Nsumuinu 2:21 - MUKANDA WA MYIDI MUKULU

²¹ Bualu bantu bakane ne ba diyi dimue, nebase mu ditunga edi, nebashalemu kashidi.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Bualu bua badi ne mitshima miakane nebashikame mu buloba, badi ne mutshima umue mutoke nebajalame.

Nsumuinu 2:21 Referans Kwoze

Misambu 37:29

Kabidi bantu bakane nebapete ditunga, basombemu tshiendelelele.

Misambu 37:9

Benji ba bibi nebabutuke. Kadi badi batekemena kudi Maweja-Nangila, nebapete ditunga.

Nsumuinu 10:30

Muntu udi ulamata Mvidi Mukulu udi ushindama kashidi. Kadi babi kabakusomba mutantshi mu ditunga to.

Misambu 84:11

Bualu kusomba dituku dimue mu lubanza lua nzubu webe wa kutendelela, nkupite kusomba matuku tshinunu munga muaba. Mvidi Mukulu wanyi, kuimana kumbelu kua nzubu webe, nkupite kusomba mu ntenta ya bantu babi.

Yobe 42:12

Maweja-Nangila kuela Yobe lupemba, kupitaye ne muvuaye kale. Yobe kupeta mikoku binunu dikumi ne binayi, tumelu binunu bisambombu, ngombe milume ne mikaji tshinunu ne mpunde mikaji tshinunu.

Misambu 37:22

Badi Mvidi Mukulu wela lupemba, nebapete ditunga. Badiye utshipa, nebabutuke.

Misambu 37:11

Kadi bakengi nebapete ditunga. Nebasombemu ne disanka divule.

Misambu 37:3

Tekemena kudi Maweja-Nangila, enza bimpe, neushale mu ditunga, usombemu talalaa.

Yobe 1:1

Ku kale, mu ditunga dia Usa, muvua muntu dina diende, Yobe. Muntu ewu uvua unemeka Mvidi Mukulu, umuitaba, uvua muntu muimpe, mubenge malu mabi.

Nsumuinu 28:10

Muntu udi usaka bantu bakane bua balonde njila mibi, neapone mu mateyi ende. Kadi benji ba bimpe nebikale ne diakalenga.

Misambu 37:18

Maweja-Nangila udi ukuba diba dionsu badi benza tshidiye musue. Ditunga didibu bapeta kudiye, nebashale nadi kashidi.