Nsumuinu 19:3 - MUKANDA WA MYIDI MUKULU

³ Padi bantu badikebela makenga ku bupote buabu, badi bajana Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

³ Buhote bua muntu budi bunyanga nshila wandi; mutshima wandi udi ukuatshila Yehowa tshiji.

Nsumuinu 19:3 Referans Kwoze

Misambu 37:7

Shala talalaa kumpala kua Maweja-Nangila, indila ne lutulu tshiavuaye kuenza. Kubabi badi bapeta diakalenga, badi bakumbaja meji abu mabi.

Nsumuinu 11:3

Muntu wa malu mempe badi bamulombola kudi muoyi wende muakane. Kadi muntu mubi, malu ende mabi adiye munange adi amubutula.

Misambu 37:1

Musambu wa mu mukanda wa misambu ya Davide. Lekela kubaba bantu babi, kutekedi badi benza bibi lubabu.

2 Bakalenga 6:33

Patshivua Muambi Elisha wakula, ke mukalenga kufika, wamba ne: — Maweja-Nangila ke udi unkengesha nunku! Kadi tshia nsongu tshindi mua kutekemena kabidi kudiye ntshinyi?

1 Samuele 15:23

Kadi kubenga kutumikila, nkuenza bualu bubi amu bu mudi kubuka lubuku. Kubenga kuitaba Maweja-Nangila, nkuenza bualu bubi anu bu mudi kutendelela mvidie. Nanku, bu muudi mubenge mua kutumikila mikenji ya Maweja-Nangila, wakubengi. Kuakuikala kabidi mukalenga wa bantu bende bena Izrayele to.

1 Samuele 13:13

Samuwele kuandamuna ne: — Udi muenze bualu bubi budibu benza kudi muntu udi kayi ne lungenyi to! Kuena munemeke bionsu bivua Maweja-Nangila Mvidi Mukulu webe mukuambile to. Bu wewe muenze bionsu bivuaye mukuambile, nanku Maweja-Nangila uvua mua kuitaba bua diku diebe dishale diku dia bukalenga bua bena Izrayele kashidi.

Yeshaya 32:6

Bualu bantu bapote badi bakula, amu bua kuamba malu a bupote. Badi bela meji ku malu a bupote, adibu basue kuenza matuku adi kumpala. Badi benza malu bu bashipianganyi. Badi bakula malu adi abipila Maweja-Nangila. Muntu udi ne nzala, kabena bamupesha tshiakudia. Muntu udi ne nyota, kabena bamupesha tshikunua.

Yobe 15:13

Udi ufikila Mvidi Mukulu munda, umujana bua tshinyi?

Muadi 3:39

Kadi muntu udi wabakana bua tshinyi? Nansha yeye ne mibi, ki mbamushipe to!

Yezekiyele 18:25

Nudi nuamba ne: ‘Bidi Maweja-Nangila wenza kabiena bimpe to. Udi ukolesha malu!’ Nuenu bena Izrayele, telejayi bimpe, udi ukolesha malu mmeme anyi? Nansha kakese! Badi bakolesha malu bapitshisha, ke nuenu!