Nsumuinu 13:25 - MUKANDA WA MYIDI MUKULU

²⁵ Muntu muakane udi udia ukuta. Kadi muntu mubi udi ukenga ne nzala.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Muntu muakane udi udia, udi ushikisha nzala yandi, kadi difu dia muntu mubi didi diunvua nzala.

Nsumuinu 13:25 Referans Kwoze

Misambu 34:10

Nuenu bantu ba Maweja-Nangila, nuitabe bumfumu buende. Badi bamutumikila, kabakukenga kantu.

Nsumuinu 10:3

Maweja-Nangila kena musue bua muntu udi umulamata afue nzala, kadi kena musue bua muntu mubi apete tshidiye ujinga.

Ebrewu 13:5

Mu nsombelu wenu, kanuikadi ne lukuka lua biuma. Nusanke ne binudi nabi, bualu Mvidi Mukulu mmuambe ne: “Tshiena nkulekela, tshiena nkushiya nkayebe nansha kakese.”

1 Timote 4:8

Manaya a kuibidija mubidi adi mimpe, alengelela bantu, kadi amu kakese. Kadi kutumikila Mvidi Mukulu kudi kubambuluisha mu bionsu, bualu kudi kutulaya muoyi bua mpindiewu, ne bua matuku atshidi kumpala.

Nsumuinu 6:11

bupele budi bukukuata tshimpitshimpi bu muivi. Ke padi dikenga difika kuudi bu mupawudi wa nzubu ya bende.

Dielulula 32:24

Nzala mimane kutekesha bena Izrayele, mubidi luya ne disama dia tshiambu bimane kubakuata, nembatumine nyama ya lonji, kabidi ne nyoka ya lulengu.

2 Tesalonike 3:10

Bualu patuvua kuenu aku, tuvua banuambile ne: “Udi kayi musue kukuata mudimu, alekele kudia!”

Nsumuinu 24:34

ke padi bupele bukukuata tshimpitshimpi bu muivi, ke padi dikenga dikufikila bu muntu udi upawula nzubu ya bende.

Misambu 37:16

Bikese bidi kudi muntu wa Mvidi Mukulu, mbipite mpetu mivule ya muntu udi umubenga.

Misambu 37:3

Tekemena kudi Maweja-Nangila, enza bimpe, neushale mu ditunga, usombemu talalaa.

Dielulula 28:48

Maweja-Nangila neanutumine baluishi, banukuate ku bupika. Nenukenge ne nzala ne nyota, nupanga ne tshilamba tshia kuvuala. Maweja-Nangila neanuambuishe mukoolu wa tshiamu tshia bujitu pa makaya, too ne panuabutuka bonsu.

Luke 15:14

Nsongalume mumane kudila makuta onsu, tshiyole tshia nzala tshikole kubuela mu ditunga adi. Ke nsongalume awu kutuadija kukenga.

Misambu 103:5

Udi umpetesha diakalenga divule matuku onsu andi panu, udi umpingaja nsongalume, ndi ne bukole bu bua nyunyi wa tshiminyi udi ubuka.

Misambu 132:15

Eyowa, nengenzele Siyone bimpe, mmupeshe tshiakudia, nempeshe bapele bende biakudia bionsu, bidibu nabi dijinga.

Nsumuinu 13:18

Muntu udi ubenga kuteleja badi bamukolesha, neashale mupele udibu bapetula. Kadi udi uteleja mubelu, neapete lumu.