Nsumuinu 10:7 - MUKANDA WA MYIDI MUKULU

⁷ Muntu udi unemeka Mvidi Mukulu badi bamuvuluka ne disanka, kadi nansha dina mene dia bantu babi badi badipua muoyi.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Tshivulukidi tshia muntu muakane tshidi tshivudisha disanka, kadi dina dia bantu babi nedibole.

Nsumuinu 10:7 Referans Kwoze

Misambu 112:6

Bualu kena mua kutekankana tshiendelele, nebavuluke muntu muakane matuku onsu.

Luke 1:48

Bualu mmuntabele meme muntu wende, muntu wa patupu. Eyowa, biangatshile mpindiewu, bantu ba mu bikondu bionsu nebangambe ne: mmuena diakalenga.

Marke 14:9

Ndi nnujadikila ne: mu buloba bujima miaba yonsu idibu balongesha Lumu lua Disanka, bantu nebalonde kabidi bidi mukaji ewu muenze, bua kumuvuluka.

Misambu 109:13

Ndelanganyi yende ifue, dina diende dijimine mu tshikondu tshidi tshilonda!

2 Kulondolola 24:16

Kumujikabu mu nkita ya bena diku dia bukalenga, mu Tshimenga tshia Davide. Bualu uvua muenzele bena Izrayele malu mimpe. Uvua munemeke kabidi Mvidi Mukulu ne nzubu wende.

Misambu 109:15

Maweja-Nangila avuluke malu aa matuku onsu, umbushe tshivulukilu tshia bantu abu mu ditunga.

Yobe 18:17

Bantu kabakumuvuluka kabidi mu ditunga. Kabakutela dina diende muaba nansha umue.

2 Bakalenga 19:34

Nendame Yerushalayime. Nemmusungidile, bualu ndi Mvidi Mukulu. Kabidi ndi nnanga kashidi, muntu wanyi, Davide!”

1 Bakalenga 11:36

Kadi, nenshile muana wa Shelomu tshisamba tshimue, bua muntu wa ku ndelanganyi ya Davide ikale mu bukalenga kashidi, kumpala kuanyi mu Yerushalayime, tshimenga tshimvua mumane kusungula, bua bantu kuntendelelamu muaba wanyi wa tshijila.

Muambi 8:10

Meme kumona bantu babi bavuabu bajika. Bantu babi abu bavua bayayaya pabu mu nzubu wa Mvidi Mukulu. Nanku bantu bakavua bamane kupua muoyi malu awa bantu babi aba benza mu tshimenga tshia Yerushalayime. Ebi bionsu kabidi bidi amu tshianana.

Yobe 27:23

Bantu ba muaba udibu basomba badi babamona, badi batuta bikashi, bela tunkunduluila bua dikenga edi.

Yirmeya 17:13

Maweja-Nangila, bena Izrayele badi bakutekemena amu wewe. Nanku badi bakubenga, bundu buasangana kubakuata anyi? Buabakuata! Bonsu badi bakubenga wewe, mbajimine bu mena adibu bafunde mu lupuishi. Bualu mbumuke kuudi wewe, Maweja-Nangila mpokolu wa muoyi.

2 Kulondolola 32:33

Izkiya mumane kufua, kumujikabu mu tshitupa tshia kulu tshia nkita ya ndelanganyi ya Davide. Diba dia madilu ende adi, bena Yerushalayime ne bena Yuda bakuabu bonsu bavua batumbisha lumu luende. Muanende wa balume Menashe, kumupingana mu bukalenga.

Yobe 24:20

Mamu uvua mubalele ukadi mubapue muoyi. Badi babadia kudi misanda. Bantu kabena babavuluka kabidi to. Badi batshibula bubi bu mudi mutshi.

Misambu 34:16

Maweja-Nangila udi utangila bantu bende, uteleja padibu bamubila.

Nsumuinu 22:1

Mbimpe kuikala ne lumu luimpe, pa mutu pa kuikala ne biuma bia bungi. Mbimpe bantu bakuanyishe pa mutu pa wewe kupeta mpawungi ne tshiamu tshitoke tshia mushinga mukole.

Yeshaya 14:22

Maweja-Nangila muena bukole buonsu udi wamba ne: “Nennyoke Babilone. Nenjimije dina dia Babilone, bana bende, ne ndelanganyi yende yonsu pa buloba.

Misambu 34:17

Maweja-Nangila udi ukina benji ba bibi, ukupula mena abu pa buloba.

Misambu 41:5

Bu mundi ntekemena nanku, ndi ngambila Maweja-Nangila ne: “Ndi muena tshibawu ku mesu ebe, kadi umfuile luse, umpingajile bukole ne makanda.”