Nsumuinu 2:9 - MUKANDA WA MYIDI MUKULU

⁹ Paudi unteleja, nenjingulule muudi mua kuikala muntu muakane, wa nsongu, muudi mua kuenza bidi bimpe.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Hashishe neujingulule buakane ne dikosa diakane dia nsambu, neujingulule kulumbulula kuakane, nshila yonso mene udi uya ku buimpe.

Nsumuinu 2:9 Referans Kwoze

Yirmeya 6:16

Maweja-Nangila udi wamba ne: Anji imanayi mu njila. Nuele meji a bivua binuenzekele kale. Nukonke bankambua benu. Nanku nusungule njila muimpe. Nulonde njila awu bua nupete dikisha. Kadi kubengabu bamba ne: “Katuena tulonda njila muimpe to.”

Yeshaya 48:17

Wa tshijila wa bena Izrayele, Maweja-Nangila, uvua muangate bualu buenu ne manza abidi. Ke yeye udi ukuambila ne: “Meme Maweja-Nangila ndi Mvidi Mukulu webe. Meme ndi nkulongesha, malu adi ne bua kukulengelela. Meme ndi nya nebe mu njila uudi ne bua kulonda.

Yowanane 14:6

Yezu kumuandamuna ne: — Ndi njila, ndi bulelela, ndi muoyi. Muntu nansha umue kena mua kuya kudi Tatu kayi mupitshile kundi.

Misambu 119:99

Ndi mupete dimanya mupite ne balongeshi banyi, bualu ndi ngelangana meji ku meyi ebe.

Misambu 32:8

Maweja-Nangila udi wamba ne: — Nenkulongeshe, nkuleja njila wa kulonda. Nenutangile miaba yonsu iudi uya, nkubela ne:

Yeshaya 35:8

Koku aku, nekuikale njila. Nebamuinyike ne: “Njila wa tshijila”. Muntu mupie mikiya kakupitshilaku to. Mutendeledi wa mvidie kakuendakanamu to. Njila awu neikale mutekela bantu ba Maweja-Nangila, patuadijabu luendu luabu.

Misambu 119:105

Diyi diebe didi bu muendu ku makasa anyi, bu butoke budi buntokeshila njila.

Nsumuinu 4:18

Njila udi bantu bakane balonda, udi bu butoke bua mu dinda, budi buenda buvulangana too ne mudi munya ukola.

Nsumuinu 8:20

Badi bansangana mu njila udibu balonda kudi bantu badi bakeba Mvidi Mukulu, mu njila idi bantu benzelangana bimpe.

Nsumuinu 28:5

Bantu babi kabena bajingulula njila ya buakane. Kadi badi batumikila Maweja-Nangila, badi bajingulula bionsu.

Misambu 25:12

Maweja-Nangila nealeje muntu udi umunemeka, njila udiye ne bua kusungula.

Nsumuinu 4:12

Nenku nentungunuke uya kumpala, kakuyi tshidi tshikutatshisha. Neunyeme kuyi udishinda.