Ngalate 5:25 - MUKANDA WA MYIDI MUKULU

²⁵ Bu muvua Mueyelu mutupeshe muoyi, utulombole kabidi mu nsombelu wetu.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Bituikala ne muoyo bua Nyuma, tuende bietu bua Nyuma kabidi.

Ngalate 5:25 Referans Kwoze

Ngalate 5:16

Ndi nnulomba ne: nuanyishe bua Mueyelu wa Tshijila unulombole. Kanulondi majinga mabi a buntu buenu.

Yowanane 6:63

Mueyelu wa Tshijila ke udi ufila muoyi. Muntu nkayende kena ne tshidiye mua kuenza nansha. Miaku imvua munuambile idi Mueyelu ne muoyi.

Rome 8:2

Bualu mukenji wa Mueyelu wa Tshijila, udi utufulula patudi tudisanga ne Yezu Kristu, mmutupikule ku mukenji wa bubi ne wa lufu.

2 Korente 3:6

Bualu Yeye mmutuenze bena mudimu ba ndondu mupiamupia. Mu ndondu awu, Mvidi Mukulu kena mutupe mikenji idibu bafunde nansha, kadi mmutupe Mueyelu wende. Mikenji idibu bafunde idi itufikisha ku lufu, kadi Mueyelu udi utufikisha ku muoyi.

1 Petro 4:6

Ke pavuabu bamanyishe ne bafue mene Lumu lua Disanka. Bafue aba bavua babalumbuluisha mu bantu, mudibu balumbuluisha bantu bonsu. Kadi mpindiewu mbabamanyishe Lumu lua Disanka, bua bapete ku bukole bua Mueyelu muoyi, mudi Mvidi Mukulu nawu.

Rome 8:10

Padi Kristu munda muenu, nanku, nansha mubidi wenu mufundila lufu, bualu uvua wenza malu mabi, kadi Mueyelu udi uufulula munda muenu. Bualu Mvidi Mukulu uvua munubingishe kumpala kuende.

1 Korente 15:45

Bualu Mukanda wa tshijila udi wamba ne: “Adame muntu wa kumpala uvua mupete muoyi,” kadi Adame wa ndekelu udiku ku bukole bua udi ufila muoyi.

Didimanyisha 11:11

Kadi matuku asatu ne tshitupa mamane kupita, Mvidi Mukulu neabapingajile mueyelu wa muoyi, bua bajuke. Bonsu badi babamona, nebakuatshike bowa bikole.

Filipe 3:3

Bualu badibu bateka panshi menemene mu bulelela ntuetu, ki mbobu nansha. Bualu tuetu tudi tutendelela Mvidi Mukulu ku bukole bua Mueyelu wende. Tudi tuditemba amu bua Yezu Kristu. Katuena tutekemena ku bidi bantu benza.