Ngalate 4:4 - MUKANDA WA MYIDI MUKULU

⁴ Kadi pakafika tshikondu tshivua Mvidi Mukulu mujadike, kutumaye Muanende. Bavua bamulele kudi mukaji. Uvua ne bua kukumbaja kabidi mikenji ya bena Yuda.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Kadi hakakumbana tshikondo, Nzambi wakatuma Muana wandi, muledibue kudi mukashi, muledibue munshi mua mikenshi,

Ngalate 4:4 Referans Kwoze

Yeshaya 7:14

Nanku Maweja-Nangila nkayende neakupeshe tshimanyinu: nsongakaji neimite difu. Nealele muana wa balume. Neamuinyike Emanuwele, mmumue ne: “Mvidi Mukulu udi netu.”

Rome 1:3

Uvua mulukumbaje kudi Muanende Mfumu wetu Yezu Kristu, uvuabu balele ne mubidi wa muntu mu diku dia mukalenga Davide;

Yowanane 1:14

Muaku kudienza muntu. Kusombawu munkatshi muetu. Uvua muwule ne dinanga kabidi ne bulelela. Tuetu kumona butumbi buawu. Butumbi ebu ke budi Muana mulela umue upeta kudi Tatuende.

Marke 1:15

Uvua wamba ne: — Diba divuabu bafunde diakumbanyi, ndimane kukumbana. Bualu Bukalenga bua Mvidi Mukulu bukadi pabuipi. Kudimunayi nsombelu yenu, itabayi Lumu lua Disanka.

Yowanane 3:16

Bualu Mvidi Mukulu uvua munange bantu bikole. Ke mutataye mubapeshe Muanende mulela umue, bua muntu yonsu udi umuitaba kafu to, kadi ikale ne muoyi wa tshiendelele.

Matayi 1:23

“Nsongakaji utshidi kamama neimite difu, nealele muana wa balume. Nebamuinyike dina ne: Emanuwele,” (mmumue ne: “Mvidi Mukulu udi netu.”)

1 Yone 4:14

Tuvua bamone, ke patudi tujadika ne: Tatu uvua mufume Muanende, bua kuikalaye Musungidi wa bantu.

Efeze 1:10

Neabikumbaje ku nshikidilu wa bidimu. Neasangishe bionsu bidi mu diulu ne bidi pa buloba. Neabiteke ku bukalenga bua Mfumu umue epele, Kristu.

Luke 2:7

Kulelaye muana wa balume, muanabute wende. Kumujingilaye mikusu, kumuladika mu tshidilu tshia nyama. Bualu kabavua ne muaba mu nzubu wa tshilala benyi.

Rome 8:3

Mvidi Mukulu mmukumbaje bivua mikenji ya Moshe kayiyi mua kupeta bualu bua butekete bua bantu. Bua kutshimuna bubi buvua ne bumfumu mu bantu, Mvidi Mukulu kutuma Muanende wa menemene, bua angate buntu bufuanangane ne bua benji ba malu mabi, bua amone mua kumushamu bubi.

Luke 1:35

Mutumibue kumuandamuna ne: — Mueyelu wa Tshijila neukutulukile. Bukole bua Mvidi Mukulu Muena kulu nebukubuikile bu mundidimbi. Nanku muana uwalela neikale wa tshijila. Nebamuinyike Muana wa Mvidi Mukulu.

Yowanane 6:38

Bualu ndi mufume mu diulu bua kuenza tshidi udi muntume musue, ki mbua kuenza tshindi meme musue to.

Yirmeya 31:22

Nsongakaji mutomboke, newindile too ne ku tshikondu kayi, bua wewe kupingana? Bualu Maweja-Nangila mmupatule bualu bupiabupia pa buloba ne: ke mukaji udi uya kukeba mulume.

Ebrewu 2:14

Padi bana aba, mudiye ubabikila, ne mubidi ne mashi, Yezu mene uvua mudienze bu bobu, mudisange nabu mu buntu buabu. Uvua muenze nenku bua ku lufu luende, amone mua kubutula diabolu, uvua ne bumfumu bua kushipa bantu.

Yowanane 10:36

Nanku meme, Mvidi Mukulu mmunsungule, muntume pa buloba. Mmunyi munudi nungamba ne: udi usendeka Mvidi Mukulu, pandi njadika ne: ndi Muana wa Mvidi Mukulu?

Zekâya 6:12

Umuambile ne: Maweja-Nangila wa bukole buonsu udi wamba ne: “Kudi muntu munemu dina diende Lutonga. Nsombelu wa bantu neashintuluke bualu buende. Neibakulule nzubu wanyi wa tshijila.

