Nsumuinu 18:18 - MUKANDA WA MYIDI MUKULU

¹⁸ Padibu batshinka, baneme babidi badi ku tshilumbu, badi mua kumvuangana, kulekela matandu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Kuela kua nshobo kudi kukosesha matandu, kudi kukosa tshilumbu tshidi tshihandulula bantu bakole.

Nsumuinu 18:18 Referans Kwoze

Nsumuinu 16:33

Bantu badi batshinka bidi mua kuenzeka, kadi Maweja-Nangila ke udi ushindika bualu muende mudiye musue.

Nehemya 11:1

Bamfumu ba bantu kuyabu kusomba mu Yerushalayime. Kadi, ku bantu bakuabu bavua bashale, kusungulabu muntu umue pa dikumi, bua asombe mu Yerushalayime, tshimenga tshia tshijila. Bantu bakuabu tshitema pa dikumi kuyabu kusomba mu misoku ne mu bimenga bia mu ditunga.

1 Kulondolola 24:31

Ndelanganyi ya Levi eyi, amu bu mudi bana babu, ndelanganyi ya Arone, bavua batshinka, kumpala kua mukalenga Davide, kua Sadoke, kua Akimeleke ne kumpala kua bamfumu ba meku a batuangaji ne a bena Levi, bua kumanya dilondangana dia midimu yabu ayi. Nanku diku dia muanabute divua dipeta mudimu, mushindu wa mumue ne dia muanaʼaʼmukala.

1 Samuele 14:42

Shawule kutuma diyi ne: — Batshinke kabidi pankatshi panyi ne Yonatane bua kumanya udi muenze bibi. Kujadikabu ne: Yonatane ke uvua muenze bibi.

Yoshua 14:2

Bu muvua Maweja-Nangila muambile Moshe, bavua batshinka bua kumanya maloba avuabu mua kupesha bisamba bia bena Izrayele tshitema, ne tshia bibidi tshia tshisamba tshia Menashe, bivua kabiyi bianji kupeta maloba.

Nsumuinu 18:17

Muntu udi ulumbulula kumpala utu umueka bu mubinga. Kadi padi muena tshilumbu nende ufika, udi umupisha.

Nsumuinu 18:19

Muanenu uuvua upenda udi bu tshimenga tshidibu bakolesha ne bimana: mbikole bua wewe kuakula nende. Matandu a bena muntu mmakole, adi bu milonda ya kukanga nayi bimana.

1 Samuele 14:41

Shawule kulomba Maweja-Nangila ne: — Mvidi Mukulu wa bena Izrayele, kuena mungandamune lelu bua tshinyi? Maweja-Nangila, ungandamune ku bintu bia tshijila ebi: pikala Yonatane muenze bibi nansha meme, ungandamune ku Urime. Kadi pikala bena mvita benze bibi, ungandamune ku Tumime. Kujadikabu ne bubi budi luseke lua Yonatane ne tatuende. Bena mvita kabena ne bualu to.