Nsumuinu 27:22 - MUKANDA WA MYIDI MUKULU

²² Nansha bobu batue mupale ne muinshi, mudibu batue ntete mu tshinu, bupale buende kabuakumushila kaba to.

Mukanda wa Nzambi Dihungila Dikulukulu ne Dihungila Dihia-dihia 2003

²² Biwatua muhote ne muinshi mu tshinu hamue ne manvua, buhote buandi kabuena bûmuka kudiye.

Nsumuinu 27:22 Referans Kwoze

Yirmeya 5:3

Maweja-Nangila, tshidi tshikusankisha ki nnsombelu muimpe wa muntu anyi? Wewe kunyoka bantu bebe, kadi dinyoka adi kadiena dibelesha meji to. Uvua musue kubabutula bonsu, kadi kubengabu mibelu yebe. Bena Yerushalayime mbena tshitunu. Badi babenga kupingana kuudi.

Nsumuinu 23:35

Newambe ne: “Bavua bantapa mputa, bantuuta tshiyi mumvue, tshiyi mumanye. Pandi njuka, nendabule kabidi makuabu!”

Yeshaya 1:5

Nudi nutungunuka ne buenzayi buenu bua tshinyi? Dinyoka divuabu banunyoke ki ndikumbane anyi? Mutu wenu onsu mmutapike mputa, muoyi wenu wa munda kawena ne bukole.

Ekesode 12:30

Butuku abu mukalenga wa bena Ejipitu, balombodi ba mu bukalenga buende ne bena Ejipitu bakuabu babike ku tulu, kudilabu miadi bikole. Bualu muanabute wa ku nzubu kua muntu yonsu uvua mufue.

Ekesode 14:5

Mukalenga wa bena Ejipitu ne bena mu bukalenga buende kumvua ne: bena Izrayele mbamane kunyema. Nanku kuambabu ne: “Tudi benze bibi. Katuvua mua kuanyisha bua bapika betu bena Izrayele bumuke to.”

Ekesode 15:9

Bena lukuna betu kuamba ne: “Netubalonde, tubapete. Nebabanyangane bintu biabu, netubidie tuukute. Netutule muele wa mvita, tubabunde bonsu.”

Nsumuinu 26:11

Muntu mutshimbakane udi upingana ku bupote buende, bu mudi mbua udiululula biluishi biende.

Yirmeya 13:23

Mubidi wa muena Kushe udi mua kukudimuka anyi? Nansha matoba a tshisumpa ntambue adi mua kukudimuka anyi? To! Nanku nuenu bonsu, nudi bibidile kuenza malu mabi. Ke munudi kanuyi mua kuenza malu mimpe to.

1 Samuele 19:21

Anu Shawule umvua lumu alu, kutuma bantu bakuabu bua kukuata Davide. Kadi bantu abu bafike, kutuadijabu amu kuja maja, bela mbila. Nanku, Shawule kutuma tshisumbu tshia bantu tshisatu. Bantu abu, kuenza amu mushindu umue.

1 Bakalenga 13:33

Kadi, nansha bobu badimuja mukalenga Yerobowame, kavua mulekele buenzayi to. Uvua anu usungula bantu munkatshi mua bena Izrayele bavua kabayi bena Levi, bua bikale batuangaji miaba ivuabu batendelela mvidie. Muntu yonsu uvua ujinga bua kuikala mutuangaji, bavua anu bamujidila. Nanku uvua ushala mutuangaji mu miaba ivuabu batendelela mvidie.

Nsumuinu 14:24

Biuma ke nsala wa kalumbandi wa bena meji. Kadi batatakane diabu difutu mbutatakane buabu.