Nehemya 9:29 - MUKANDA WA MYIDI MUKULU

²⁹ Pashishe, wewe kubabela bua bapingane kuudi. Kabavua bitabe mikenji yebe. Kadi bavua buwule ne ditambisha, babenga mikenji yebe ne meyi ebe. Badi batumikila meyi ebe ke badi bapeta muoyi. Kadi bobu kukutombokela, kubenga kukuteleja.

Mukanda wa Nzambi Dihungila Dikulukulu ne Dihungila Dihia-dihia 2003

²⁹ wewe wakabadimusha bua kubahingisha ku mikenji yebe kabidi. Kadi bobo bakadisua, kabakatumikila mikenji yebe, bakashiha mei ebe majalame (biâtumikila muntu, yeye neikale ne muoyo kudiu), bakasaka makaya, bakambula mpala yabo, kabakunvua.

Nehemya 9:29 Referans Kwoze

Nehemya 9:16

Kadi bankambua betu bavua bantomboji. Bavua baditambisha bikole, babenga kuitaba mikenji yebe.

Lewitiki 18:5

“Nulame mikenji yanyi ne meyi anyi. Muntu udi ubikumbaja, nebimupeteshe muoyi. Bualu ndi Maweja-Nangila.

Nehemya 9:26

Kadi bavua ne tshishiku. Nanku bobu kukutombokela, kubenga diyi diebe, kushipa bambi bebe, bavua bababela bua bapingane kuudi. Ke muvuabu bakuenzela bibi, bakupenda misangu ne misangu.

Nehemya 9:10

Uvua muenze malu a kukema, bua kunyoka mukalenga wa mu Ejipitu, nebalombodi ba mu bukalenga buende, ne bantu bonsu ba mu ditunga diende. Bualu uvua mumanye muvua bena Ejipitu bakengesha bankambua betu. Ke muuvua mupete lumu lunene. Utshidi nalu ne lelu.

Osheya 6:5

Ke pandi nnuluisha, nnutumina bambi bua banubele. Ndi nnumanyisha ne: nenubutuke. Tshindi njinga bualu buenu, tshidi patoke too bu munya.

Yirmeya 43:2

Ke Azarya, muana wa Oshaya, Yowanane, muana wa Kareya, ne bakuabu bonsu, kuandamuna Yirmeya ne dikamakama ne: — Udi ushima. Maweja-Nangila Mvidi Mukulu wetu kena mukuambile bua kutubela bua katuyi kusokoma mu Ejipitu to.

Ngalate 3:12

Kadi mikenji kayena ifuma kudi ditaba. Apu Mikanda ya tshijila idi yamba ne: “Muntu udi ukumbaja mikenji neikale ne muoyi kudiyi.”

Rome 10:5

Telejayi bivua Moshe mufunde bua bantu badi bakeba kubinga ku mesu kua Mvidi Mukulu ku ditumikila dia mikenji: “Muntu udi ukumbaja bidibu bafunde mu mikenji, neapete lupandu kudiyi.”

Luke 10:28

Ke Yezu kumuambila ne: — Udi muandamune bimpe. Enza nanku, newikale ne muoyi.

Danyele 5:20

Kadi tatuebe kuditambisha, kuwula tente ne kapetu. Nanku bakamumbusha mu nkuasa wende wa bukalenga, kumunyenga ne lumu luvuaye nalu.

Yezekiyele 20:11

Mvua mubalongeshe meyi ne mikenji bi-mvua muele bua bantu bonsu badi babilonda bikale ne muoyi.

Yirmeya 44:10

Too ne mpindiewu, muntu nansha umue kena unyingalala bua bionsu abi. Muntu nansha umue kena muangate bumfumu buanyi ne mushinga. Kena muenze bimvua mulongeshe. Kena mulame mikenji imvua munupeshe nuenu ne bankambua benu.”

Yirmeya 19:15

— Maweja-Nangila Mvidi Mukulu wa Izrayele udi wamba ne: “Nentume makenga onsu amvua muambe ku tshimenga etshi ne mu misoku idi pabuipi natshi. Bualu badi basamu mbantombokele. Kabena bateleja diyi dianyi.”

Yirmeya 17:23

Bushuwa bankambua benu kabavua banteleje, kabavua bavuluke bimvua muambe. Bavua bantombokele. Bavua ne tshitunu, babenge mikenji yanyi.

