Nsumuinu 21:8 - MUKANDA WA MYIDI MUKULU

⁸ Bena tshibawu kabena balonda njila mululame to. Kadi bantu bakane badi benda amu buludi mu njila wa buakane.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Nshila wa muntu mutambe bubi udi mukonyangale, kadi bienzedi bia udi ne mutshima mutoke bidi biakane.

Nsumuinu 21:8 Referans Kwoze

Nsumuinu 2:15

Bantu aba kabena benda patoke mu njila mululame, badi balonda amu mikonyangale.

1 Yone 3:3

Muntu yonsu udi windila bualu ebu, mutekemene kudi Kristu, udi udilengeja ku bubi buonsu, bu mudi Yezu Kristu kabidi kayi ne bubi.

1 Yone 2:29

Nudi bamanye ne: Kristu ki mmuenze bualu bubi nansha bumue. Nanku nudi ne bua kumanya kabidi ne: muntu yonsu udi wenza malu mimpe, udi muana wa Mvidi Mukulu.

Tite 3:5

ke Yeye kusungidila, ki mbua midimu mimpe ituvua benze, kadi anu bua luse luende. Uvua mutusungidile, bualu bavua bafume mu mayi, batulele tshiakabidi, batupeshe muoyi mupiamupia kudi Mueyelu wa Tshijila.

Tite 3:3

Bualu ku kale, tuetu kabidi katuvua ne meji to. Tuvua bena tshitunu, bantu bapambuke. Tuvua bapika ba malu mabi, ne ba masanka mabi a mishindu yonsu. Tuvua bena buenzavi ne lubabu. Tuvua tukina bakuabu, bobu kabidi bavua batukina.

Tite 1:15

Bionsu bidi biakane, bua bantu badi ne muoyi muakane. Kadi bua badi banyanguke, kabayi ne ditaba, kakuena tshintu tshimpe nansha tshimue. Bualu meji abu ne muoyi wabu mbinyanguke.

1 Korente 3:3

bualu nutshidi nusomba bu bantu ba panu. Nudi nubabangana, nutandangana. Ke bidi bileja ne: nudi bantu ba panu, nuenza amu bidi bantu bakuabu bonsu benza.

Bienzedi 15:9

mMumushe kansungasunga konsu munkatshi muetu nabu. Ke padiye mujimije mibi yabu, bualu bavua bitaba.

Matayi 12:33

— Wewe musue kupeta bimuma bimpe, wikale ne mutshi muimpe. Wewe ne mutshi mubi, neupete bimuma bibi. Bualu badi bamanyina mutshi ku bimuma biawu.

Matayi 5:8

Bantu badi ne muoyi munonoke, ke bena diakalenga, bualu nebamone Mvidi Mukulu!

Danyele 12:10

Nebumbushe bantu ba bungi mikiya. Nebabatokeshe. Makenga neabalengeje. Bantu babi, badi kabayi mua kujingulula malu, nebatungunuke ne dienza dia malu abu mabi. Kadi bantu ba lungenyi nebajingulule malu adi enzeka.

Muambi 9:3

Bantu bonsu badi mushindu umue. Ku ndekelu badi ne tshipeta amu tshimue. Bantu badi benza bibi, badi bajinga amu malu a butshimbakane. Kadi ku ndekelu kua bionsu nebafue.

Muambi 7:29

Tshintu tshimue tshindi mumanye ntshietshi: Mvidi Mukulu uvua mufuke muntu muakanangane ku bionsu. Kadi muntu ewu kudibuejakaja mu malu a bungi.

Nsumuinu 30:12

Kudi bantu badi bela meji ne: tudi bantu bimpe. Kadi ki mbapange manyanu pambidi pabu.

Nsumuinu 15:26

Maweja-Nangila udi udiombola meji mabi adi bantu bela, kadi udi wanyisha miaku ya dijingilangana nayi disanka.

Genese 6:12

Miaba yonsu iwaye utangila uvua umona amu muvua bantu banyanguke ne buenzayi.

Tite 2:14

Yeye mene uvua mudifile buetu tuetu, bua kutupikula ku bubi buonsu, kutulengeja, kutuenza bantu bende badi bamuitaba amu Yeye, benza midimu mimpe ne disuminyina.

Nsumuinu 21:9

Mbimpe kusomba talala mu kazubu, pa mutu pa kusomba mu nzubu munene pamue ne mukaji wa mutoyi.

Yeshaya 26:7

Maweja-Nangila, wewe udi uleja bantu badi bakuitaba, njila mululame wa kulondabu. Njila uudi wewe uleja bantu, udi ubafikisha buludi muaba mene udibu bakeba.

Yeshaya 59:8

Kanuena bamanye njila wa bupole. Kuonsu kunudi nupitshila, nudi nudiatakaja buakane mu makasa. Nudi nulonda amu njila mikonyangale. Kadi muntu udi unulonda mu njila yenu ayi, kakupeta bupole to.