Nsumuinu 14:17 - MUKANDA WA MYIDI MUKULU

¹⁷ Muntu udi ufika munda lukasa, udi wenza bualu bupote. Udi wela meji mabi, udi udikebela lukinu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Udi ukuata tshiji lubilu udi wenza malu mahote, kadi muena lungenyi udi ne lutulu.

Nsumuinu 14:17 Referans Kwoze

Nsumuinu 14:29

Muntu udi kayi ufika munda lukasa, udi ne lungenyi luvule. Kadi udi ufika munda lukasa, udi uleja bupote buende.

Nsumuinu 29:22

Muntu wa tshiji udi ujuula matandu. Udi ubinduluka lukasa lukasa udi uvudija bilema biende.

Yakobe 1:19

Bana hetu basuibue, vulukayi bimpe bindi ngamba: muntu yonsu ateleje lukasa, kadi kena mua kuakula pa lukasa nansha. Kabidi kafiki munda lubilu.

Muambi 7:9

Kufiki munda lukasa, bualu tshiji mmudimu wa bantu bapote.

Nsumuinu 15:18

Muntu wa lonji udi ukeba matandu, kadi muntu wa lutulu udi watuyisha.

Nsumuinu 22:24

Kuena mua kudia bulunda ne muntu muena tshiji. Kuendi ne muntu udi ufika munda lukasa.

Nsumuinu 16:32

Tshilobu tshia mvita ke muntu udi kayi ufika munda lukasa. Muntu udi udikolela mmupite tshilobu tshidi tshikuata tshimenga.

Yeshaya 32:7

Bantu bapale badi bamanye mua kukengesha bantu bakuabu bikole. Badi badilongolola, bua bamone mua kupisha bapele, pa kujadika malu a dishima. Ke mudi bena dikenga kabayi mua kubinga, nansha bobu kabayi ne bualu.

Nsumuinu 12:16

Muntu mutshimbakane udi uleja tshiji tshiende patoke diakamue. Kadi muntu wa lungenyi udi usokoka kanyinganyinga kadiye naku.

Nsumuinu 12:2

Maweja-Nangila udi wanyisha muntu muimpe, kadi udi udiwula muntu udi upangadika bibi.

Nsumuinu 6:18

lungenyi ludibu bakeba kuenza nalu malu mabi, makasa adi aya ku dienza dia malu mabi,

Estere 3:6

Bantu kumuambila kabidi ne: Mordekayi mmuena Yuda. Nanku kumonaye ne: ki mbimpe kunyoka amu Mordekayi nkayende, kadi mbimpe kubutula bena Yuda, bena tshisamba tshiabu bonsu badi basombela mu bukalenga bua Ahashaveroshe.

2 Bakalenga 5:12

Abana ne Parpare, misulu ya mu Damase, kayena mipite misulu ya mu ditunga dia bena Izrayele anyi? Meme mowe mayi mu misulu yetu ayi, disama dianyi kadiena mua kujika anyi? Nanku Namane kupingana, mufike munda.

Nsumuinu 14:16

Muntu wa meji udi utshina bualu bubi, ubuepuka. Kadi mutatakane udi upututuka, kayi wela meji ku bualu nansha bumue.

Nsumuinu 14:18

Budingidingi ntshiuma tshia bantu batshimbakane. Kadi lumu lua bantu badimuke ke dimanya dia malu.

Nsumuinu 20:3

Muntu wa meji udi wepuka matandu. Amu bantu bapote ke badi badibuejamu.