Yirmeya 7:26

Kadi kanuena banteleje, kanuena bangitabe. Nuvua amu bantombokele. Nuenu kuenza bibi kupita bankambua benu.”

2 Kulondolola 36:15

Maweja-Nangila Mvidi Mukulu wa bankambua ba bena Izrayele, uvua munange bikole bantu bende bena Izrayele, munange kabidi ne nzubu wende wa tshijila. Kutumaye bantu misangu ya bungi bua kumanyisha bena Izrayele majinga ende.

2 Kulondolola 24:19

Pashishe, Mvidi Mukulu kubatumina bambi bua bababele, bua bapingane kudiye. Kadi, muntu nansha umue kavua muteleje bambi abu to.

2 Bakalenga 17:13

Maweja-Nangila kutuma bambi bashilangane bua bahele bena Izrayele ne bena Yuda, babambila ne: — Lekelayi buenzayi. Tumikilayi meyi ne mikandu yanyi bidi mu mikenji imvua mupeshe bankambua benu, ne imvua munutumine kudi bambi, bantu banyi.

Dielulula 31:21

Bena Izrayele nebapete ntatu ne makenga makole. Kadi meyi a musambu ewu neanusonguele. Bualu ndelanganyi yonsu ya bena Izrayele neikale imba anu musambu ewu. Meme ndi mumanye meji adi bena Izrayele nawu mpindiewu, tshiyi muanji kubafikisha mu ditunga dimvua mubalaye.

Dielulula 4:26

Ndi nnujadikila lelu, diulu ne buloba biumvue, ne: Nuenu basonge mpingu, nebanuipate lukasa mu ditunga dia Kenaane dinuakuata, didi dishiya dia musulu wa Yardene. Nenubutukemu.

Ekesode 10:3

Moshe ne Arone kuya kudi mukalenga wa bena Ejipitu, kumuambila ne: — Maweja-Nangila Mvidi Mukulu wa bena Ebrewu, udi wamba ne: “Mbimpe udipuekeshe kumpala kuanyi. Ulekele bantu banyi bena Izrayele baye kuntendelela.

Matayi 19:17

Yezu kumuebeja ne: — Udi unkonka bua kumanya bualu budi buimpe bua tshinyi? Udi muimpe udi amu umue. Pawikala musue kupeta muoyi kudiye, itaba ku mikenji yende.

2 Kulondolola 33:10

Maweja-Nangila kubela mukalenga Menashe ne bantu bende bena Izrayele. Kadi, muntu nansha umue kavua mumuteleje to.

Nehemya 9:30

Bidimu bia bungi, wewe kubafuila luse. Bambi bebe kupeta Mueyelu webe, kubela bantu bebe, kadi nanshabu kubateleja. Ke wewe kubafila mu bianza bia bantu benyi.

Nehemya 13:15

Matuku awu, meme kumona mu ditunga dia bena Yuda, bakama tumuma tua mvinyo dituku dia Dikisha. Bakuabu bavua bame pa nyama ya mpunde ntete ya kuenza bukula, maluvu a mvinyo, tumuma tua mvinyo, tumuma tua mfiku, ne bintu bikuabu, bua kuya nabi mu Yerushalayime. Meme kubabela, dituku divuabu bapana bintu biabu.

Yirmeya 42:19

Yirmeya kuamba kabidi ne: — Maweja-Nangila udi unukandika bua kanuyi mu Ejipitu, bualu nuenu nudi bantu ba ndekelu ba bena Yuda. Umvuayi bimpe bindi ngamba, nnujadikila lelu.

Dielulula 31:27

Meme Moshe ndi mumanye ne: bena Izrayele badi ne tshitunu, badi bonsu bantomboji. Mpindiewu pantshidi ne muoyi munkatshi muabu, bakabenga Maweja-Nangila. Kadi pambafua, nebamubenge bikole.

Balombodi 6:10

Meme kunuvuluija ne: meme ndi Maweja-Nangila Mvidi Mukulu wenu. Kanuena mua kutendelela mvidie ya bena Amore, bena ditunga dinudi basombe. Kadi kanuena bitabe diyi dianyi to!”

2 Bakalenga 17:14

Kadi bantu abu, kabena bitabe bivuabu babambila abi to. Bavua batomboka, anu bu muvuabu benza kudi bankambua babu, bavua babenga mua kuitaba Maweja-Nangila Mvidi Mukulu wabu.