Nsumuinu 12:28 - MUKANDA WA MYIDI MUKULU

²⁸ Mu njila wa buakane mudi muoyi. Padi muntu ulonda njila ewu kena ufika ku lufu.

Mukanda wa Nzambi Dihungila Dikulukulu ne Dihungila Dihia-dihia 2003

²⁸ Mu nshila wa buakane mudi muoyo, kadi mu nshila wa bubi mudi lufu.

Nsumuinu 12:28 Referans Kwoze

3 Yone 1:11

Mulunda wanyi, kuidikiji bualu budi bubi, kadi idikija amu malu mimpe. Muntu udi wenza malu mimpe, udi wa Mvidi Mukulu. Udi wenza bibi, kena muanji kumona Mvidi Mukulu.

Rome 5:21

Nenku bu muvua bubi bupetela bukole kudi lufu, ke mudi kabidi dinanga dia Mvidi Mukulu dipetela bukole, pa-vuaye mutubingishe kudi Mfumu wetu Yezu Kristu, bua kutufikisha kudiye ku muoyi wa tshiendelele.

Nsumuinu 11:19

Udi mushindame bua kuenza bidi Mvidi Mukulu musue, neapete muoyi. Kadi udi musungule bubi neafuilemu.

1 Yone 3:7

Bana banyi, muntu kanushimi! Muntu udi wenza malu makane, udi muakane, mudi Yezu Kristu muakane.

1 Yone 2:29

Nudi bamanye ne: Kristu ki mmuenze bualu bubi nansha bumue. Nanku nudi ne bua kumanya kabidi ne: muntu yonsu udi wenza malu mimpe, udi muana wa Mvidi Mukulu.

Yezekiyele 18:9

Mu tshikosu, udi witaba meyi ne mikandu bimvua muele, wenza anu bimpe. Nanku meme Maweja-Nangila Mvidi Mukulu, ndi njadika ne: muntu awu mmuntu wa nsongu, neikale ne muoyi.

Nsumuinu 10:16

Mudimu wa muntu muakane udi umupetesha muoyi. Kadi difutu dia muntu mubi didi dimufikisha ku bubi.

Nsumuinu 8:35

Udi unsangana meme, mmupete muoyi, Maweja-Nangila neamuele lupemba.

Dielulula 30:15

Bena Izrayele, tangilayi: lelu ndi nteka kumpala kuenu, luseke elu muoyi ne diakalenga, luseke lualua lufu ne diakabi.

Nsumuinu 9:11

Meme, Meji, nemvudije matuku ebe. Neulale panu matuku mulongulongu.

Dielulula 32:46

kubabelaye ne: — Mikenji yonsu indi nnuambila lelu eyi, nuyikumbaje. Nuyilongeshe ndelanganyi yenu, bua ikumbaje tshidi Mvidi Mukulu musue.

Yirmeya 21:8

Maweja-Nangila kutuma bantu kudi Yirmeya bua kubambila ne: “Maweja-Nangila udi wamba ne: ndi munuteke mu mansanga a njila. Kumpala kuenu kudi lufu nansha muoyi.

Dielulula 30:19

Nanku ndi nnujadikila lelu kumpala kua diulu ne buloba ne: nusungule tshinudi basue: ndi nteka muoyi ne diakalenga luseke, lufu ne diakabi lukuabu. Mbimpe nusungule muoyi, bua nushale bena diakalenga, nuenu ne ndelanganyi yenu.

Nsumuinu 10:2

Biuma bipeta ku bubi kabiena bilubuluka kudi udi nabi, kadi muntu udi uvuluka Mvidi Mukulu mu midimu yende neashale ne muoyi.