Nsumuinu 23:35 - MUKANDA WA MYIDI MUKULU

³⁵ Newambe ne: “Bavua bantapa mputa, bantuuta tshiyi mumvue, tshiyi mumanye. Pandi njuka, nendabule kabidi makuabu!”

Mukanda wa Nzambi Dihungila Dikulukulu ne Dihungila Dihia-dihia 2003

³⁵ Newambe ne, Bakunkuma, kadi tshiakunvua dikenga; bakukuta, kadi tshiakumanya bualu. Nenubale diba kai? Nempingane bua kuakeba kabidi.

Nsumuinu 23:35 Referans Kwoze

Yirmeya 5:3

Maweja-Nangila, tshidi tshikusankisha ki nnsombelu muimpe wa muntu anyi? Wewe kunyoka bantu bebe, kadi dinyoka adi kadiena dibelesha meji to. Uvua musue kubabutula bonsu, kadi kubengabu mibelu yebe. Bena Yerushalayime mbena tshitunu. Badi babenga kupingana kuudi.

Yeshaya 56:12

Badi bamba ne: “Luayi, tuye kukeba maluvu. Netunue maluvu makole, tukuatshike. Maloba netuenze kabidi mutudi tuenza lelu emu. Bualu maluvu adi mashale adi a bungi.”

Nsumuinu 27:22

Nansha bobu batue mupale ne muinshi, mudibu batue ntete mu tshinu, bupale buende kabuakumushila kaba to.

Nsumuinu 26:11

Muntu mutshimbakane udi upingana ku bupote buende, bu mudi mbua udiululula biluishi biende.

2 Petro 2:22

Malu adi abenzekela adi ajadika bulelela bua nsumuinu ya ne: “Mbua udi upingana ku biluishi bivuaye muluke”, “Ngulube mumane kuowa mayi, udi udibonda mu bitotshi tshiakabidi.”

Efeze 4:19

Bu mudibu kabayi bumvua bundu, badi badifila ku malu mabi a mishindu yonsu. Badi bakeba kunema nansha ku buenzavi buabu mene.

Yirmeya 31:18

Mvua mumvue bena Efrayime badila muadi, bamba ne: “Maweja-Nangila, udi mutunyoke bikole, mudibu banyoka muana wa nyama wa ngombe wa balume, udibu kabayi banji kutekesha bimpe. Kadi mpindiewu utupingaje kuudi, bua tupingane kuudi bulelela, bualu wewe Maweja-Nangila ke udi Mvidi Mukulu wetu.

Yeshaya 22:13

Kadi nuenu kusanka amu kusanka, kushipa ngombe, kukosa mikoku mitu, kudia minyinyi, kunua maluvu… Nuenu kuamba ne: “Tudiayi, tunuayi, bualu malaba netufue.”

Dielulula 29:19

muntu awu, Maweja-Nangila kakumufuila luse to. Kakuanyisha nansha kakese muntu udi umutombokela. Neamufuile munda bikole. Neamunyoke ne manyoka onsu mashilangane, adibu bafunde mu mukanda ewu. Kabakuvuluka nansha dina diende kabidi pa buloba to.

Nsumuinu 23:34

Neudimone bu muntu udi mu mayi manene, utenkakana kulu kua mutshi wa majuwa.