Ngalate 5:1 - MUKANDA WA MYIDI MUKULU

¹ Kristu uvua mutupikule bua tuetu kudisunguila tshitudi basue. Nanku shindamenayi momu. Kanupinganyi mu bupika.

Mukanda wa Nzambi Dihungila Dikulukulu ne Dihungila Dihia-dihia 2003

¹ Kilisto wakatuhikula bua tuetu tuikale ne budishikaminyi; nunku nudijadike, kanudibueshi munshi mua tshikokedi tshia buhika kabidi.

Ngalate 5:1 Referans Kwoze

2 Korente 3:17

Kadi Maweja-Nangila utudi tutela muaba ewu, ke Mfumu udi ukuata mudimu ku bukole bua Mueyelu wende. Muaba udi Mueyelu wa Mfumu, ke muaba utudi tuenza mutudi basue.

Ngalate 5:13

Bana hetu, Mvidi Mukulu mmunubikile, bua nudisunguile tshinudi basue kuenza. Tshiena musue kuamba ne: nudisunguile amu majinga mabi adi anusankisha mu buntu buenu. Kadi nunangangane, nuambuluishangane.

1 Petro 2:16

Nuikale ne nsombelu wa bantu badi benza mudibu basue. Kadi panudi nuenza munudi basue, kanuambi ne: tudi mua kuenza kabidi malu mabi mu musokoku. Nuenze amu malu adi bantu ba Mvidi Mukulu mua kuenza.

Rome 6:14

Bualu malu mabi kaena mua kuikala ne bumfumu pambidi penu nansha. Kanuena ku bumfumu bua mikenji, kadi nudi ku bumfumu bua dinanga divua Mvidi Mukulu mutuleje.

Rome 8:2

Bualu mukenji wa Mueyelu wa Tshijila, udi utufulula patudi tudisanga ne Yezu Kristu, mmutupikule ku mukenji wa bubi ne wa lufu.

Ngalate 4:9

Kadi mpindiewu nudi bamanye Mvidi Mukulu. Tuambe ne: Mvidi Mukulu mmunumanye! Kadi mmunyi munudi basue kupingana ku bintu ebi bidi kabiyi ne bukole, kabiyi mushinga, kudienza bapika babi?

Ebrewu 10:23

Tulame bimpe ditekemena ditudi tuamba, bualu tudi bajadike ne: Mvidi Mukulu neakumbaje bivuaye mulaye.

Ngalate 2:4

Bushuwa bena ditaba bakuabu, bena mpala ibidi, bavua babuelakane netu, bavua basue kumutekesha panshi. Bantu aba mbabuele mu Tshisumbu tshietu bua kututentekela, kumona mutudi tudienzela bitudi basue, bualu tudi tuitaba Yezu Kristu. Nanku bavua basue kutupingaja mu bupika.

Ngalate 4:31

Nanku, bana hetu, katuena bana ba mukaji mupika, tudi bana ba mukaji udi kayi ku bumfumu bua muntu.

Didimanyisha 3:3

Nenku vuluka bivuabu bakulongeshe. Kuvulaminyi muuvua mubilonge ne tshisumi. Ubikumbaje ne muoyi umue, udilengeje. Kuyi mutabale, nenkujikile bu muivi. Kuakumanya diba dingafika kuudi.

2 Petro 2:19

Badi balaya bantu ne: nenudienzele malu munudi basue. Kadi bobu mene batshidi mu bupika bua bibidilu bidi mua kubafikisha ku lufu. Bualu muntu yonsu udi mupika wa tshidi tshimukokesha.

1 Korente 16:13

Tabalayi, shindamayi bikole mu ditaba. Kolayi muoyi. Nuikale ne bukitu.

Rome 7:6

Kadi mpindiewu, mbatupikule ku mikenji. Bualu tuvua bafue ku mikenji ivua mitukuate, mitujingile mu nkanu. Nanku tudi mua kukuatshila Mvidi Mukulu mudimu mushindu mupiamupia ku bulombodi bua Mueyelu wa Tshijila. Katumukuatshidi kabidi mudimu muetu mua kale ku bulombodi bua bivuabu bafunde mu mikenji.

Rome 6:18

Bavua banupikule ku bubi. Nukadi bapika ba malu mimpe.

Yeshaya 61:1

Maweja-Nangila Mvidi Mukulu, mmunguwuje ne Mueyelu wende, bualu mmundabe manyi a tshijila, mmutume bua kumanyisha bapele lumu lua disanka, bua kukolesha ku muoyi badi benda batekete mu maboku, bua kuambila bavuabu baye nabu mu matunga a bende ne: nudi mua kuya kuonsu kunudi basue, ne bua kuambila bena lukanu ne: mbamane kunupatula mu lukanu.

