Nsumuinu 14:30 - MUKANDA WA MYIDI MUKULU

³⁰ Bupole budi mu muoyi budi busanguluja mubidi. Kadi mukawu udi bu disama didi didia mifuba.

Mukanda wa Nzambi Dihungila Dikulukulu ne Dihungila Dihia-dihia 2003

³⁰ Mutshima muhole udi muoyo wa mubidi, kadi mutshiaudi udi ubolesha mifuba.

Nsumuinu 14:30 Referans Kwoze

Nsumuinu 17:22

Disanka didi dijikija disama dia muntu. Kadi dibungama didi dikepesha bukole bua mubidi.

Nsumuinu 3:8

Ke buanga budi buondapa mubidi webe mujima. Nebukepeshe ntatu yebe.

Yobe 5:2

Muntu mutatakane udi wasa Mvidi Mukulu tshilumbu, tshiotshi tshidi tshimushipa. Muntu mutshimbakane udi umvua lubabu munda, ufua nalu.

Nsumuinu 12:4

Mukaji wa bukitu udi ukebela bayende lumu. Mukaji mubi udi bu disama didi didia mifuba ya bayende.

Nsumuinu 4:23

Kenketa nangananga meji audi wela munda muebe, bualu wowu nealudike nsombelu webe wa panu.

2 Timote 1:7

Bualu Mueyelu, utudi bapete kudi Mvidi Mukulu, kawena utuenza bantu badi ne buowa nansha. Kadi Mueyelu wende udi utupa bukole, dinanga, ne meji.

Rome 1:29

Badi buwule tente ne malu mabi a mishindu yonsu: bubi, lukuka, tshikisu; badi ne lubabu munda tente, bashipangana, batandangana; bikale kabidi ne budimu, kabidi ne bibidilu bibi. Badi bena lubuakabuaka,

Misambu 119:80

Nengenze biudi musue ne muoyi wanyi mujima, nanku tshiakufua bundu ku mesu kuebe to.

Misambu 112:10

Padi muntu mubi umona bualu ebu, udi unyingalala, usumakaja menu, ubutuka. Dijinga dia bantu babi nedijimine.

Yakobe 4:5

Nuvuluke mudi Mikanda ya tshijila yamba pa bualu ne: “Mvidi Mukulu udi ne mukawu. Udi musue bua mueyelu udiye muteke munda muetu udileje patoke.”

Bienzedi 7:9

Bankambua kutekela Yozefe lubabu, kumupana bua ashale mupika mu Ejipitu. Kadi Mvidi Mukulu uvua nende.

Nsumuinu 15:13

Muntu udi ne disanka udi ne mpala wa mimuemue. Kadi muntu udi ne kanyinganyinga udi ne minyengu mu mpala.

Abakuke 3:16

Pandi ngumvua tshiona atshi, bowa kunkuata bikole bipite, mishiku kungomba, mifuba kunwingutuka, mikolu kunzakala. Kadi ndi anu mutukije muoyi, muindile dituku diudi mua kunyoka bonsu bayua batukengesha, baunyanga.

1 Bakalenga 21:6

Mukalenga Akabe kuandamuna ne: — Mvua mumonangane ne Nabote, muena mu tshimenga tshia Yizreyele. Meme kumulomba ne: “Umpe budimi buebe bua mvinyo. Ndi musue kubusumba. Anyi pawikala musue, tudi mua kushintakaja, meme kukupa budimi bukuabu.” Kadi, Nabote mmungandamune ne: “Tshiena mua kukupa budimi buanyi bua mvinyo to.”