Nsumuinu 15:17 - MUKANDA WA MYIDI MUKULU

¹⁷ Mbimpe kudia matamba muaba udibu bakunanga, pa mutu pa kudia munyinyi wa manyi mukupa ne lukinu mu muoyi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Kudia anu matamba nkayau hadi dinanga kudi kutamba kudia munyinyi wa ngombe wa manyi hadi lukuna buakane.

Nsumuinu 15:17 Referans Kwoze

Nsumuinu 17:1

Bidi bimpe kudia tshipese tshia diampa diume ne ditalala, pa mutu pa kubuela mu didia dia tshibilu dienzela mu nzubu wa mutoyi.

Nsumuinu 21:19

Mbimpe kuasa nkaya mu tshipela, pa mutu pa kusomba mu nzubu pamue ne mukaji muena tshiji ne mutoyi.

1 Yone 4:16

Tuetu tudi bamanye, bitabe kabidi dinanga didi Mvidi Mukulu mutunange nadi. Mvidi Mukulu udi dinanga. Muntu udi unanukila mu dinanga, udi ushala munda mua Mvidi Mukulu, Mvidi Mukulu kabidi udi ushala munda muende.

Filipe 2:1

Nukadi nuitaba Kristu, bakolelamu. Kristu udi ununanga, unukolesha ku muoyi. Nudi badisange ne Mueyelu wa Tshijila. Nudi nuenzelangana bimpe, nufuilangana luse.

Matayi 22:4

Pashishe kutumaye bena mudimu bakuabu, ubambila ne: “Ambilayi bamvua mubikile ne: mpindiewu nkadi mumane kulongolola didia dianyi. Ndi mushipe ngombe milume, ne nyama mikuabu mimpe ya mafuta. Bionsu biakumbanyi! Vuayi mu didia dia dibaka!”

Luke 15:23

Nufike ne muana wa ngombe utudi badiundishe, numushipe, bua tudie didia dinene dia disanka.

Muambi 4:6

Kadi bidi bipite buimpe kuanji kuikisha pa mutu pa kukuata tshidimudimu katshiyi ne bua nsongu.

Nsumuinu 16:8

Kupeta difutu dikese mu buakane, nkupita kuikala ne bintu bia bungi bipeta mu buenzayi.