Ngalate 1:19 - MUKANDA WA MYIDI MUKULU

¹⁹ Kadi tshivua mumone mupostolu mukuabu nansha umue, pa kumusha Yakobe, muanabu ne Mfumu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Tshiakamona mukuabo wa bapostolo, anu Yakobo muanʼabo ne Mukelenge.

Ngalate 1:19 Referans Kwoze

Matayi 13:55

Yeye ewu ki mmuana wa muena mabaya anyi? Mamuende ki Mariya anyi? Yakobe, Yozefe, Simone ne Yuda ki mbana babu anyi?

Marke 6:3

Yeye ewu ki mmuntu udi utenga nzubu anyi? Kena muana wa Mariya anyi? Kena muanabu ne Yakobe anyi? Kena muanabu ne Yoze anyi? Kena muanabu ne Yuda ne Simone anyi? Bana babu ba bakaji kabena munkatshi muetu emu anyi? Ke tshiyuabu babengela kumuitabila.

Matayi 12:46

Yezu utshivua wakula ne bantu, ke mamuende ne bana babu ba balume kufika. Bavua bimanyine pambelu, balomba mua kuyukila nende.

1 Korente 9:5

Tshiena mua kuya mu luendu ne mukaji muena ditaba, mudi bapostolu bakuabu, Petro ne bana babu ne Mfumu, benza anyi?

Matayi 10:3

Filipe ne Bartolmayi; Tomase ne Matayi, mulambuishi wa bitadi; Yakobe muana wa Alfayi, ne Tadeyi;

Yuda 1:1

Meme Yuda, muena mudimu wa Yezu Kristu, ne muanabu ne Yakobe, ndi mfundila bonsu badi Mvidi Mukulu mubikile, badiye Yeye Tatu wetu unanga, badi Yezu ulama bimpe, mukanda ewu.

Yakobe 1:1

Meme Yakobe, muena mudimu wa Mvidi Mukulu ne wa Mfumu Yezu Kristu, ndi ngela bantu bonsu ba Mvidi Mukulu badi batangalake pa buloba bujima mioyi.

Bienzedi 12:17

Ke Petro kupuwisha bantu ne tshianza, kubalondela muvua Mfumu mumupatule mu nzubu wa lukanu. Kuambaye kabidi ne: — Numanyishe Yakobe, ne bana betu bakuabu, bionsu ebi. Pashishe kupatukaye, kuya muaba mukuabu.

Luke 6:15

Matayi ne Tomase, Yakobe muana wa Alfayi, ne Simone (uvua mu tshisumbu tshia baluidi ba ditunga),

Marke 3:18

Andre, Filipe, Bartolmayi, Matayi, Tomase, Yakobe muana wa Alfayi, Tadeyi, Simone uvua mu tshisumbu tshia baluidi ba ditunga diabu,

Bienzedi 1:13

Bamane kufika ku Yerushalayime, kubandabu mu tshibambalu tshia nzubu tshia kulu, muaba muabu basomba misangu mivule. Bobu abu ke Petro, Yowanane, Yakobe ne Andre, Filipe ne Tomase, Bartolmayi ne Matayi, Yakobe muana wa Alfayi, Simone muluidi wa ditunga, ne Yuda muana wa Yakobe.

Luke 8:20

Ke bantu bakuabu kumanyisha Yezu ne: — Mamuebe ne bana benu badi pambelu, bakeba kumonangana nebe.