Nsumuinu 16:21 - MUKANDA WA MYIDI MUKULU

²¹ Muntu udi ujingulula malu ne meji udi muena lungenyi. Padiye ulongesha ne miaku idi isankisha bantu, ibatua ku muoyi, nebamuitabe lukasa.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Badi babikila muena meji ne, Mujinguludi wa mianda; bulengele bua mei a ku mishiku budi buitabushisha bantu.

Nsumuinu 16:21 Referans Kwoze

Yeshaya 50:4

Maweja-Nangila Mvidi Mukulu uvua mundongeshe tshindi ne bua kuamba. Ke yeye udi ummanyisha miaku, indi mua kuambuluisha nayi muntu ukadi mupungile. Dinda dionsu, Maweja-Nangila udi umbisha, mpeta kudiye dijinga dikole dia kumuteleja, bu mudi balongi bajinga kuteleja mulongeshi wabu.

Nsumuinu 15:7

Miaku ya muena meji idi itangalaja dimanya. Kadi batshimbakane badi mu mitu mutupu.

Nsumuinu 27:9

Bilengejilu bia mubidi, ne manananshi bidi bisankisha muntu. Kadi mulunda mupole malu, wa meji, udi upita bionsu abi.

Yakobe 3:17

Kadi meji a kulu kaena kalema. Adi akeba bupole, akidila bantu bimpe, aleja musangelu, afuila bantu luse, enza malu mimpe mavule. Kaena adiwula muntu, kaena ne mioyi ibidi.

Yowanane 7:46

Basolayi kuandamuna ne: — Katshia muntu kena muanji kuakula bu muntu ewu!

Luke 4:22

Bantu bonsu bavua bamukema, bakatshila bua miaku ya pa dinanga ivuaye muambe. Bavua bakonkangana ne: — Yeye ki mmuana wa Yozefe anyi?

Muambi 12:10

Muambi nansha yeye mufunde malu mudiwu, uvua muenze muende muonsu bua kupeta miaku ya kukolesha nayi bantu ku muoyi.

Nsumuinu 23:15

Muananyi, pawikala munange meji, nengikale ne disanka dinene.

Nsumuinu 10:8

Muntu wa meji udi wanyisha mibelu. Muntu muena biakulakula neabutuke lukasa.

Misambu 45:2

Muoyi wanyi udi muwule ne miaku milenga, pandi nsaka musambu ewu bua mukalenga. Ludimi luanyi ludi luwimba bilenga, amu bu mudi mufundi wa dilambu ukeba kufunda bimpe ne kasala kende.

1 Bakalenga 3:12

Nanku, bilondeshile tshiudi mulombe, ndi nkupa lungenyi ne meji. Newikale ne lungenyi lua bungi, lupite lua bantu bonsu bavua kumpala kuebe nansha bakulonda panyima.

Rome 16:19

Bantu bonsu mbamanye munudi nutumikila Mfumu. Nanku ndi nsanka bualu buenu, njinga bua nuikale bantu ba meji, badi benza amu malu mimpe, babenga malu mabi onsu.

Matayi 11:25

Tshikondu atshi, Yezu uvua wamba ne: — Eyo, Tatu, Mfumu wa diulu ne buloba, ndi nkutumbisha, bualu udi muambile bantu bashadile malu audi musokoke bena meji ne bantu bavua balonga mikanda.

Nsumuinu 16:22

Badi balonda meji nebapete muoyi. Batshimbakane badi babanyoka bua bupote buabu.

Osheya 14:9

Bena Efrayime, mpingu idi inuenzela tshinyi? Meme ke udi upesha bena Efrayime bionsu bidibu balomba. Meme ke udi ubalama. Meme ndi mutshi wa siprese udi usasa matuku onsu kauyi uuma to. Meme ke udi ubapesha maminu.

Nsumuinu 10:13

Muena meji badi bamumanyina ku miaku ya lungenyi idiye wakula, kadi udi kayi wela meji badi bamutuuta!

Nsumuinu 10:23

Bubi budibu benza budi busankisha muntu mutatakane. Meji adi muena lungenyi upeta adi amusankisha.