Nsumuinu 17:14 - MUKANDA WA MYIDI MUKULU

¹⁴ Kutuadija matandu kudi bu kubumbula nkila. Puwa patshidi matandu kaayi manji kukola.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Tshibangidilu tshia matandu tshidi bu kuhatuka kua mai; nunku diambedi matandu kâyi manze kuhatuka, lekela difuilangana.

Nsumuinu 17:14 Referans Kwoze

Nsumuinu 25:8

Wewe mumone bualu, lekela kuzukila bua kuya nabu ku tshilumbu. Pikala muntu uudi mufunde mukupishe, neuvue kuenza kabidi tshinyi?

Nsumuinu 20:3

Muntu wa meji udi wepuka matandu. Amu bantu bapote ke badi badibuejamu.

1 Tesalonike 4:11

Nudibambe bua numone mua kusomba ku matshi talalaa, kanuyi nubuelakana mu malu a bantu bakuabu. Nudipetele biakudia amu ku midimu inudi nukuata, bu mutuvua bamane kunuambila.

Nsumuinu 15:1

Diandamuna dilenga didi dituyisha lonji. Kadi diyi dibi didi dilundula tshiji.

Rome 12:18

Nuenze muenu muonsu bua nusombe ne bantu bonsu mu ditalala, bilondeshile munudi numona ne: tudi mua kuenza nanku.

Nsumuinu 29:22

Muntu wa tshiji udi ujuula matandu. Udi ubinduluka lukasa lukasa udi uvudija bilema biende.

Nsumuinu 26:21

Makala adi alama mbabula utema, nkunyi idi itemesha kapia muiku, muena mutoyi udi ujudija matandu.

Nsumuinu 17:19

Udi musue kutandangana, mmusue kupia tshibawu. Udi udileja mudiye ne ditambisha neabutuke.

Nsumuinu 16:32

Tshilobu tshia mvita ke muntu udi kayi ufika munda lukasa. Muntu udi udikolela mmupite tshilobu tshidi tshikuata tshimenga.

Nsumuinu 14:29

Muntu udi kayi ufika munda lukasa, udi ne lungenyi luvule. Kadi udi ufika munda lukasa, udi uleja bupote buende.

Nsumuinu 13:10

Diditambisha didi dikeba matandu. Muntu udi uteleja mibelu udi ne meji.

2 Kulondolola 28:6

Dituku dimue, Peka kushipesha bena mvita ba bukitu ba bena Yuda binunu lukama ne makumi abidi. Bivua bienzeka nanku bualu bena Yuda abu, bavua babenga Maweja-Nangila Mvidi Mukulu wa bankambua babu.

2 Kulondolola 13:17

Abiya ne bena mvita bende kushipa bena Izrayele bikole, kushipa bantu binunu nkama itanu bavua bamanye mvita bikole.

2 Samuele 19:41

Mukalenga Davide kuya ne Kimhame ku Ngilaade. Bena Yuda bonsu, ne tshia bibidi tshimue tshia bena Izrayele bavua ku mutu mu ditunga, kuyabu ne mukalenga Davide.

Nsumuinu 19:11

Muntu wa lungenyi nansha yeye mufike munda, udi amu ulama lutulu. Lumu luende mpadiye upua malu mabi avuabu bamuenzele muoyi.