Ngalate 5:15 - MUKANDA WA MYIDI MUKULU

¹⁵ Kadi panudi nusumangana, nusunsulangana, bu nyama ya lonji, nudimuke, tshianana nenubutulangane.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Kadi binuasumangana, binuadiangana, nudimuke ne kanubutudianganyi.

Ngalate 5:15 Referans Kwoze

1 Korente 3:3

bualu nutshidi nusomba bu bantu ba panu. Nudi nubabangana, nutandangana. Ke bidi bileja ne: nudi bantu ba panu, nuenza amu bidi bantu bakuabu bonsu benza.

Ngalate 5:26

Kanuditambishi, katufikishanganyi munda, katutekedianganyi lubabu.

Yakobe 3:14

Kadi padi muoyi wenu mumane kunyanguka ne lubabu, ne lungenyi lua difuilakana mianzu, kanuditambishi bua meji to. Kanushimi, kanuvidi malu adi malelela.

2 Korente 11:20

Nudi nuanyisha bua banutumine diyi, mudibu batumina bapika, bua banunyenge bintu bienu, banudinge, banupetule, banukume minu mu mpala.

2 Korente 12:20

Ndi ntshina ne: pangafika, tshiakunusangana mushindu undi musue. Tshiyi munusangane nanku, nuenu kabidi kanuakunsangana mushindu unudi basue. Bumue nensangane amu mvita ne lubabu, tshiji ne difuilakana dia mianzu, bipendu ne buakulavi, ditambisha ne buenzavi. Ke tshindi ntshina.

Yeshaya 11:13

Nenku bena Efrayime nebalekele mukawu, udibu batekela bena Yuda. Bena Yuda kabakuluisha kabidi bena Efrayime nansha.

Filipe 3:2

Dimukilayi bantu badi benza bibi; dimukilayi mbua eyi. Dimukilayi badi basue kutekesha bantu panshi diteka dia dishima.

Ngalate 5:20

ku ditendelela dia mvidie, ne ku majimbu; ku lukinu, matandu, lubabu, tshiiji, difuilakana mianzu, diabulukangana, ditapulukangana;

Kolose 2:8

Dimukayi bua muntu kanushimi ne malongesha a patupu a mu meji a bantu. Ke meji adi mafume ku malu adi bantu balongeshangana, ne kudi makole a mulu. Kadi kaena mafume kudi Kristu to.

Balombodi 9:44

Abimeleke ne tshisumbu tshia bena mvita bavuaye nabu, kuya lukasa bua kuimana ku tshiibi tshia tshimenga. Bisumbu bikuabu bibidi bia bena mvita bende kuluisha bantu bavua mu madimi, kubashipa.

Marke 3:25

Padi bena diku dimue baluishangana nkayabu, diku edi kadiena mua kutungunuka nansha.