Nsumuinu 11:20 - MUKANDA WA MYIDI MUKULU

²⁰ Maweja-Nangila udi upetula bantu bena budimu. Kadi udi wanyisha bantu ba muoyi umue.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Badi ne mitshima ya tshitshu badi batondesha Yehowa, kadi badi bakane tshishiki mu bienzedi biabo badi bamusankisha.

Nsumuinu 11:20 Referans Kwoze

Misambu 119:1

Bantu badi ne nsombelu muakane, balonda mikenji ya Maweja-Nangila mu nsombelu wabu, badi ne disanka!

1 Kulondolola 29:17

Mvidi Mukulu wanyi, ndi mumanye ne: udi ukonkonona meji adi munda mua bantu, udi wanyisha badi ne muoyi mutoke. Mvua mukulambule biuma bianyi, lelu meme kumona bantu badi basangile apa, benza bia mumue ne disanka.

Nsumuinu 21:29

Muntu mubi udi wenda ne dikima. Kadi muntu muimpe udi wenza malu ende onsu kayi upampakana.

Nsumuinu 6:14

Udi amu umvua nzala ya kuenzelangana bibi. Udi ulongolola malu mabi a kuenza kayi upungila. Udi ujuula matandu.

Nsumuinu 16:17

Bantu bakane badi bepuka bubi, bualu muntu udi wakaja nsombelu wende udi ulama muoyi wende.

Nsumuinu 15:8

Maweja-Nangila udi udiwula milambu ya bantu babi. Kadi udi wanyisha bikole dilomba dia bantu ba diyi dimue.

Nsumuinu 13:6

Muntu wa malu makane, buakane buende budi bumulama. Kadi bantu badi benza bibi, bubi buabu budi bubafila ku kabutu.

Nsumuinu 12:22

Maweja-Nangila udi udiwula bena dishima. Kadi udi wanyisha badi bamba malu pa wowu.

Nsumuinu 9:7

Paudi ubela muena ditambisha, udi ukupetula; paudi ukanyina muntu mubi, udi ukupenda.

Nsumuinu 8:13

Kutshina Maweja-Nangila ke kudiwula bubi. Meme ndi ndiwula ditambisha ne budiambi, ngenzelu mibi, ne miaku ya dishima.

Misambu 140:13

Maweja-Nangila, ndi mumanye ne: udi ubingisha bapele, udi ulumbuluila bena dikenga.

Misambu 51:6

Ndi mukuenzele bibi amu wewe nkayebe, bualu ndi muenze biudi ubenga. Paudi umpisha, udi wenza amu pa bualu. Tshiena mua kuela mpata mushindu uudi undumbuluisha.

Misambu 11:7

Bualu Maweja-Nangila udi muena buakane, udi unanga bantu badi benza bimpe. Bantu badi bamulamata, nebasombe pabuipi nende.

Misambu 101:4

Tshiena musue kumanya bualu bubi, bivi nembipatshile pa bule.

Nsumuinu 3:32

Bualu Maweja-Nangila udi udiwula bantu badi benza malu mabi, kadi udi umvuangana ne bantu bakane.

Nsumuinu 11:21

Bushuwa, bantu babi nebabanyoke. Kadi bantu bakane bonsu nebashale amu katakata.

Nsumuinu 14:9

Batshimbakane kabena bavuluka mua kulongolola ntupakanyi. Kadi bantu bakane badi amu benzelangana bimpe.

Nsumuinu 15:26

Maweja-Nangila udi udiombola meji mabi adi bantu bela, kadi udi wanyisha miaku ya dijingilangana nayi disanka.