Nsumuinu 17:27 - MUKANDA WA MYIDI MUKULU

²⁷ Muntu mushidimuke udi ulaminyina miaku. Muntu wa lungenyi udi ukeba diba dia kuela meji.

Mukanda wa Nzambi Dihungila Dikulukulu ne Dihungila Dihia-dihia 2003

²⁷ Udi ukanda mei andi udi ne lungenyi, udi ne muoyo muhole udi mujinguludi wa mianda.

Nsumuinu 17:27 Referans Kwoze

Yakobe 3:18

Lutete lua meji ludi lutoloka munkatshi mua badi bakeba ditalala. Ke muaba udilu lukuama bimuma bia malu mimpe.

Yakobe 1:19

Bana hetu basuibue, vulukayi bimpe bindi ngamba: muntu yonsu ateleje lukasa, kadi kena mua kuakula pa lukasa nansha. Kabidi kafiki munda lubilu.

Nsumuinu 14:29

Muntu udi kayi ufika munda lukasa, udi ne lungenyi luvule. Kadi udi ufika munda lukasa, udi uleja bupote buende.

Nsumuinu 10:19

Muntu udi wakula malu mavule, udi utupakana bikole. Kadi muntu wa meji udi mumanye mua kulama ludimi luende.

Yakobe 3:2

Tudi tuenza bonsu bibi mishindu mishilangane. Kadi padi muntu kayi wakula muaku mubi musangu nansha umue, awu mmuntu wa nsongu. mMumanye kabidi mua kukanda mubidi wende mujima.

Nsumuinu 15:28

Muntu muakane udi wela meji bangabanga ne kuandamunaye. Kadi muntu mubi udi upututuka bua kujanangana.

Muambi 9:17

Kadi bidi bimpe kuteleja muntu wa lungenyi udi wakula ne lutulu, pa mutu pa kuteleja mfumu udi wela mbila mu tshipangu tshia bantu batshimbakane.

Nsumuinu 16:32

Tshilobu tshia mvita ke muntu udi kayi ufika munda lukasa. Muntu udi udikolela mmupite tshilobu tshidi tshikuata tshimenga.