Ngalate 6:16 - MUKANDA WA MYIDI MUKULU

¹⁶ Bonsu badi balonda njila ewu, ndi mbajingila ne: Mvidi Mukulu abapeteshe bupole, abafuile luse, bobu ne bena tshisamba tshia Mvidi Mukulu bonsu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Bonso badi basue kuenda bu mudi tshidikishilu etshi, ditalala ne luse bikale kudibo ne kudi Bena Isalele ba Nzambi.

Ngalate 6:16 Referans Kwoze

Ngalate 3:29

Nanku panudi bantu ba Kristu, nudi ndelanganyi ya Abrahame. Nenupete bivua Mvidi Mukulu mulaye.

Filipe 3:3

Bualu badibu bateka panshi menemene mu bulelela ntuetu, ki mbobu nansha. Bualu tuetu tudi tutendelela Mvidi Mukulu ku bukole bua Mueyelu wende. Tudi tuditemba amu bua Yezu Kristu. Katuena tutekemena ku bidi bantu benza.

Rome 4:12

Udi kabidi tatu wa badibu bateke panshi, kadi badi kabayi batekemena amu ku diteka panshi diabu adi. Badi balonda njila wa ditaba uvua Abrahame mulonde, nansha pavuabu kabayi banji kumuteka panshi.

Yowanane 1:47

Yezu umona Natanayele ufika kudiye, kuambaye ne: — Ke muena Izrayele mulelela udi kayi ne dishima nansha dikese munda muende.

Yeshaya 45:25

Kadi nengambuluishe ndelanganyi yonsu ya Izrayele, bua bapete tshidibu ne bua kupeta. Nanku nebantumbishe.

Misambu 73:1

Musambu wa mu mukanda wa misambu ya Asafe. Ndi mumanye ne: Mvidi Mukulu udi unanga Izrayele, nangananga bantu badi bamuitaba.

Filipe 3:16

Nansha munyi ne munyi, tuye amu kumpala mu njila utukadi bamane kulonda too ne ku mpindiewu.

Ngalate 5:25

Bu muvua Mueyelu mutupeshe muoyi, utulombole kabidi mu nsombelu wetu.

Ngalate 5:16

Ndi nnulomba ne: nuanyishe bua Mueyelu wa Tshijila unulombole. Kanulondi majinga mabi a buntu buenu.

Yowanane 16:33

Mvua munuambile bionsu ebi bua nuikale ne ditalala, badisange nanyi. Nenukenge pa buloba. Kadi nukoleshe muoyi! Nkadi mumane kutshimuna ba pa buloba!

Yowanane 14:27

Ndi nnushila ditalala. Ndi nnupesha ditalala dianyi. Tshiena nnupeshadi bu mudi ba pa buloba badipeshangana. Kanupampakanyi. Kanutshinyi.

1 Kulondolola 12:18

Davide kuya kubakidila, ubambila ne: — Panuikala bafike kundi ne ditalala bua kungambuluisha, ndi nnuakidila ne muoyi mujima. Kadi panuikala bangelele tshifufu bua kumfila kudi baluishi banyi, nansha tshiyi muenze bualu bubi, Mvidi Mukulu wa bankambua betu amone bualu abu, anunyoke.

Filipe 4:7

Bu munudi badisange ne Kristu, Mvidi Mukulu nealame mioyi yenu ne meji enu mu bupole buende, budi bupite bionsu bidi muntu mua kujingulula.

Ngalate 1:3

Dinanga ne bupole bia kudi Mvidi Mukulu Tatu wetu, ne bia kudi Yezu Kristu, bishindame mu mioyi yenu.

Rome 1:7

Nuenu bonsu badi mu Rome, badi Mvidi Mukulu unanga, badiye mubikile bua nuikale bende ba tshijila, ndi nnutumina mukanda ewu. Dinanga ne bupole bia kudi Mvidi Mukulu Tatu wetu, ne bia kudi Mfumu Yezu Kristu, bishindame munda muenu.

Efeze 6:23

Mvidi Mukulu Tatu ne Mfumu Yezu Kristu bapeshe bana hetu bonsu bupole, dinanga, ne ditaba.

1 Petro 1:3

Tutumbishayi Mvidi Mukulu, Tatu wa Mfumu wetu Yezu Kristu! Bu mudiye ne luse luvule, mmutupe muoyi mupiamupia pa kubisha Yezu Kristu ku bafue. Ke mutudi mua kutekemena bikole,

Yuda 1:2

Ndi ndomba Mvidi Mukulu bua luse, bupole ne dinanga bivulangane munkatshi muenu.