Nsumuinu 15:19 - MUKANDA WA MYIDI MUKULU

¹⁹ Muena lulengu udi utangila njila yonsu bu ya meba. Muntu muakane udi usangana miaba yonsu njila milongolola bimpe.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Nshila wa mufuba udi ne luhangu lua mingonge ya meba, kadi nshila wa bantu bakane udi bu tshibebe tshibatamisha.

Nsumuinu 15:19 Referans Kwoze

Yeshaya 35:8

Koku aku, nekuikale njila. Nebamuinyike ne: “Njila wa tshijila”. Muntu mupie mikiya kakupitshilaku to. Mutendeledi wa mvidie kakuendakanamu to. Njila awu neikale mutekela bantu ba Maweja-Nangila, patuadijabu luendu luabu.

Yeshaya 30:21

Panuakeba kuya, ku dia balume nansha ku dia bakaji, nenumvue miaku eyi ifumina kunyima kuenu, yamba ne: “Ke njila unudi ne bua kulonda ewu.”

Nsumuinu 22:5

Meba ne mateyi bidi mu njila wa bena buenzayi. Udi musue kulala panu udi ubiepuka.

Nsumuinu 26:13

Muena lulengu utu wamba ne: “Tshiena mpatuka to; bualu ntambue udi mu njila, nyama wa lonji udi mu musesu.”

Nsumuinu 22:13

Muena lulengu utu wamba ne: “Nyama wa ntambue udipu. Tshiena mua kupatuka bua kabayi kundiila mu njila.”

Nsumuinu 8:9

Muena lungenyi udi umvua bindi ngamba. Bavua balonga malu badi babangulula bimpe.

Misambu 27:11

Maweja-Nangila, undeje njila udi muakane, ungendeshe mu njila udi kayi njiwu, bualu baluishi banyi mbavule.

Nsumuinu 3:6

Umulamate mu bionsu biudi musue kuenza. Yeye neakuleje muudi ne bua kuenza.

Misambu 25:12

Maweja-Nangila nealeje muntu udi umunemeka, njila udiye ne bua kusungula.

Misambu 5:8

Kadi bu muudi munnange bikole, ndi mua kubuela mu nzubu muebe, kukukukuila mu muaba webe wa tshijila.

Yeshaya 57:14

Maweja-Nangila udi wamba ne: “Longololayi njila, koleshayi, pandayi njila, umbushayi mu njila bintu bionsu bidi ne njiwu, bantu banyi benda kamuyi lutatu.”

Nsumuinu 15:18

Muntu wa lonji udi ukeba matandu, kadi muntu wa lutulu udi watuyisha.

Nsumuinu 15:20

Muana wa balume wa meji udi usankisha baledi bende. Muntu mutshimbakane udi upepeja bana babu.

Nsumuinu 6:6

Wewe muena lulengu, uye kumona musuasua. Ubatamine bibidilu biawu, upeteleku meji.

Nsumuinu 11:5

Buakane bua muntu udi ukeba Maweja-Nangila budi buludika nsombelu wende. Kadi muntu mubi udi ujimina bua bubi buende.