Yeshaya 48:16

Semenayi pabuipi nanyi, bua nuteleje bualu ebu: mvua ngamba malu onsu patoke, bituadijile ku tshibangidilu. Kabidi katshia malu aa abanga, udi wakumbaja ke meme. (Kadi mpindiewu, Maweja-Nangila Mvidi Mukulu ke udi untuma, umpesha Mueyelu wende).

Genese 3:15

Nenteke lukuna pankatshi pebe ne mukaji, pankatshi pa ndelanganyi yebe ne yende. Kabidi muana wa ku ndelanganyi ya mukaji neaboze mutu webe, wewe pebe neumusume ku tshikankanya.

1 Timote 3:16

Eyowa, muntu nansha umue kena mua kuela mpata ku bualu bunene busokome bua ditaba dietu! Uvua mudileje panu mu butekete bua muntu. Mueyelu wa Tshijila kumubingisha. Batumibue ba Mvidi Mukulu kumumona. Bantu kulongesha bualu buende mu bisamba bikuabu. Kumuitababu pa buloba. Kumuambulabu mu diulu.

Rome 15:8

Bualu ndi nnujadikila ne: Kristu mmudienze muena mudimu wa bena Yuda, bua kukumbaja malaya avua Mvidi Mukulu muambile bankambua babu, kabidi bua kuleja nanku mudi Mvidi Mukulu wa diyi dimue.

Bienzedi 1:7

Yezu kubandamuna ne: — Tatu ke udi ujadika meba ne bikondu ku bumfumu buende. Nuenu kanuena ne bua kubimanya to.

Luke 1:31

Newimite difu, ulele muana wa balume, umuinyike Yezu.

Matayi 3:15

Kadi Yezu kumuandamuna ne: — Kuanji kubenga to. Tuetu benze bionsu ebi, netukumbaje tshidi Mvidi Mukulu ulomba. Nanku Yowanane kuanyisha.

Genese 49:10

Nsesu wa bukalenga neashale mu diku dia Yuda. Dikombu dia bumfumu nedishale kudi ndelanganyi yende, too ne pafika muena bukalenga, udi bantu bonsu ne bua kutumikila.

1 Yone 4:2

Munudi mua kumanya ne: Mueyelu ewu ngwa Mvidi Mukulu, mudi nenku: muntu yonsu udi ujikula patoke ne: Yezu Kristu mmudienze muntu menemene, udi ne Mueyelu wa Mvidi Mukulu.

Ebrewu 9:10

Ebi bidi amu mikenji ya bantu idi itangila biakudia, bia kunua, kabidi ne bibidilu bishilangane bia kudikobolola nabi. Mikenji eyi idi ne mudimu amu too ne ku diba didi Mvidi Mukulu ulongolola malu onsu tshiakabidi.

Kolose 2:14

Uvua mushipe mukanda uvua uleja mutuvua bena tshibawu, utusonguela. Uvua mumbushe bukole buawu, bualu mmuupopele pa mutshi mutshiamakane.

Rome 9:5

Badi ba ku ndelanganyi ya bankambua. Kristu mu buntu buende udi wa ku tshisamba tshiabu. Yeye Mvidi Mukulu, udi ku mutu kua bionsu, atumbe kashidi. Amene.

Yowanane 8:42

Yezu kubandamuna ne: — Bu Mvidi Mukulu muikale Tatuenu bulelela, nuvua mua kunnanga. Bualu meme ndi mutumine kudi Mvidi Mukulu. Ndi panuapa mu dina diende. Tshiena mudivuile mu dina dianyi to. Kadi yeye ke uvua muntume.

Matayi 5:17

— Kanuedi meji ne: ndi mulue bua kubenga mikenji ya Moshe, nansha dilongesha dia bambi. Tshiena mulue kubibenga, kadi kubikolesha.

Malaki 3:1

Telejayi mudi Mvidi Mukulu wa bukole buonsu unuandamuna ne: “Ndi ntuma muntu wanyi ne mukenji bua kundongoluelaye njila. Maweja-Nangila unudi nujinga neafike lukasa mu nzubu wende. Muntu udi ne mukenji unudi bindile awu, neanumanyishe ndondu undi mutue nenu. Nyeye awu ukadi ulua!”

Dibadika 28:22

Pashishe nundambule kabidi mbuji wa mpumbu, bua mulambu wa kunukobolola, bua mibi yenu ijimine.

Rome 5:6

Bualu patutshivua katuyi ne bukole, Kristu wakafuila bantu babi tshikondu tshivua Mvidi Mukulu musungule.

1 Timote 2:6

Yeye uvua mudifile bua kupikula bantu bonsu. Ke muvuaye muleje mu tshikondu tshivua Mvidi Mukulu mujadike ne: Mvidi Mukulu mmusue kusungidila bantu bonsu.

Luke 20:44

Padi Davide umubikila: “Mfumu wanyi,” mudi Kristu mua kuikala wa ku ndelanganyi ya Davide mmunyi?