Nsumuinu 22:23 - MUKANDA WA MYIDI MUKULU

²³ Bualu Maweja-Nangila neabakuile; kabidi neashipe badi babanyenga bintu.

Mukanda wa Nzambi Dihungila Dikulukulu ne Dihungila Dihia-dihia 2003

²³ Bualu bua Yehowa neabalumbuluile tshilumbu tshiabo, neanyenge mioyo ya badi banyenga bintu biabo.

Nsumuinu 22:23 Referans Kwoze

Misambu 140:12

Muntu udi utumpilangana malu kashadi ne muoyi mu ditunga. Diakabi dilonde muntu wa tshikisu, kadimulekedi.

Misambu 12:5

“Tudi bamanye mua kuakula, bua tupete bionsu bitudi tujinga. Netuambe bionsu bitudi basue, katuyi tutshina muntu.”

Nsumuinu 23:11

Bualu badi ne mubalumbuluidi wa bukole buonsu, ke Mvidi Mukulu. Neabasombuele kuudi.

Yirmeya 51:36

Maweja-Nangila udi wambila bena Yerushalayime ne: “Tshilumbu tshiebe ndi ntshiangata ne manza abidi. Ndi nkunsombuela, ngumishe musulu wa Perate, nenkamishe mpokolu ya Babilone.

1 Samuele 25:39

Davide umvua lumu lua lufu lua Nabale, kuambaye ne: — Ndi nsakidila Maweja-Nangila, udi munsungidile kudi Nabale uvua umpenda. Ndi mmuela kabidi tuasakidila, bualu mmunkandike bua meme kuenza bibi, bua tshipingajidi Nabale bubi buende. Ke Davide kutuma bantu kudi Abiyayile, bua kumuambila ne: Davide mmusue bua wikale mukajende.

Misambu 35:10

Nengambile Maweja-Nangila muanyi muonsu ne: “Kakuena udi bu wewe. Wewe udi upandisha mupele mu bianza bia baluishi bende, usungidila muena dikenga kudi muena tshinyangu.”

Misambu 43:1

Mvidi Mukulu wanyi, kosa nsambu yanyi amu pa yoyi, umbingishe kudi bantu badi kabayi luse. Unsungidile kudi bena dishima ne bena tshinyangu.

Malaki 3:5

Mvidi Mukulu wa bukole buonsu udi ujadika ne: “Nemfike munkatshi muenu bua kunulumbuluisha. Nempishe lukasa bantu badi benza malu a majimbu, badi benda tshiendenda, badi baditshipa mitshipu ya dishima, badi babenga kufuta muena mudimu, badi bakengesha bakaji bakamba, bana ba nshiya ne benyi, nansha bonsu badi kabayi bantshina meme.”

Mika 7:9

Maweja-Nangila mmutunyoke ne tshiiji, bualu tuvua bamuenzele bibi. Kadi diba nedifike didiye utulumbuluisha, utubingisha. Yeye neatupingaje mu butoke, neatuenzele malu mimpe mavule.

Yirmeya 50:34

Kadi udi mua kupikula bena Izrayele ne bena Yuda udi ne bukole! Ke meme Maweja-Nangila wa bukole buonsu! Ndi ngangata tshilumbu tshiabu ne manza abidi! Nembueje bupole pa buloba. Nenzakeje bena Babilone.

Abakuke 2:8

Nuvua bibe bintu mu matunga mavule. Nanku bisamba bikuabu bionsu bia pa buloba nebibe bienu. Nebanunyoke, bualu nuvua bele mashi a bantu panshi, nuvua banyangakaje bimenga ne matunga.

Yeshaya 33:1

Wewe munyangi wa bintu bionsu, udi muena diakabi, bualu kabavua bakunyange wewe nenku to. Udi welela bakuabu tshitungu, padibu kabayi bakuelela wewe tshitungu! Pawamana kulekela kubutula bakuabu, nebakubutule ne wewe kabidi. Pawamana kutungila bakuabu tshitungu, nebakutungile ne wewe kabidi.

Misambu 68:5

Imbilayi Mvidi Mukulu misambu, nutumbishe dina diende. Nuakidile udi wendakana pa mavuba. Dina diende mMaweja-Nangila. Nutue tshianga, numusamune.

Misambu 35:1

Musambu wa mu mukanda wa misambu ya Davide. Maweja-Nangila, luangana ne bankinyi banyi, uluishe badi bangenza mvita.

1 Samuele 24:12

Tangila, mukalenga wanyi, tangila tshindi mukuate ku bianza etshi. Ndi ne tshipesa tshia muntumpu webe! Ndi mukose anu tshipesa tshia muntumpu webe, kadi tshiena mukushipe to, bua kujadika ne: tshiena ne dijinga dia kukuenzela bibi, nansha kukutombokela. Udi mumone ne: meme Davide tshiena mukuenzele bubi nansha bumue. Anu wewe udi wenda ungipata bua kunshipa.

1 Samuele 24:15

Mukalenga Shawule, uudi wenda ukeba nenku nnganyi? Udi wenda unkeba anu meme Davide. Kadi, meme ndi anu bu mbua mumane kufua, nansha bu tshipu!

Ekesode 22:22

Bualu bobu badile, bambikile, nembateleje.

Ekesode 22:23

Nemfike munda, nnushipe ne muela. Nanku bakaji benu nebashale bakamba, bana benu nebashale bana ba nshiya.

Misambu 12:6

Kadi Maweja-Nangila udi wamba ne: “Mpindiewu ndi mfika bua kuambuluisha bapele badibu bakengesha ne bena dikenga badi batua mikemu. Nempikule badibu badiombola.”

Misambu 103:6

Maweja-Nangila udi ukosa nsambu pa yoyi, udi ulumbuluila bantu badibu bakengesha.

Misambu 140:13

Maweja-Nangila, ndi mumanye ne: udi ubingisha bapele, udi ulumbuluila bena dikenga.

Nsumuinu 21:7

Tshikisu tshia bantu babi tshidi tshibabutula, bualu badi babenga kulonda njila wa buakane.

Yirmeya 30:16

Kadi bonsu badi bakudia, nebabadie bobu kabidi. Bonsu badi bakupetula, nebaye bobu kabidi mu bupika. Bonsu badi bakunyenga bintu, nembanyenge bobu kabidi bintu. Badi bapawula bintu biebe, nebapawule bintu biabu kabidi.