Bienzedi 15:10

Kadi nudi nuteta Mvidi Mukulu mpindiewu bua tshinyi? Nudi basue komekela bena ditaba bujitu buvua bankambua betu, nansha tuetu mene katuyi mua kuambula anyi?

1 Korente 7:22

Bualu mupika uvua Mvidi Mukulu mubikile, mbamane kumupikula, bualu ukadi wa Mfumu. Momumue kabidi, muntu uvua kayi mupika diba divua Kristu mumubikile, ukadi mupika wa Kristu.

Misambu 51:12

Mvidi Mukulu wanyi, fila muoyi mutoke munda muanyi. Umpeshe lungenyi lupialupia, ulushindike.

Nsumuinu 23:23

Ikala muntu udi wamba malu malelela, muedi wa meji, muntu mudimuke ne wa lungenyi. Wewe mumane kupeta ngikadilu eyi, kuyinyangi to.

Yuda 1:3

Betu basuibue, nkavua njinga bikole kunufundila malu a pa lupandu lutudi batekemene bonsu. Kadi ndi mumone ne: ndi ne bua kunutumina kabidi mukanda ewu, bua kunukolesha ku muoyi, bua nuluile ditaba didi Mvidi Mukulu mupeshe bantu bende bua kashidi.

Filipe 1:27

Kadi nuenze amu malu adi umvuangana ne Lumu lua Disanka lua Kristu. Nanku nansha meme mufike bua kunumona, nansha tshiyi mufike, nengumvue munudi bashale bashindame, badisange ne meji amue, nuluangana bonsu ne muoyi umue, bua ditaba didi Lumu lua Disanka lunupetesha.

Efeze 6:14

Nanku, dilongololayi: suikayi bulelela bu mukaba mu tshimonu. Vualayi buakane bu kazaku ka mvita kela pambidi.

Didimanyisha 2:25

Kadi nulame bimpe binudi nabi, too ne pangafika.

Ebrewu 4:14

Nenku, tulaminayi momu ditaba ditudi tutonda. Bualu tudi ne mutuangaji mupite bunene, uvua mufike too ne ku mesu kua Mvidi Mukulu mene: ke Yezu, Muana wa Mvidi Mukulu.

Ebrewu 3:14

Bualu tudi tuenda pamue ne Kristu mu njila, patudi tulama ne muoyi umue ditekemena dietu dia ku tshibangidilu too ne ku ndekelu.

Ebrewu 3:6

Kadi Mvidi Mukulu udi wanyisha Kristu bu Muanende, udi ku mutu kua nzubu wende. Nzubu wende awu ke tuetu, amu patudi tuindila ne muoyi umue ne lutulu, bitudi tutekemena.

2 Tesalonike 2:15

Nanku, bana hetu, ikalayi bantu bashindame. Nuvuluke malongesha atuvua banuambile mukana, nansha atuvua banufundile mu mukanda.

1 Tesalonike 3:8

Bualu mpindiewu tudi bafululuke, bualu nudi badisange ne Mfumu ne muoyi umue.

Ngalate 4:26

Kadi Yerushalayime wa mu diulu kena mu bupika; yeye ke mamuetu!

Ngalate 3:25

Nanku tshikondu tshia kuitaba tshimane kufika, katutshiena bualu ne muludiki awu.

1 Korente 15:58

Nenku, bana hetu basuibue, shindamayi bikole, kanunyungi. Tungunukayi amu kutungunuka nuye kumpala. Nutungunuje mudimu wa Mfumu. Numanye ne: mudimu unudi nukuata badisange ne Mfumu kawena wa patupu.

Matayi 23:4

Badi basuika mabuki a bujitu, baambuisha bantu pa makaya abu. Kadi bobu kabena mua kualenga nansha ne munu bua kuambula.

Rome 7:3

Nanku patshidi bayende ne muoyi, yeye muye kudi mulume mukuabu, nebambe ne: mukaji awu mmuena tshiendenda. Kadi bayende mumane kufua, mmusuluke ku mikenji. Udi mua kuya kudi mulume mukuabu, kabayi bamuamba ne: mmuena tshiendenda.

Rome 8:15

bualu Mueyelu unudi bapete kawena mueyelu udi unupingaja mu bupika, bua nuikale tshiakabidi ne bowa mesu tente. Kadi Mueyelu udi unuenza bana ba Mvidi Mukulu, bua tumuele mbila ya ne: “Tatu wanyi!

2 Korente 11:20

Nudi nuanyisha bua banutumine diyi, mudibu batumina bapika, bua banunyenge bintu bienu, banudinge, banupetule, banukume minu mu mpala.

Luke 5:38

Kadi mbimpe kuela nwinyo mupiamupia mu milondu ya biseba bipiabipia.