Ngalate 4:26 - MUKANDA WA MYIDI MUKULU

²⁶ Kadi Yerushalayime wa mu diulu kena mu bupika; yeye ke mamuetu!

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Kadi Yelushalema wa mu diulu udi muena budishikaminyi, udi baba wetu.

Ngalate 4:26 Referans Kwoze

Ebrewu 12:22

Kadi nuenu nudi basemena pabuipi ne mukuna wa Siyone, kabidi ne tshimenga tshia Mvidi Mukulu wa muoyi, ke Yerushalayime wa mu diulu, muaba udi batumibue ba Mvidi Mukulu binunu ne binunu.

Filipe 3:20

Buetu tuetu, musoku wetu udi mu diulu. Tudi tuindila, tutekemena ne muoyi mujima, Musungidi wetu, Mfumu Yezu Kristu, udi ne bua kutuluka mu diulu.

Didimanyisha 21:2

Ke meme kumona tshimenga tshia tshijila, Yerushalayime mupiamupia, utuluka mu diulu, ufuma kudi Mvidi Mukulu. Uvua muvuale bilenga biende bia tshibilu, muindile bayende bua kubuela mu dibaka.

Didimanyisha 3:12

Watshimuna, nemmuimanyike bu dikunji mu nzubu wa Mvidi Mukulu wanyi. Neashalemu kashidi. Nemfunde pambidi pende dina dia Mvidi Mukulu wanyi, ne dia tshimenga tshia Mvidi Mukulu wanyi. Tshimenga atshi ke Yerushalayime mupiamupia, udi utuluka mu diulu. Ke tshimenga tshidi Mvidi Mukulu wanyi wasa. Nemfunde kabidi pambidi pende dina dipiadipia dindi nadi.

Yeshaya 66:10

Nuenu badi bananga Yerushalayime, sankayi nende pamue, sangulukayi bualu buende. Nuenu bonsu bavua mu madilu, bua pavuaye mu dikenga, sankayi nende mpindiewu.

Ngalate 4:22

Mu mukanda wa mikenji tudi tubala ne: mbalelele Abrahame bana ba balume babidi, umue kudi Agare, mukaji mupika, mukuabu kudi Sara, mukaji uvuaye mudisunguile.

Rome 6:18

Bavua banupikule ku bubi. Nukadi bapika ba malu mimpe.

Rome 6:14

Bualu malu mabi kaena mua kuikala ne bumfumu pambidi penu nansha. Kanuena ku bumfumu bua mikenji, kadi nudi ku bumfumu bua dinanga divua Mvidi Mukulu mutuleje.

Yowanane 8:36

Padi Muana unupikula, nenuikale bantu badikadile bulelela.

Yeshaya 65:18

Sankayi amu kusanka. Kanulekedi to. Nuele amu mbila ya disanka, bua bionsu bindi mfuka. Yerushalayime undi mfuka neikale amu ne disanka. Bantu badi basombamu nebuwule ne musangelu tente.

Osheya 4:5

Udi ulenduka mu munya. Nansha muambi udi utetuka nebe butuku. Nembutule ne mamuebe Izrayele mene.

Osheya 2:5

Yeye kayi muenze nanku, nemmuvule bilamba, mmushiye butaka, muvuaye dituku divuabu bamulele! Ditunga diende, nediandamuke tshipela, nendienze buloba buume. Nemmufuishe ne nyota.

Osheya 2:2

Diba adi, bena Yuda ne bena Izrayele nebumvuangane. Nebasungule mukalenga wabu umuepele. Nebavulangane, basombe mu ditunga dijima. Eyowa, dituku adi nedikale dituku dinene dia Yizreyele

Yeshaya 50:1

Maweja-Nangila udi unuebeja ne: Nudi nuamba ne: ndi mubenge Yerushalayime, mamuenu, kadi mukanda udi ujadika mundi munubenge wepi? Meme munusumbishe, munutume ku bupika, bua meme kufuta mabanza, kadi ndi munutume kudi nganyi? Eyowa, bavua banusumbishe bua malu enu mabi, bavua babenge mamuenu bua buntomboji buende, bua buntomboji buenu.

1 Petro 2:16

Nuikale ne nsombelu wa bantu badi benza mudibu basue. Kadi panudi nuenza munudi basue, kanuambi ne: tudi mua kuenza kabidi malu mabi mu musokoku. Nuenze amu malu adi bantu ba Mvidi Mukulu mua kuenza.

Ngalate 5:1

Kristu uvua mutupikule bua tuetu kudisunguila tshitudi basue. Nanku shindamenayi momu. Kanupinganyi mu bupika.

Yeshaya 52:9

Nuenu makolu a mu Yerushalayime, elayi mbila ya disanka, bualu Maweja-Nangila udi wambuluisha bantu bende, usamba bena Izrayele.

Didimanyisha 17:5

Bavua bafunde pa mpala pende dina diamba bualu busokoka ne: “Babilone munene, mamuende wa bakaji bena buendenda, ne wa malu mabi onsu a pa buloba!”

Ngalate 4:25

Agare udi uleja mukuna wa Sinayi udi tshipeta tshia Arabiya, uleja kabidi lelu tshimenga tshia Yerushalayime, tshidi mu bupika pamue ne bonsu badi basombamu.

Didimanyisha 12:1

Tshintu tshinene kumueneka mu diulu: ke mukaji uvua muvuale diba bu tshilamba, ngondu kuinshi kua makasa ende, kabidi ne tshifulu tshia bukalenga ku mutu, tshileja mitotu dikumi ne ibidi.