Nsumuinu 19:21 - MUKANDA WA MYIDI MUKULU

²¹ Muntu udi wela meji a bungi mu muoyi. Kadi amu bidi Mvidi Mukulu ujadika ke bidi bienzeka.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Mutshima wa muntu udi ne malu a bungi adiye uhangidisha, kadi malu adi Yehowa Usungula neajadikibue.

Nsumuinu 19:21 Referans Kwoze

Nsumuinu 16:9

Muntu udi upangadika bua kuenza bualu, kadi Maweja-Nangila ke udi ubujadika, ubukumbaja.

Yeshaya 14:24

Maweja-Nangila muena bukole buonsu, mmuditshipe, wamba ne: “Bushuwa, tshionsu tshindi muele meji netshienzeke, tshionsu tshindi mushindike netshikumbane!

Nsumuinu 16:1

Muntu udi wela meji bua kuenza bualu kampanda munda muende. Kadi Maweja-Nangila ke udi mua kuamba muende mua ndekelu mudiye mumone.

Yeshaya 46:10

Ku tshibangidilu tshia bionsu, ndi mudianze kuamba tshindi ngipatshila. Ndi mudianze kuamba amu ku kale, bivua kabiyi bianji kuenzeka. Ndi ngamba ne: Tshindi ngela meji, ndi ntshikumbaja. Tshionsu tshindi musue, ndi ntshienza.

Nsumuinu 21:30

Meji, lungenyi nansha dimanya bidi tshianana, paudi uluisha Maweja-Nangila.

Efeze 1:11

Munda mua Kristu, tudi bafike muaba wa lupandu. Mvidi Mukulu mmudianze kutusungula muvuaye musue. Bualu Mvidi Mukulu udi ukumbaja bionsu, amu muvuaye mubijadike, mujinge kabidi ne: bikale nanku.

Yobe 23:13

Mvidi Mukulu udi muena diyi dimue. Udi mua kuandamuna ngenzelu yende udiku anyi? Tshidiye musue, udi amu utshikumbaja.

Nsumuinu 21:1

Muoyi wa mukalenga udi bu musulu wa mayi udi Maweja-Nangila utuma kuonsu kudiye musue.

Muambi 7:29

Tshintu tshimue tshindi mumanye ntshietshi: Mvidi Mukulu uvua mufuke muntu muakanangane ku bionsu. Kadi muntu ewu kudibuejakaja mu malu a bungi.

Misambu 21:11

Neushidishe ndelanganyi yabu pa buloba, ubutule lulelu luabu lujima.

1 Petro 2:8

Muaba mukuabu mbafunde kabidi ne: “Ke dibue didi dishinda bantu, lubuebue ludi lubaponesha panshyi.” Bantu bavua batetuka, bualu bavua babenge kuitaba muaku. Ke tshivua Mvidi Mukulu mubalongoluele.

Genese 50:20

Nuenu nuvua ne meji a kungenzela bibi. Kadi Mvidi Mukulu uvua musue kukudimuna bibi abi bua bikale bimpe. Mvidi Mukulu uvua musue kupandisha bantu ba bungi, bu munudi numona lelu.

Nsumuinu 12:2

Maweja-Nangila udi wanyisha muntu muimpe, kadi udi udiwula muntu udi upangadika bibi.

Yuda 1:4

Bualu, bamue bantu babi mbabuele mu musokoku munkatshi muetu. Badi bakudimuna dilongesha didi ditangila dinanga dia Mvidi Mukulu, bua kudibingisha nadi ku buenzavi buabu. Ke padibu babenga Yezu Kristu, Mukalenga ne Mfumu wetu umuepele. Kukadi matuku a bungi, Mikanda ya tshijila mmimane kujadika dinyoka didibu ne bua kunyoka bantu abu.

Estere 9:25

Kadi Estere kuya kumanyisha mukalenga bualu abu. Ke mukalenga kutuma diyi, kufunda mukanda bua bakengeshe Amane mushindu uvuaye musue kukengesha bena Yuda. Ke bantu kumowa ne bana bende ba balume.

Misambu 83:4

Badi belela bantu bebe tshitungu, badi belela bantu bebe baudi ulama tshipangu.

Nsumuinu 19:22

Bantu badi bananga muntu wa nsongu udi ne muoyi wa kalolu. Mbimpe kuikala mupele pa mutu pa kuikala muena dishima.

Yirmeya 44:29

Nennunyoke anu muaba ewu. Ndi nnuleja tshimanyinu. Nenku nenumanye mundi nkumbaja bimvua munumanyishe. Tshimanyinu mene ngetshi:

2 Samuele 17:14

Absalome ne bena Izrayele kuamba ne: — Lungenyi lua Ushayi nduimpe lupite lua Akitofele! Maweja-Nangila ke uvua muenze bua babenge lungenyi lua Akitofele luvua luimpe. Bualu Maweja-Nangila uvua musue kukengesha Absalome.

Yezekiyele 20:32

Nudi nuela meji ne: nudi mua kuikala bu bantu ba bisamba bikuabu, badi batendelela mitshi ne mabue anyi? Nansha kakese! Kabiakuenzeka to.