Nsumuinu 16:1 - MUKANDA WA MYIDI MUKULU

¹ Muntu udi wela meji bua kuenza bualu kampanda munda muende. Kadi Maweja-Nangila ke udi mua kuamba muende mua ndekelu mudiye mumone.

Mukanda wa Nzambi Dihungila Dikulukulu ne Dihungila Dihia-dihia 2003

¹ Malu adi bantu bahangidisha mu mitshima adi afuma kudibo, kadi dî didi ludimi lukudimuna didi difuma kudi Yehowa.

Nsumuinu 16:1 Referans Kwoze

Nsumuinu 19:21

Muntu udi wela meji a bungi mu muoyi. Kadi amu bidi Mvidi Mukulu ujadika ke bidi bienzeka.

Nsumuinu 16:9

Muntu udi upangadika bua kuenza bualu, kadi Maweja-Nangila ke udi ubujadika, ubukumbaja.

Filipe 2:13

Bualu Mvidi Mukulu udi ukuata mudimu diba dionsu munda muenu, bua nujinge tshidiye musue, nutshikumbaje kabidi.

Nsumuinu 20:24

Maweja-Nangila ke udi ulombola muoyi wa muntu. Mudi muntu mua kumanya kudiye uya mbishi?

Yirmeya 10:23

Maweja-Nangila udi mumanye ne: muntu kena ne bukole bua kukumbaja tshidiye musue to. Kena ne mushindu wa kuenda mu njila muakane.

Nsumuinu 21:1

Muoyi wa mukalenga udi bu musulu wa mayi udi Maweja-Nangila utuma kuonsu kudiye musue.

Misambu 119:36

Tangija muoyi wanyi ku mikenji yebe, kuutangiji ku biuma.

Ekesode 4:15

Neumumvuije tshidiye mua kuamba. Nennuambuluishe wewe ne muanenu Arone bua nuakule bimpe. Nennumanyishe tshinudi mua kuenza.

Ezela 7:27

Ezra kuamba ne: “Tuele Maweja-Nangila Mvidi Mukulu wa bankambua betu tuasakidila. Uvua mupeshe mukalenga munene dijinga dia kunemeka nzubu wa Mvidi Mukulu wa mu Yerushalayime.

Misambu 10:17

Maweja-Nangila, wewe udi umvua majinga a bantu bapuekele, ubakolesha ku muoyi. Wewe udi uteleja ne ntema bua kubambuluisha,

Nehemya 1:11

Maweja-Nangila, ndi nkusengelela ne: utelejeku mundi nutendelela, kabidi mudibu bakutendelela kudi bantu bebe bakuabu, badi ne disanka dia kukutumbisha. Wewe, ungendeshe diakalenga mu bionsu bindi musue kuenza lelu. Ungambuluishe bua mukalenga wa bakalenga angandamune bimpe. Tshikondu atshi, meme Nehemya mvua ntangila bantu bavua balongolola maluvu a mukalenga wa bakalenga.

2 Kulondolola 18:31

Nanku, bamfumu bavua ne matempu a mvita bamone Yosafate, kuambilanganabu ne: ke Akabe, mukalenga wa Izrayele ewu. Kumuelabu munkatshi bua kumuluisha. Kadi, Yosafate kulomba diambuluisha kudi Maweja-Nangila Mvidi Mukulu. Awu kumuambuluisha, kuipata baluishi bende.

2 Korente 8:16

Tudi tuela Mvidi Mukulu tuasakidila, bualu uvua mupeshe Tite disuminyina bualu buenu ditudi tuetu kabidi nadi!

Nsumuinu 15:33

Udi utshina Maweja-Nangila udi upeta meji. Udi udipuekesha ke udi mua kupeta lumu.

2 Samuele 7:5

— Ndaku kudi Davide, muntu wanyi. Umuambile ne: teleja tshidi Maweja-Nangila wamba ne: “Wewe Davide kuena mua kungashila nzubu undi mua kusomba to.”

Yobe 17:11

Matuku anyi a panu mmamane kusemena, bimvua muele meji bua kuenza, bimvua mujinge kabiakukumbana nansha.