Ngalate 4:18 - MUKANDA WA MYIDI MUKULU

¹⁸ Kuidikija bantu nkuimpe, kadi amu bantu badi benza bimpe. Nubidikije diba dionsu, ki ngamu pandi munkatshi muenu!

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Kuikala ne lukunukunu mu malu makane bikondo bionso kudi kuimpe, hangikala nʼenu, ne hangikala tshi nʼenu.

Ngalate 4:18 Referans Kwoze

Filipe 2:12

Bana hetu bananga, pamvua munkatshi muenu, nuvua bantumikile misangu yonsu. Kadi nupite kuntumikila lelu, pandi tshiyipu! Nukuate mudimu, nutshine Mvidi Mukulu, numuzakele, bua nupande.

Didimanyisha 3:19

Ndi ntandisha bandi munange, mbanyoka. Nenku wikale ne tshisumi, udilengeje.

Tite 2:14

Yeye mene uvua mudifile buetu tuetu, bua kutupikula ku bubi buonsu, kutulengeja, kutuenza bantu bende badi bamuitaba amu Yeye, benza midimu mimpe ne disuminyina.

Filipe 1:27

Kadi nuenze amu malu adi umvuangana ne Lumu lua Disanka lua Kristu. Nanku nansha meme mufike bua kunumona, nansha tshiyi mufike, nengumvue munudi bashale bashindame, badisange ne meji amue, nuluangana bonsu ne muoyi umue, bua ditaba didi Lumu lua Disanka lunupetesha.

Ngalate 4:13

Nudi bavuluke mumvua mupete mushindu wa kunulongesha Lumu lua Disanka musangu wa kumpala, bualu mvua nsama.

1 Korente 15:58

Nenku, bana hetu basuibue, shindamayi bikole, kanunyungi. Tungunukayi amu kutungunuka nuye kumpala. Nutungunuje mudimu wa Mfumu. Numanye ne: mudimu unudi nukuata badisange ne Mfumu kawena wa patupu.

Misambu 119:139

Tshiji tshidi tshinkuata pandi mmona baluishi banyi, bapue biudi muambe muoyi.

Yowanane 2:17

Balongi bende kuvuluka miaku isuabu bafunde mu Mukanda wa tshijila ne: “Mvidi Mukulu wanyi, dinanga dindi nadi bua nzubu webe, didi dingosha munda bu kapia.”

Yeshaya 59:17

Maweja-Nangila udi uvuala buakane, mudibu bavuala kazaku ka tshiamu ka mvita. Udi wasa lupandu, mudibu basa tshifulu ku mutu. Uvua uvuala dijinga dia kulongolola malu mimpe, amu mudibu bavuala bilamba. Tshinkutu tshidiye mudibuikile, ke disuminyina didiye nadi dia kuluangana mvita.

Misambu 69:9

Nkadi muenyi munkatshi mua bena diku dietu, nansha bana ba tatu mene kabatshiena bammanye.

Ngalate 4:20

Kia! Bu meme mua kumonangana nenu diba edi! Mvua mua kunuambila miaku ivua mua kunutua ku muoyi. Bualu tshiena mumanye mundi mua kupita nenu!

Ngalate 4:17

Bantu aba badi banulabidila pambidi. Kadi meji abu kaena mimpe nansha. Badi basue bua numuke kundi, nubalonde amu bobu.