Nsumuinu 15:3 - MUKANDA WA MYIDI MUKULU

³ Mesu a Maweja-Nangila adi atangila miaba yonsu. Udi ujooja bimpe ne babi.

Mukanda wa Nzambi Dihungila Dikulukulu ne Dihungila Dihia-dihia 2003

³ Mesu a Yehowa adi kuonso, adi alama bantu babi ne bantu bimpe.

Nsumuinu 15:3 Referans Kwoze

Ebrewu 4:13

Kakuena kantu nansha kamue kadi mua kusokoma Mvidi Mukulu. Bintu bionsu, bifukibua bionsu bisanga bidi bimueneka patoke ku mesu kuende. Yeye ke utudi ne bua kuambila malu etu onsu.

Yirmeya 16:17

Bualu ndi ntangila bimpe tshidibu benza. Kakuena tshidi mua kunjimina. Tshilumbu tshiabu ndi mutshimanye.

Yirmeya 23:24

Maweja-Nangila udi webeja ne: pikala muntu usokoma, tshiena ne mushindu wa kumumona anyi? Ndi miaba yonsu: mu diulu ne pa buloba. Kanuena bamanye bualu ebu anyi?

2 Kulondolola 16:9

Nanku, Maweja-Nangila udi utangila pa buloba, musue kuambuluisha badi bamunanga ne muoyi wabu mujima. Mpindiewu, udi muenze malu bu muntu mutomboke. Biangatshile ku lelu, mvita neyikukuate.

Nsumuinu 5:21

Wamanya! Maweja-Nangila udi ujooja mudi muntu yonsu wenza. Udi umona bionsu bidi muntu wenza.

Yobe 31:4

Nanku Mvidi Mukulu kena umona bindi ngenza anyi? Udi ubadika njila yonsu indi ngenda.

Yirmeya 32:19

Udi wela meji ku malu manene audi musue kuenza. Kabidi udi ne bukole bua kuakumbaja. Udi utangila bimpe malu adi bantu benza. Udi ufuta muntu yonsu bilondeshile bidiye wenza.

Yobe 28:24

Bualu yeye ke udi utangila too ne ntengu ya buloba. Udi umona tshionsu tshidi muinshi mua diulu.

Nsumuinu 15:4

Miaku idi ikolesha muntu mu maboku, idi imusanguluja. Kadi miaku ya tshikisu idi inyanga muoyi wa muntu.

Yobe 24:23

Mvidi Mukulu udi muanyishe bua bende badiunwue, basombe talalaa. Kadi udi umona bionsu bidibu benza.

Misambu 33:13

Maweja-Nangila udi utangidila mu diulu, umona bonsu badi benda muinshi mua diba.