Nsumuinu 26:12 - MUKANDA WA MYIDI MUKULU

¹² Wewe musangane muntu udiamba mudiye muena meji, mbimpe kutekemena kudi mutshimbakane pa muntu pa kutekemena kudiye.

Mukanda wa Nzambi Dihungila Dikulukulu ne Dihungila Dihia-dihia 2003

¹² Udi umona muntu udi wela meji ne, Ndi muena meji, anyi? Ditekemena didibo nʼadi bua muhote didi dihita didibo nʼadi bua muntu au bunene.

Nsumuinu 26:12 Referans Kwoze

Nsumuinu 29:20

Wewe musangane muntu wakula kayi wela meji, mbimpe kutekemena kudi mutshimbakane pa mutu pa kutekemena kudiye.

Rome 12:16

Umvuanganayi munkatshi muenu. Kanuditambishi to. Kadi nuanyishe midimu mishadile yonsu. Kanudiangatshi bu bena meji.

Nsumuinu 28:11

Muena biuma udi udimona bu muena meji. Kadi mupele wa lungenyi udi umutandula.

Didimanyisha 3:17

Udi wamba ne: ‘Ndi mubanji. Ndi mupete bivule. Tshiena nkengela tshintu!’ Kadi kuena mumanye dikenga diudi nadi, didi dikuatshisha luse! Udi mupele, udi butaka, udi mpofu.

Matayi 21:31

Ku bana babidi aba, udi muenze tshivua tatuende musue nnganyi? Kumuandamunabu ne: — Anu muana wa kumpala. Nanku Yezu kubambila ne: — Ndi nnujadikila bulelela ne: balambuishi ba bitadi, ne bakaji bena buendenda, nebanudianjidile mu Bukalenga bua Mvidi Mukulu.

Nsumuinu 26:5

Kudimuna muntu mutshimbakane bilondeshile mudiye, bua kadiumvu bu muntu wa meji.

Luke 18:11

Muparushe uvua muimane kulu, utendelela, wamba mundamunda muende ne: “Mvidi Mukulu wanyi, ndi nkuela tuasakidila, bualu tshiena bu bantu bakuabu. Bonsu badi amu biba, bakengesha bantu, babuelela bakaji ba bende mu nzubu. Ndi nkuela tuasakidila nangananga, bualu tshiena bu mulambuishi wa bitadi wawa.

Luke 7:44

Pashishe Yezu ukudimuka kudi mukaji, kuambila Simone ne: — Udi mumone mukaji ewu anyi? Meme kufika kuebe, kuena mumpeshe mayi a kuowa ku makasa. Kadi yeye mmungoweshe makasa ne binsonji biende, muakupule ne nsuki yende.

Nsumuinu 26:16

Muena lulengu udi mudimone muena meji mupite bantu muanda mutekete badi bandamuna ne lungenyi.

Nsumuinu 22:29

Wewe mumone muntu wenza mudimu wende bimpe: muntu ewu udi mua kukuatshila nansha bamfumu mene mudimu, pa mutu pa kunkuatshila bantu ba lukutukutu.

Nsumuinu 3:7

Lekela kuditangila bu muena meji. Kadi tshina Maweja-Nangila, epuka bubi.

Yowanane 9:41

Yezu kubandamuna ne: — Bu nuenu bampofu, kanuvua mua kupila. Kadi bu munudi nuamba ne: “Tudi tumona,” nudi nushala bena tshibawu.

Nsumuinu 12:15

Muntu mutatakane udi udimona misangu yonsu ne: ndi ngenza bilenga. Kadi muntu wa lungenyi udi wanyisha mibelu.

Nsumuinu 28:26

Muntu udi uditekemena amu yeye nkayende, mmubule lungenyi. Kadi udi wenda ukeba meji neasombe ne ditalala.

Yeshaya 5:21

Bantu bonsu badi baditangila bu bena meji, ne bena lungenyi, mbena diakabi!