Nsumuinu 15:25 - MUKANDA WA MYIDI MUKULU

²⁵ Maweja-Nangila udi ubumbula nzubu wa muena ditambisha, kadi udi ulama lupangu lua mukaji mukamba.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Yehowa udi usasula nsubu wa badi badisue, kadi udi ujadika mukalu wa buloba bua mukashi wa mu lufuila.

Nsumuinu 15:25 Referans Kwoze

Misambu 146:9

Maweja-Nangila udi ulama bantu badibu bipata, wambuluisha muana nshiya ne mukaji mukamba, kadi udi unyanga malu adi bantu babi bapangadika mua kuenza.

Nsumuinu 23:10

Kutentudi mikalu ya kale bua wewe kunyenga bana ba nshiya lupangu.

Nsumuinu 14:11

Nzubu wa bantu babi udi ne kabutu, wa bantu bakane neashindame.

Nsumuinu 12:7

Padibu babutula bantu babi, biabu bionsu mbijimine. Kadi diku dia bakane nedishale kashidi.

Yakobe 1:27

Bantu badi banemeka Mvidi Mukulu Tatu menemene, ke badi bambuluisha bana ba nshiya, ne bakaji bakamba, mu makenga abu, badilama ku bubi buonsu budi bufuma panu.

Danyele 5:20

Kadi tatuebe kuditambisha, kuwula tente ne kapetu. Nanku bakamumbusha mu nkuasa wende wa bukalenga, kumunyenga ne lumu luvuaye nalu.

Yeshaya 2:12

Dituku adi, Maweja-Nangila muena bukole buonsu, yeye nkayende neakose bilumbu. Neapuekeshe muntu udi udiamba ne: ndi munene, nansha ne: ndi mfumu.

Misambu 138:6

Maweja-Nangila udi mulu mu diulu kadi udi umona bapuekele, umanya bena ditambisha pa bule.”

1 Petro 5:5

Nuenu kabidi bansonga, nutumikile bakulumpe. Kadi nuenu bonsu nudipuekeshe, nuambuluishangane. Bualu mbafunde mu Mukanda wa tshijila ne: “Mvidi Mukulu udi uluisha bena ditambisha. Kadi udi wambuluisha ne disanka badi badipuekesha.”

Misambu 52:5

Udi munange malu mabi, mubenge mimpe. Udi musue dishima, uyila malu malelela.

Dielulula 19:14

Panuafika mu ditunga didi Maweja-Nangila Mvidi Mukulu wenu munupe, nuenu bamane kupeta miaba ya kusomba, mikalu ne bena mutumba nenu bavua badianjile kuasa muaba awu, ishale anu mushindu unuvua bayisangane, kanuyi nudiundisha buloba bunuvua bapete.

Misambu 52:1

Musambu wa mu mukanda wa mulombodi wa bena misambu. Kasala ka mu mukanda wa misambu ya Davide.

Nsumuinu 15:26

Maweja-Nangila udi udiombola meji mabi adi bantu bela, kadi udi wanyisha miaku ya dijingilangana nayi disanka.

Yobe 24:21

Bantu aba bavua bakengesha mukaji wa nkumba udi kayi mulele, bavua batatshisha mukaji mukamba.

Misambu 10:14

Kadi wewe kuena mpofu! Udi umona dikenga ne disumpakana dia bapele! Udi amu ukeba kubambuluisha! Muena dikenga mmudilekelela kuudi! Wewe ke udi wambuluisha muana nshiya.

Yeshaya 1:17

Kadi enzayi malu makane, ambuluishayi bantu bua benzelangane bimpe, nukandike badi bakengesha bantu bakuabu. Vulukayi muana nshiye, bua apete tshidiye ne bua kupeta. Akuilayi mukaji mukamba.”

Yirmeya 5:28

Bena Izrayele badi badiunda bikole, mubidi wabu mmusenene. Kadi badi anu benza malu mabi, kabayi bapungila. Kabena bakosa nsambu pa yoyi, kabena bakuila bana ba nshiya mu bilumbu biabu, bua bamone mua kubinga. Kabena bambuluisha bapele, bua bapete bidibu ne bua kupeta.