa idi kayiyi yuma bua tshinyi? Tuvua batekemene ne: bionsu nebikumbane, kadi katuena bamone tshia nsongu nansha tshimue. Tuvua bindile tshikondu tshivua makenga etu ne bua kujika, kadi tudi tumona amu malu adi atukuatshisha bowa.