Nsumuinu 18:22 - MUKANDA WA MYIDI MUKULU

²² Muntu udi mupete mukaji, udi mupete diakalenga. Ke dipa didi Maweja-Nangila umupesha.

Mukanda wa Nzambi Dihungila Dikulukulu ne Dihungila Dihia-dihia 2003

²² Udi uheta mukashi udi uheta disanka, ndiakalengele didiye uheta kudi Yehowa.

Nsumuinu 18:22 Referans Kwoze

Nsumuinu 19:14

Nzubu ne biuma mbintu bidi muntu mua kupiana kudi batatuende. Kadi mukaji wa meji badi bamupetela amu kudi Mvidi Mukulu.

Nsumuinu 12:4

Mukaji wa bukitu udi ukebela bayende lumu. Mukaji mubi udi bu disama didi didia mifuba ya bayende.

Muambi 9:9

Sanka ne mukajebe uudi munange, mu matuku makese adi Mvidi Mukulu mukulame ne muoyi panu. Ke difutu diudi mua kupeta panu bua ntatu iudi nayi pa buloba.

1 Korente 7:2

Eyowa, kadi bu mudi malu a bundu matampakane bikole, bidi bipite buimpe bua mulume yonsu ikale ne mukajende, bua mukaji yonsu kabidi ikale ne bayende.

Genese 2:18

Maweja-Nangila Mvidi Mukulu kuamba ne: “Ki mbimpe bua mulume ikale nkayende nansha. Ndi musue kumuenzela mukuende wa bu yeye udi mua kumuambuluisha.”

Osheya 12:12

Bena Ngilaade, mbena buenzayi ba kalanda-musenga. Nebabutuke bonsu. Muaba wa tshijila wa ku Ngilgale, bavua balambula ngombe milume. Kadi, bilambuilu biabu, nebishale amu mishiki ya mabue mu madimi.

Nsumuinu 8:35

Udi unsangana meme, mmupete muoyi, Maweja-Nangila neamuele lupemba.

Nsumuinu 3:4

Nenku, nebakunange kudi Mvidi Mukulu ne kudi bantu. Neumwangane nabu.

Genese 24:67

Izake kuangata Rebeka, kuya nende ku ntenta wa mamuende Sara. Rebeka kushala muena kuende. Izake kumunanga bikole. Dibungama divuaye nadi bua lufu lua mamuende Sara kujikadi.

Genese 29:28

Yakobe kuitaba, kushala ne Leya kaba kamue lumingu lujima. Pashishe mansebende Labane kumupesha kabidi Rakele, bua ikale mukajende.

Rute 4:10

Ndi mpiana kabidi Rute, muena Mowabe, uvua mukaji wa Malone, udi ushala mukajanyi. Nanku bintu nebishale mu dina dia mufue. Nanku dina diende kadiakujimina. Nebashale baditela mu bisombelu ne mu diabu ditunga.