Ngalate 4:30 - MUKANDA WA MYIDI MUKULU

³⁰ Kadi Mikanda ya tshijila idi yamba ne: “Ipata mukaji mupika ewu ne muanende, bualu muana wa mupika kena mua kupiana pamue ne muana wa mukaji, udi kayi ku bumfumu bua muntu.”

Mukanda wa Nzambi Dihungila Dikulukulu ne Dihungila Dihia-dihia 2003

³⁰ Kadi Mukanda wa Nzambi udi wamba tshinyi? Udi wamba ne, Ihata mukashi muhika ne muanʼandi mulume: bualu bua muana wa mukashi muhika kena mua kuhiana bintu ne muana wa mukashi, muena budishikaminyi.

Ngalate 4:30 Referans Kwoze

Yowanane 8:35

Mupika kena ushala kashidi mu diku to. Kadi muana udi ushalamu kashidi.

Yakobe 4:5

Nuvuluke mudi Mikanda ya tshijila yamba pa bualu ne: “Mvidi Mukulu udi ne mukawu. Udi musue bua mueyelu udiye muteke munda muetu udileje patoke.”

Ngalate 3:22

Kadi Mikanda ya tshijila idi yamba ne: “Bantu bonsu mbapika ba bubi.” Nanku bidi Mvidi Mukulu ulaya, nebabipete amu kudi Kristu, padibu bamuitaba.

Ngalate 3:8

Mikanda ya tshijila ivua midianze kumanyisha muvua Mvidi Mukulu ne bua kuhingisha bantu ba bisamba bikuabu, anu bua ditaba diabu. Ke mutudi tubalamu Lumu lua Disanka elu luwabu bambile Abrahame ne: “Mvidi Mukulu neele bisamba bionsu bia pa buloba lupemba bualu buebe.”

Rome 11:2

Mvidi Mukulu kena mubenge bantu bende, bavuaye mudianze kudisunguila. Nudi bamanye bidibu bafunde mu Mukanda wa tshijila. Pavua Eliya ufunda bena Izrayele ku tshilumbu kudi Mvidi Mukulu,

Rome 4:3

Bualu Mukanda wa tshijila udi wamba ne: “Abrahame uvua mutekemene kudi Mvidi Mukulu. Ke Mvidi Mukulu kumulumbuluisha, kumubingisha amu bua ditaba diende.”

Ngalate 4:22

Mu mukanda wa mikenji tudi tubala ne: mbalelele Abrahame bana ba balume babidi, umue kudi Agare, mukaji mupika, mukuabu kudi Sara, mukaji uvuaye mudisunguile.

Ngalate 4:31

Nanku, bana hetu, katuena bana ba mukaji mupika, tudi bana ba mukaji udi kayi ku bumfumu bua muntu.