Ngalate 3:11 - MUKANDA WA MYIDI MUKULU

¹¹ Mikanda ya tshijila idi ilongesha patoke mudi Mvidi Mukulu kayi mua kuhingisha muntu, bualu udi ukumbaja mikenji, bualu idi yamba ne: “Amu muntu udi Mvidi Mukulu ubingisha bua ditaba diende, neikale ne muoyi.”

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Nunku bualu ebu budi bumanyibua hatoke ne, Kakuena muntu udi ubingishibua bua mikenshi ku mesu kua Nzambi; bualu bua bakamba ne, Muntu muakane neikale ne muoyo ku ditabusha.

Ngalate 3:11 Referans Kwoze

Abakuke 2:4

Funda nanku: bena buenzayi nebafue. Kadi bantu badi benzela bakuabu bimpe, nebapete muoyi, bualu badi bitaba Maweja-Nangila.

Rome 1:17

Bualu Lumu lua Disanka ludi luleja mudi Mvidi Mukulu ubingisha bantu ku mesu kuende, amu bua ditaba nkayadi. Biangatshile ku ntuadijilu too ne ku ndekelu njila wa kulonda udi amu wa ditaba. Bualu Mukanda wa tshijila udi wamba ne: “Udi ubinga ku mesu kua Mvidi Mukulu bua ditaba, neikale ne muoyi.”

Ebrewu 10:38

Kadi, muntu udi wenza bindi musue, neikale ne muoyi, bualu udi witaba. Kadi padiye upingana tshianyima, tshiena nsanka kabidi bualu buende nansha.”

Ngalate 2:16

Kadi tudi bamanye ne: Mvidi Mukulu udi ubingisha muntu, amu bua padiye witaba Yezu Kristu, ki mbua padiye ulonda mikenji ya Moshe nansha. Ke patuvua bitabe Yezu Kristu, tuetu kabidi bena Yuda, bua Mvidi Mukulu atubingishe bualu bua ditaba dietu mu Kristu, ki mbua patuvua bakumbaje mikenji. Bualu Mvidi Mukulu kakubingisha muntu nansha umue, bua padiye ukumbaja mikenji.

Muambi 7:20

Mulengele kabula kalema, udi ne kende kamulamata.

Didimanyisha 5:9

Bavua bimba musambu mupiamupia, bamba ne: “Wewe udi muakanyine kuangata mukanda, kulamuna bitampi biawu. Bavua bakushipe. Nanku ku lufu luebe, Wewe kupikuila Mvidi Mukulu bantu, ba meku onsu, ba miakulu yonsu, ba bisamba bionsu, ne ba mu matunga onsu.

Yeshaya 53:6

Tuvua bapambuke eku ne eku, miaba yonsu, bu mikoku idibu batangalaja, muntu yonsu ulonda wende njila, muntu wende njila. Dinyoka divuabu mua kutunyoka tuetu, bua bilema bietu bonsu, ke divuabu bamunyoke nadi.

Yobe 42:6

Ke pandi ngunwua bundu bua bionsu bimvua muambe. Ndi nyingalala nsomba mu lupuishi ne mu butu.

Yakobe 3:2

Tudi tuenza bonsu bibi mishindu mishilangane. Kadi padi muntu kayi wakula muaku mubi musangu nansha umue, awu mmuntu wa nsongu. mMumanye kabidi mua kukanda mubidi wende mujima.

Yeshaya 64:6

Kakuena muntu nansha umue udi ukeba kukulomba diambuluisha, ujinga kudilengeja, ukuitaba. Bualu wewe mene kuena musue kutumona kabidi. Ukadi mumane kutubenga bua bilema bietu.

Yeshaya 6:5

Ke meme kuamba ne: “Eyi! Ndi mubutuke, bualu mishiku yanyi nya muena buakulavi. Tshiena mua kutumbisha Maweja-Nangila. Bena mu tshisamba tshietu kabidi badi ne mishiku ya bena buakulavi. Kadi ndi mudimuene nkayanyi mukalenga, Maweja-Nangila muena bukole buonsu!”

Misambu 19:12

Maweja-Nangila, ndi muena mudimu webe. Mikenji yebe idi imbela, kuyilonda nkupeta diakalenga.

Yobe 40:4

Ndi muntu wa tshianana, tshindi mua kuandamuna kabidi ntshinyi? Ndi mbuikila mukana ne tshianza mpuwa.

Yobe 9:3

Nuenu basue kuelangana nende mpata, wewe mumuele nkonku nansha tshinunu, kena mua kuandamuna nansha lumue.

1 Bakalenga 8:46

“Kakuena muntu nansha umue udi kayi mua kuenza bibi. Padi bena Izrayele bakutombokela, misangu mikuabu udi mua kubafikila munda, kubafila mu bianza bia baluishi babu, bua baye nabu mu bupika mu ditunga dia pabuipi, nansha dia kule.

Misambu 143:2

Ndi muena mudimu webe, kungashi tshilumbu, bualu kakuena muntu muakane ku mesu ebe.

Yakobe 1:27

Bantu badi banemeka Mvidi Mukulu Tatu menemene, ke badi bambuluisha bana ba nshiya, ne bakaji bakamba, mu makenga abu, badilama ku bubi buonsu budi bufuma panu.