Nsumuinu 10:25 - MUKANDA WA MYIDI MUKULU

²⁵ Bantu babi badi bafue mu tshikondu tshia tshipupu, kadi bakane badi batshikolela kashidi.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Bu mudi nvunde uhita, mbu mudi muntu mubi ujimina kabidi, kadi muntu muakane udi mujalame tshiendelele.

Nsumuinu 10:25 Referans Kwoze

Misambu 15:5

Udi usombeshangana makuta, kayi ulomba bia kasombela. Udi kayi ne bualu, kena umudila mabuejila. Muenji wa nanku, kakumona diakabi.

Misambu 58:9

Bafube bu dilandi didi dienda, diume! Kabamonyi diba, bu muana wa tshituka mufuile munda!

Nsumuinu 12:3

Muntu kena ushindama padiye wenza malu mabi. Kadi tshintu nansha tshimue katshiena tshishindisha bakane.

2 Timote 2:19

Kadi tshitaku tshikole tshivua Mvidi Mukulu muase, kabena mua kutshinyungisha. Bavua bafundapu ne: “Mfumu udi mumanye bena diende.” mBafundepu kabidi ne: “Muntu yonsu udi wamba ne: ndi muntu wa Mvidi Mukulu, udi ne bua kulekela kuenza malu mabi.”

1 Timote 6:19

Ke mudibu bakungija biuma bidi bishala mu tshibutshilu tshimpe ne tshikole bua matuku adi kumpala. Diba adi nebapete muoyi udi mulelela.

Efeze 2:20

Nuenu kabidi nudi bidibu bibaka nabi nzubu. Tshitaku tshia nzubu awu, ke bapostolu ne bambi. Dibue dia mu ditumba ke Kristu mene.

Matayi 16:18

Kadi meme ndi nkuambila patoke ne: wewe udi Petro, dibue. Nanku pa dibue edi nengasepu Tshisumbu tshia bantu banyi. Nansha lufu mene kaluakutshibutula to.

Yeshaya 40:24

Badi bu mitshi mitekete. Bavua bamiamina ntete, itshidi yelelaku miji mu buloba. Kadi padi Mvidi Mukulu uyela mupuya, idi yuma, mupuya wende udi uyishimbula, bu mudi lupepele lukole lutula tususu tua tshimuma tshibishi.

Nsumuinu 12:7

Padibu babutula bantu babi, biabu bionsu mbijimine. Kadi diku dia bakane nedishale kashidi.

Nsumuinu 1:27

Bualu dituku dikuabu dikenga nedinukuate bu mvula wa tshipupu. Bowa nebunuenze bu tshipepela tshia mvunde. Lutatu ne dipampakana nebinutatshishe bikole.

Yobe 21:18

Badi baya nabu bu mudi lupepele luambula bisosa anyi? Peshi bu mudi mvunde ujula lupuishi anyi?

Nsumuinu 10:30

Muntu udi ulamata Mvidi Mukulu udi ushindama kashidi. Kadi babi kabakusomba mutantshi mu ditunga to.

Yobe 17:9

Badi bamba ne: “Bantu badi bitaba Mvidi Mukulu, bananukile mu njila wabu, badi kabayi ne tshilumbu, bashale amu nanku.”

Yobe 20:8

Udi upepuka bu tshilota, ujimina, kabayi mua kumusangana kabidi to, bu mudi malu adi amuenekela muntu butuku.

Misambu 58:10

Nebabakose bu ntambua dishinda, kabidi nansha mutshikale mubishi nansha mosha mvunde neabatangalaje.

Misambu 125:1

Musambu wa bena ngendu. Bantu badi beyemena Maweja-Nangila, mbafuane mukuna wa Siyone, udi kauyi utenkakana tshiendelele.